ఆంధ్రప్రదేశ్ ప్రజలకు శుభవార్తగా, రెవెన్యూశాఖ మంత్రి అనగాని సత్యప్రసాద్ చుక్కల భూములకు సంబంధించి కీలక ప్రకటన చేశారు. రాష్ట్రవ్యాప్తంగా దాదాపు 1.90 లక్షల ఎకరాల చుక్కల భూమికి 10-15 రోజుల్లో విముక్తి కల్పిస్తామని మంత్రి తెలిపారు. రెవెన్యూ రికార్డుల్లో యజమాని కాలమ్‌లో చుక్కలు పెట్టి వదిలేసిన భూములనే 'చుక్కల భూములు' అంటారని, ఈ భూమి ప్రభుత్వానిదా, ప్రైవేట్ వ్యక్తులదా అనే స్పష్టత లేకపోవడంతో వివాదాలు ఏర్పడగా, వీటిని నిషేధిత జాబితాలో చేర్చినట్లు ఆయన వివరించారు. కూటమి ప్రభుత్వం అధికారంలోకి వచ్చిన తర్వాత రెవెన్యూ శాఖలో విప్లవాత్మక సంస్కరణలు తీసుకొచ్చామని మంత్రి అనగాని సత్యప్రసాద్ పేర్కొన్నారు. ప్రజల ఆస్తులకు భద్రత కల్పించడమే లక్ష్యంగా కీలక నిర్ణయాలు తీసుకున్నామని, గత రెండేళ్లలో రెవెన్యూశాఖలో ప్రవేశపెట్టిన సంస్కరణలు, లక్ష్యాలను వివరించారు. భూములు, రిజిస్ట్రేషన్లు, రీసర్వేకు సంబంధించి ఉన్న ఇబ్బందులు తొలగిపోయాయని, రీసర్వే 2.0 నిర్వహించి భూ యజమానులకు పాస్‌ పుస్తకాలు జారీ చేశామని తెలిపారు. అలాగే, 1.33 లక్షల ఎకరాల గ్రామ సర్వీస్‌ ఇనాం భూములకు విముక్తి కల్పించామని, ఇతర భూ సమస్యలను కూడా పరిష్కరించామని చెప్పారు. త్వరలో ఫ్రీహోల్డ్‌ సమస్యను పరిష్కరిస్తామని, 22ఏపై గతంలో ఇచ్చిన మెమో కన్నా మెరుగైన మెమో ఇస్తామని హామీ ఇచ్చారు. అధికారులు ఓ గ్రామానికి నెలలో నాలుగు రోజులు వెళ్లి అక్కడి ప్రజల సమస్యలు పరిష్కరించేలా కార్యక్రమం చేపట్టామని మంత్రి అనగాని వెల్లడించారు. గత ప్రభుత్వ హయాంలో రీసర్వే చేయించగా, ఈ భూములకు సంబంధించి రాష్ట్రవ్యాప్తంగా 7.5 లక్షల ఫిర్యాదులు వచ్చాయని గుర్తుచేశారు. అందుకే, ప్రస్తుతం రీసర్వే చేసిన తర్వాత భూహక్కుదారుల ఈకేవైసీ తీసుకుని, పాస్‌బుక్‌లపై రాజముద్ర, హక్కుదారు ఫోటో, ఖాతా నంబర్, క్యూఆర్ కోడ్ ప్రింట్ చేసి పట్టాదారు పాసు పుస్తకాలను అందిస్తున్నామని తెలిపారు. అన్‌సెటిల్డ్‌ ఎస్టేట్, ఇనామ్‌ భూముల సమస్యలను కూడా పరిష్కరించామన్నారు. రిజిస్ట్రేషన్లకు సంబంధించి స్లాట్‌ బుకింగ్‌ విధానం అమలు చేస్తున్నామని, కేవలం 10 నిమిషాల్లో రిజిస్ట్రేషన్‌ పూర్తి చేస్తున్నామని వివరించారు. తప్పుడు రిజిస్ట్రేషన్లు చేస్తే వాటిని రద్దు చేసే అధికారం కలెక్టర్లకు ఇచ్చామని మంత్రి సత్యప్రసాద్ తెలిపారు. గతంలో జరిగిన తప్పుడు రిజిస్ట్రేషన్లను కూడా రద్దు చేసే అధికారం త్వరలో ఇస్తామన్నారు. ఫ్రీహోల్డ్ భూములకు సంబంధించి ప్రత్యేక సాఫ్ట్‌వేర్ తీసుకొచ్చి పరిశీలిస్తున్నామని, రాష్ట్రంలో భూముల మార్కెట్ ధర పెంచే ప్రతిపాదన లేదని స్పష్టం చేశారు. రాష్ట్రంలో పెట్టుబడులను ప్రోత్సహించే ఉద్దేశంతోనే ఎకరా 99 పైసలకే భూములు ఇచ్చామని, అందుకే రాష్ట్రానికి పెట్టుబడులు వస్తున్నాయని మంత్రి అనగాని సత్యప్రసాద్ పేర్కొన్నారు.

Saddala Adi

ధర్మవరం, శ్రీ సత్య సాయి, ఆంధ్రప్రదేశ్•

7 hrs ago

ఆంధ్రప్రదేశ్ ప్రజలకు శుభవార్తగా, రెవెన్యూశాఖ మంత్రి అనగాని సత్యప్రసాద్ చుక్కల భూములకు సంబంధించి కీలక ప్రకటన చేశారు. రాష్ట్రవ్యాప్తంగా దాదాపు 1.90 లక్షల ఎకరాల చుక్కల భూమికి 10-15 రోజుల్లో విముక్తి కల్పిస్తామని మంత్రి తెలిపారు. రెవెన్యూ రికార్డుల్లో యజమాని కాలమ్‌లో చుక్కలు పెట్టి వదిలేసిన భూములనే 'చుక్కల భూములు' అంటారని, ఈ భూమి ప్రభుత్వానిదా, ప్రైవేట్ వ్యక్తులదా అనే స్పష్టత లేకపోవడంతో వివాదాలు ఏర్పడగా, వీటిని నిషేధిత జాబితాలో చేర్చినట్లు ఆయన వివరించారు. కూటమి ప్రభుత్వం అధికారంలోకి వచ్చిన తర్వాత రెవెన్యూ శాఖలో విప్లవాత్మక సంస్కరణలు తీసుకొచ్చామని మంత్రి అనగాని సత్యప్రసాద్ పేర్కొన్నారు. ప్రజల ఆస్తులకు భద్రత కల్పించడమే లక్ష్యంగా కీలక నిర్ణయాలు తీసుకున్నామని, గత రెండేళ్లలో రెవెన్యూశాఖలో ప్రవేశపెట్టిన సంస్కరణలు, లక్ష్యాలను వివరించారు. భూములు, రిజిస్ట్రేషన్లు, రీసర్వేకు సంబంధించి ఉన్న ఇబ్బందులు తొలగిపోయాయని, రీసర్వే 2.0 నిర్వహించి భూ యజమానులకు పాస్‌ పుస్తకాలు జారీ చేశామని తెలిపారు. అలాగే, 1.33 లక్షల ఎకరాల గ్రామ సర్వీస్‌ ఇనాం భూములకు విముక్తి కల్పించామని, ఇతర భూ సమస్యలను కూడా పరిష్కరించామని చెప్పారు. త్వరలో ఫ్రీహోల్డ్‌ సమస్యను పరిష్కరిస్తామని, 22ఏపై గతంలో ఇచ్చిన మెమో కన్నా మెరుగైన మెమో ఇస్తామని హామీ ఇచ్చారు. అధికారులు ఓ గ్రామానికి నెలలో నాలుగు రోజులు వెళ్లి అక్కడి ప్రజల సమస్యలు పరిష్కరించేలా కార్యక్రమం చేపట్టామని మంత్రి అనగాని వెల్లడించారు. గత ప్రభుత్వ హయాంలో రీసర్వే చేయించగా, ఈ భూములకు సంబంధించి రాష్ట్రవ్యాప్తంగా 7.5 లక్షల ఫిర్యాదులు వచ్చాయని గుర్తుచేశారు. అందుకే, ప్రస్తుతం రీసర్వే చేసిన తర్వాత భూహక్కుదారుల ఈకేవైసీ తీసుకుని, పాస్‌బుక్‌లపై రాజముద్ర, హక్కుదారు ఫోటో, ఖాతా నంబర్, క్యూఆర్ కోడ్ ప్రింట్ చేసి పట్టాదారు పాసు పుస్తకాలను అందిస్తున్నామని తెలిపారు. అన్‌సెటిల్డ్‌ ఎస్టేట్, ఇనామ్‌ భూముల సమస్యలను కూడా పరిష్కరించామన్నారు. రిజిస్ట్రేషన్లకు సంబంధించి స్లాట్‌ బుకింగ్‌ విధానం అమలు చేస్తున్నామని, కేవలం 10 నిమిషాల్లో రిజిస్ట్రేషన్‌ పూర్తి చేస్తున్నామని వివరించారు. తప్పుడు రిజిస్ట్రేషన్లు చేస్తే వాటిని రద్దు చేసే అధికారం కలెక్టర్లకు ఇచ్చామని మంత్రి సత్యప్రసాద్ తెలిపారు. గతంలో జరిగిన తప్పుడు రిజిస్ట్రేషన్లను కూడా రద్దు చేసే అధికారం త్వరలో ఇస్తామన్నారు. ఫ్రీహోల్డ్ భూములకు సంబంధించి ప్రత్యేక సాఫ్ట్‌వేర్ తీసుకొచ్చి పరిశీలిస్తున్నామని, రాష్ట్రంలో భూముల మార్కెట్ ధర పెంచే ప్రతిపాదన లేదని స్పష్టం చేశారు. రాష్ట్రంలో పెట్టుబడులను ప్రోత్సహించే ఉద్దేశంతోనే ఎకరా 99 పైసలకే భూములు ఇచ్చామని, అందుకే రాష్ట్రానికి పెట్టుబడులు వస్తున్నాయని మంత్రి అనగాని సత్యప్రసాద్ పేర్కొన్నారు.