రాష్ట్రంలోని 50 వేల మంది గ్రామ పంచాయతీ సిబ్బందికి ప్రతి నెలా మొదటి తారీఖునే జీతాలు చెల్లించడానికి అవసరమైన చర్యలు తీసుకోవాలని ముఖ్యమంత్రి శ్రీ ఎ. రేవంత్ రెడ్డి గారు ఆదేశించారు. ఐఏఎస్ అధికారులకు జీతాలు అందినట్లే వీరికీ సమయానికి వేతనాలు అందాలని ఆయన స్పష్టం చేశారు. ఈ క్రమంలో, గ్రామ పంచాయతీ సిబ్బంది జీతాల కోసం ప్రభుత్వం నుంచి ప్రతినెలా ₹50 కోట్లు ప్రత్యేకంగా నిధులు మంజూరు చేస్తామని ముఖ్యమంత్రి తెలిపారు. అవుట్‌సోర్సింగ్, కాంట్రాక్ట్ ఉద్యోగులు అనే తేడా లేకుండా ప్రభుత్వంలోని అన్ని శాఖల పరిధిలోని ఉద్యోగులకు మొదటి తారీఖునే జీతాలు అందేలా చూడాలని, జీతాలు ఒక్కరోజు ఆలస్యమైనా సహించబోమని ఆయన హెచ్చరించారు. ముఖ్యమంత్రి గారు పంచాయతీరాజ్, గ్రామీణాభివృద్ధి శాఖపై ఉన్నతాధికారులతో నిర్వహించిన సమీక్షలో ఈ కీలక సూచనలు చేశారు. గ్రామ పంచాయతీల స్వంత ఆదాయం (Own Source Revenue) ట్రెజరీ ఖాతాలో కాకుండా బ్యాంకు ఖాతాలో జమ చేసే విధంగా తెలంగాణ పంచాయతీరాజ్ చట్టం, 2018 లోని సెక్షన్ 70(3)కు ప్రతిపాదిత సవరణ చేసేందుకు చర్యలు తీసుకోవాలని అధికారులను ఆదేశించారు. గత ప్రభుత్వం తొలగించిన ఈ నిబంధనను పునరుద్ధరించడం ద్వారా గ్రామ పంచాయతీలకు స్వయంప్రతిపత్తిని కల్పించాలని సూచించారు. అంతేకాకుండా, పెన్షన్ల పంపిణీ విధానంపై కూడా ముఖ్యమంత్రి కీలక ఆదేశాలు జారీ చేశారు. పోస్టల్ శాఖ ద్వారా ప్రస్తుతం జరుగుతున్న పెన్షన్ పంపిణీ విధానాన్ని మార్చి, లబ్దిదారుల బ్యాంకు ఖాతాల్లోనే నేరుగా నగదు జమ చేయాలని సూచించారు. పెన్షన్లు అర్హులకు మాత్రమే అందేలా చూడాలని, ముఖ్యంగా ఓటర్ గుర్తింపు కార్డు, ఆధార్, SEEEPC సర్వే డేటా ఆధారంగా పెన్షన్లను క్రమబద్ధీకరించాలని చెప్పారు. కొత్త పెన్షన్ల మంజూరు విషయంలో మొదటి ప్రాధాన్యత ఇవ్వాలని ఆయన అధికారులను ఆదేశించారు. ఈ సమీక్షా సమావేశంలో మంత్రి ధనసరి అనసూయ సీతక్క గారు, ఎంపీ వేం నరేందర్ రెడ్డి గారు, పంచాయతీరాజ్ శాఖ ఉన్నతాధికారులు పాల్గొన్నారు.

Chetty:Ramesh

నర్సంపేట, వరంగల్, తెలంగాణ•

2 hrs ago

రాష్ట్రంలోని 50 వేల మంది గ్రామ పంచాయతీ సిబ్బందికి ప్రతి నెలా మొదటి తారీఖునే జీతాలు చెల్లించడానికి అవసరమైన చర్యలు తీసుకోవాలని ముఖ్యమంత్రి శ్రీ ఎ. రేవంత్ రెడ్డి గారు ఆదేశించారు. ఐఏఎస్ అధికారులకు జీతాలు అందినట్లే వీరికీ సమయానికి వేతనాలు అందాలని ఆయన స్పష్టం చేశారు. ఈ క్రమంలో, గ్రామ పంచాయతీ సిబ్బంది జీతాల కోసం ప్రభుత్వం నుంచి ప్రతినెలా ₹50 కోట్లు ప్రత్యేకంగా నిధులు మంజూరు చేస్తామని ముఖ్యమంత్రి తెలిపారు. అవుట్‌సోర్సింగ్, కాంట్రాక్ట్ ఉద్యోగులు అనే తేడా లేకుండా ప్రభుత్వంలోని అన్ని శాఖల పరిధిలోని ఉద్యోగులకు మొదటి తారీఖునే జీతాలు అందేలా చూడాలని, జీతాలు ఒక్కరోజు ఆలస్యమైనా సహించబోమని ఆయన హెచ్చరించారు. ముఖ్యమంత్రి గారు పంచాయతీరాజ్, గ్రామీణాభివృద్ధి శాఖపై ఉన్నతాధికారులతో నిర్వహించిన సమీక్షలో ఈ కీలక సూచనలు చేశారు. గ్రామ పంచాయతీల స్వంత ఆదాయం (Own Source Revenue) ట్రెజరీ ఖాతాలో కాకుండా బ్యాంకు ఖాతాలో జమ చేసే విధంగా తెలంగాణ పంచాయతీరాజ్ చట్టం, 2018 లోని సెక్షన్ 70(3)కు ప్రతిపాదిత సవరణ చేసేందుకు చర్యలు తీసుకోవాలని అధికారులను ఆదేశించారు. గత ప్రభుత్వం తొలగించిన ఈ నిబంధనను పునరుద్ధరించడం ద్వారా గ్రామ పంచాయతీలకు స్వయంప్రతిపత్తిని కల్పించాలని సూచించారు. అంతేకాకుండా, పెన్షన్ల పంపిణీ విధానంపై కూడా ముఖ్యమంత్రి కీలక ఆదేశాలు జారీ చేశారు. పోస్టల్ శాఖ ద్వారా ప్రస్తుతం జరుగుతున్న పెన్షన్ పంపిణీ విధానాన్ని మార్చి, లబ్దిదారుల బ్యాంకు ఖాతాల్లోనే నేరుగా నగదు జమ చేయాలని సూచించారు. పెన్షన్లు అర్హులకు మాత్రమే అందేలా చూడాలని, ముఖ్యంగా ఓటర్ గుర్తింపు కార్డు, ఆధార్, SEEEPC సర్వే డేటా ఆధారంగా పెన్షన్లను క్రమబద్ధీకరించాలని చెప్పారు. కొత్త పెన్షన్ల మంజూరు విషయంలో మొదటి ప్రాధాన్యత ఇవ్వాలని ఆయన అధికారులను ఆదేశించారు. ఈ సమీక్షా సమావేశంలో మంత్రి ధనసరి అనసూయ సీతక్క గారు, ఎంపీ వేం నరేందర్ రెడ్డి గారు, పంచాయతీరాజ్ శాఖ ఉన్నతాధికారులు పాల్గొన్నారు.