अमरावतीच्या ललित कला भवन, छावडा प्लॉट येथे जागतिक लोकसंख्या दिनानिमित्त महाराष्ट्र कामगार कल्याण मंडळ, अमरावती गटाच्या वतीने सुखी कामगार जोडप्यांचा सत्कार आणि परिसंवाद आयोजित करण्यात आला होता. या कार्यक्रमात विविध आस्थापनांमधील पाच आदर्श कामगार कुटुंबांचा शाल, श्रीफळ, सन्मानचिन्ह, वृक्ष आणि प्रत्येकी ५ हजार रुपयांच्या धनादेशासह विशेष गौरव करण्यात आला. कार्यक्रमाचे अध्यक्ष आणि विश्वकर्मा गुणवंत कामगार पुरस्कार प्राप्त प्रेमानंद गडपायले यांनी वाढत्या लोकसंख्येवर नियंत्रण ठेवणे ही काळाची गरज असून, यामुळे देशाची आर्थिक स्थिती अधिक सक्षम होऊ शकते असे प्रतिपादन केले. या कार्यक्रमात प्रमुख पाहुणे म्हणून दैनिक पुण्यनगरीचे उपसंपादक तथा विश्वकर्मा गुणवंत कामगार पुरस्कार विजेते संदीप शेंडे उपस्थित होते. परिसंवादात जिल्हा सामान्य रुग्णालयाचे जिल्हा कार्यक्रम अधिकारी अजय साखरे आणि स्त्रीरोगतज्ज्ञ डॉ. सुयोगा पानट यांनी कुटुंब नियोजन, मातृ-शिशू आरोग्य आणि लोकसंख्या नियंत्रणाच्या महत्त्वावर सविस्तर मार्गदर्शन केले. कार्यक्रमात सतीश गणेश इंगोले, धम्मपाल तुकाराम राजगुरे, कांचन डकरे, व्यंकटेश गंगारेडी आइतवार आणि कविता अरुण कुडुमते या पाच आदर्श कामगार जोडप्यांचा मान्यवरांच्या हस्ते सत्कार करण्यात आला. कार्यक्रमाचे प्रास्ताविक अमरावती गटाचे कामगार कल्याण अधिकारी सुनील चव्हाण यांनी केले, सूत्रसंचालन केंद्र संचालक अमरदीप काळे यांनी केले तर आभार अजय पाडे यांनी मानले. या कार्यक्रमाच्या यशस्वीतेसाठी सचिन खारोडे, संजय खेन्ते, हरीश वैद्य, प्रमोद खडसे, सय्यद मुक्तार अली, अर्पिता पिहूलकर, ममता देवारे, अंजली भुसारे, नीला डोंगरे, योगेश निकम, निलेश कुकडे, मदा कुरवाडे, अश्विनी नागपुरे आणि विद्या बनारसे यांनी विशेष परिश्रम घेतले.

आयकॉन महाराष्ट्र न्यूज

औरंगाबाद, औरंगाबाद, महाराष्ट्र•

6 hrs ago

अमरावतीच्या ललित कला भवन, छावडा प्लॉट येथे जागतिक लोकसंख्या दिनानिमित्त महाराष्ट्र कामगार कल्याण मंडळ, अमरावती गटाच्या वतीने सुखी कामगार जोडप्यांचा सत्कार आणि परिसंवाद आयोजित करण्यात आला होता. या कार्यक्रमात विविध आस्थापनांमधील पाच आदर्श कामगार कुटुंबांचा शाल, श्रीफळ, सन्मानचिन्ह, वृक्ष आणि प्रत्येकी ५ हजार रुपयांच्या धनादेशासह विशेष गौरव करण्यात आला. कार्यक्रमाचे अध्यक्ष आणि विश्वकर्मा गुणवंत कामगार पुरस्कार प्राप्त प्रेमानंद गडपायले यांनी वाढत्या लोकसंख्येवर नियंत्रण ठेवणे ही काळाची गरज असून, यामुळे देशाची आर्थिक स्थिती अधिक सक्षम होऊ शकते असे प्रतिपादन केले. या कार्यक्रमात प्रमुख पाहुणे म्हणून दैनिक पुण्यनगरीचे उपसंपादक तथा विश्वकर्मा गुणवंत कामगार पुरस्कार विजेते संदीप शेंडे उपस्थित होते. परिसंवादात जिल्हा सामान्य रुग्णालयाचे जिल्हा कार्यक्रम अधिकारी अजय साखरे आणि स्त्रीरोगतज्ज्ञ डॉ. सुयोगा पानट यांनी कुटुंब नियोजन, मातृ-शिशू आरोग्य आणि लोकसंख्या नियंत्रणाच्या महत्त्वावर सविस्तर मार्गदर्शन केले. कार्यक्रमात सतीश गणेश इंगोले, धम्मपाल तुकाराम राजगुरे, कांचन डकरे, व्यंकटेश गंगारेडी आइतवार आणि कविता अरुण कुडुमते या पाच आदर्श कामगार जोडप्यांचा मान्यवरांच्या हस्ते सत्कार करण्यात आला. कार्यक्रमाचे प्रास्ताविक अमरावती गटाचे कामगार कल्याण अधिकारी सुनील चव्हाण यांनी केले, सूत्रसंचालन केंद्र संचालक अमरदीप काळे यांनी केले तर आभार अजय पाडे यांनी मानले. या कार्यक्रमाच्या यशस्वीतेसाठी सचिन खारोडे, संजय खेन्ते, हरीश वैद्य, प्रमोद खडसे, सय्यद मुक्तार अली, अर्पिता पिहूलकर, ममता देवारे, अंजली भुसारे, नीला डोंगरे, योगेश निकम, निलेश कुकडे, मदा कुरवाडे, अश्विनी नागपुरे आणि विद्या बनारसे यांनी विशेष परिश्रम घेतले.