नाशिक येथे आयोजित एका विशेष शिबिरात समाज कल्याण विभागाचे सहाय्यक आयुक्त देवीदास नांदगावकर यांनी तृतीयपंथीय व्यक्तींना सामाजिक, आर्थिक आणि शैक्षणिक सक्षमीकरणासाठी शासनाच्या विविध कल्याणकारी योजनांचा लाभ घेऊन स्वावलंबी होण्याचे आवाहन केले. सामाजिक न्याय व विशेष सहाय्य विभागांतर्गत सहाय्यक आयुक्त, समाज कल्याण, नाशिक यांच्या वतीने श्री. स्वाद बँक्वेट हॉल, पाथर्डी फाटा येथे तृतीयपंथीय व्यक्तींसाठी हे शिबिर आयोजित करण्यात आले होते. या शिबिरात सहाय्यक आयुक्त श्री. नांदगावकर यांनी तृतीयपंथीय व्यक्तींनी समाज कल्याण विभागाच्या बीज भांडवल योजनेसह इतर योजनांचा लाभ घ्यावा, लघुउद्योग उभारण्यासाठी पुढाकार घ्यावा आणि ई-सेवा केंद्राद्वारे आवश्यक कागदपत्रे व प्रमाणपत्रे मिळवून शासकीय योजनांशी जोडले जावे, असे सांगितले. यावेळी कौशल्य विकास विभागाचे अधिकारी सिद्धार्थ पवार आणि श्री. निंबाळकर यांनी विविध प्रशिक्षण कार्यक्रम, रोजगाराभिमुख अभ्यासक्रम आणि स्वयंरोजगाराच्या संधींबद्दल मार्गदर्शन केले. ॲड. पुष्पा ढवळे यांनी तृतीयपंथीय व्यक्तींचे कायदेशीर हक्क, संरक्षण आणि विविध शासकीय तरतुदींबद्दल सविस्तर माहिती दिली, तर श्री. इंगळे यांनी समाज कल्याण विभागाच्या बीज भांडवल योजनेची माहिती दिली. किन्नर समाज नाशिक जिल्हा गादीपती सलमा गुरु नायक, किंन्नर आखाडा महामंडळाचे पुजा नंदगिरी आणि आचार्य महामंडळेश्वर शिवशक्ती आखाड्याचे तसेच किन्नर प्रतिष्ठानचे अध्यक्ष डॉ. वैभवी पाटील यांच्यासह अनेक मान्यवर शिबिरात उपस्थित होते. शिबिरादरम्यान इच्छुक तृतीयपंथीय व्यक्तींकडून अर्ज भरून घेण्यात आले आणि अर्जांचे वितरणही करण्यात आले. शिबिरस्थळी उपलब्ध केलेल्या ई-सेवा केंद्राच्या माध्यमातून आधार कार्ड, आभा कार्ड, रेशन कार्ड, मतदार नोंदणी यांसारख्या सेवांसाठी ऑनलाईन नोंदणी करण्यात आली, तसेच अनेक लाभार्थ्यांना आवश्यक कागदपत्रे तयार करण्यासाठी मार्गदर्शन करून आधार कार्ड व आभा कार्ड नोंदणी प्रक्रिया पूर्ण करण्यात आली. याव्यतिरिक्त, तृतीयपंथीय कलाकारांनी विविध सांस्कृतिक कार्यक्रम सादर केले आणि सामाजिक क्षेत्रात उल्लेखनीय कार्य करणाऱ्या तृतीयपंथीय व्यक्तींचा सहाय्यक आयुक्त श्री. देवीदास नांदगावकर व अन्य मान्यवरांच्या हस्ते सत्कार करण्यात आला.

Kapil Katyare

Photographer नाशिक, नाशिक, महाराष्ट्र•

11 hrs ago

नाशिक येथे आयोजित एका विशेष शिबिरात समाज कल्याण विभागाचे सहाय्यक आयुक्त देवीदास नांदगावकर यांनी तृतीयपंथीय व्यक्तींना सामाजिक, आर्थिक आणि शैक्षणिक सक्षमीकरणासाठी शासनाच्या विविध कल्याणकारी योजनांचा लाभ घेऊन स्वावलंबी होण्याचे आवाहन केले. सामाजिक न्याय व विशेष सहाय्य विभागांतर्गत सहाय्यक आयुक्त, समाज कल्याण, नाशिक यांच्या वतीने श्री. स्वाद बँक्वेट हॉल, पाथर्डी फाटा येथे तृतीयपंथीय व्यक्तींसाठी हे शिबिर आयोजित करण्यात आले होते. या शिबिरात सहाय्यक आयुक्त श्री. नांदगावकर यांनी तृतीयपंथीय व्यक्तींनी समाज कल्याण विभागाच्या बीज भांडवल योजनेसह इतर योजनांचा लाभ घ्यावा, लघुउद्योग उभारण्यासाठी पुढाकार घ्यावा आणि ई-सेवा केंद्राद्वारे आवश्यक कागदपत्रे व प्रमाणपत्रे मिळवून शासकीय योजनांशी जोडले जावे, असे सांगितले. यावेळी कौशल्य विकास विभागाचे अधिकारी सिद्धार्थ पवार आणि श्री. निंबाळकर यांनी विविध प्रशिक्षण कार्यक्रम, रोजगाराभिमुख अभ्यासक्रम आणि स्वयंरोजगाराच्या संधींबद्दल मार्गदर्शन केले. ॲड. पुष्पा ढवळे यांनी तृतीयपंथीय व्यक्तींचे कायदेशीर हक्क, संरक्षण आणि विविध

शासकीय तरतुदींबद्दल सविस्तर माहिती दिली, तर श्री. इंगळे यांनी समाज कल्याण विभागाच्या बीज भांडवल योजनेची माहिती दिली. किन्नर समाज नाशिक जिल्हा गादीपती सलमा गुरु नायक, किंन्नर आखाडा महामंडळाचे पुजा नंदगिरी आणि आचार्य महामंडळेश्वर शिवशक्ती आखाड्याचे तसेच किन्नर प्रतिष्ठानचे अध्यक्ष डॉ. वैभवी पाटील यांच्यासह अनेक मान्यवर शिबिरात उपस्थित होते. शिबिरादरम्यान इच्छुक तृतीयपंथीय व्यक्तींकडून अर्ज भरून घेण्यात आले आणि अर्जांचे वितरणही करण्यात आले. शिबिरस्थळी उपलब्ध केलेल्या ई-सेवा केंद्राच्या माध्यमातून आधार कार्ड, आभा कार्ड, रेशन कार्ड, मतदार नोंदणी यांसारख्या सेवांसाठी ऑनलाईन नोंदणी करण्यात आली, तसेच अनेक लाभार्थ्यांना आवश्यक कागदपत्रे तयार करण्यासाठी मार्गदर्शन करून आधार कार्ड व आभा कार्ड नोंदणी प्रक्रिया पूर्ण करण्यात आली. याव्यतिरिक्त, तृतीयपंथीय कलाकारांनी विविध सांस्कृतिक कार्यक्रम सादर केले आणि सामाजिक क्षेत्रात उल्लेखनीय कार्य करणाऱ्या तृतीयपंथीय व्यक्तींचा सहाय्यक आयुक्त श्री. देवीदास नांदगावकर व अन्य मान्यवरांच्या हस्ते सत्कार करण्यात आला.