ఆంధ్రప్రదేశ్‌లో కూటమి ప్రభుత్వం ప్రతిష్టాత్మకంగా చెప్పుకుంటున్న 'మెగా డీఎస్సీ' నిరుద్యోగుల జీవితాలను నాశనం చేస్తూ అక్రమాలు, అవకతవకలతో 'దగా డీఎస్సీ'గా మారిందని వైఎస్సార్ కాంగ్రెస్ పార్టీ ఆరోపిస్తోంది. నిరుద్యోగుల ఆక్రందనలు మిన్నంటుతున్నాయని, కష్టపడి చదివిన మెరిట్ అభ్యర్థుల భవిష్యత్తు నట్టేట మునిగిందని వైఎస్సార్సీపీ నేతలు మండిపడ్డారు. ఈ దగా డీఎస్సీపై సీబీఐ విచారణ జరపాలని డిమాండ్ చేస్తూ వైఎస్సార్సీపీ ఆధ్వర్యంలో సోమవారం నంద్యాల వేదికగా 'యువతపోరు' హోరెత్తింది, రాష్ట్రవ్యాప్తంగా నిరుద్యోగ యువత రోడ్లపైకి వచ్చి నిరసనలు తెలియజేశారు. నంద్యాలలోని నూనెపల్లి సర్కిల్ నుండి కలెక్టరేట్ వరకు వేలాది మంది నిరుద్యోగులు కదంతొక్కగా, వైఎస్సార్ కాంగ్రెస్ పార్టీ శ్రేణులు కలెక్టరేట్ ఎదుట ఉరుములా గర్జించాయి. కూటమి ప్రభుత్వ గుండెల్లో రైళ్లు పరిగెత్తించేలా సాగిన ఈ నిరసనలో వైసీపీ జిల్లా అధ్యక్షుడు కాటసాని రాంభూపాల్ రెడ్డి, సీఈసీ మెంబర్ పీపీ నాగిరెడ్డి, ఎమ్మెల్సీ ఇస్సాక్ బాషా, మాజీ ఎమ్మెల్యేలు శిల్పా రవిచంద్రకిషోర్ రెడ్డి, కాటసాని రామిరెడ్డి, గంగుల బిజేంద్రనాథ్ రెడ్డి, స్టేట్ యూత్ వింగ్ జనరల్ సెక్రటరీ కాటసాని ఓబుల్ రెడ్డి, జిల్లా యువజ విభాగం అధ్యక్షుడు గుండం నాగేశ్వరరెడ్డితో పాటు నంద్యాల అసెంబ్లీ పరిశీలకుడు సూర్యనారాయణ రెడ్డి, గంగిశెట్టి శ్రీధర్, వైసీపీ జిల్లా ఉపాధ్యక్షుడు దాల్మిల్ అమీర్, రాష్ట్ర మహిళా విభాగం జనరల్ సెక్రటరీ డా. శశికళ రెడ్డి, కల్లూరి రామలింగా రెడ్డి, మాజీ మున్సిపల్ చైర్‌పర్సన్ మాబున్నీసా, మాజీ మున్సిపల్ వైస్ చైర్మన్ గంగిశెట్టి శ్రీధర్, జిల్లా కార్యవర్గ సభ్యులు, వైసీపీ నంద్యాల జిల్లా లీగల్ సెల్ సభ్యులు, విద్యార్థి విభాగం నాయకులు, నిరుద్యోగ యువత పెద్ద సంఖ్యలో పాల్గొన్నారు. ఈ సందర్భంగా డీఎస్సీ అక్రమాలపై తక్షణమే సీబీఐ విచారణ జరపాలని డిమాండ్ చేస్తూ జిల్లా కలెక్టర్‌కు వినతిపత్రం సమర్పించారు. ఈ ధర్నాలో వైసీపీ నేతలు కూటమి ప్రభుత్వంపై తీవ్రంగా ధ్వజమెత్తారు. విద్యాశాఖ మంత్రి నారా లోకేశ్‌కు నిరుద్యోగుల బాధలు పట్టడం లేదని, ఆయనకు కేవలం సోషల్ మీడియా, ట్విట్టర్, ఫేస్‌బుక్‌లపై ఉన్న శ్రద్ధ యువత భవిష్యత్తుపై లేదని ఆగ్రహం వ్యక్తం చేశారు. "ట్విట్టర్, ఫేస్‌బుక్‌లు కాదు నిరుద్యోగుల భవిష్యత్తు ముఖ్యం!" అని ఉద్ఘాటించిన నేతలు, దమ్ముంటే స్పోర్ట్స్ కోటా మెరిట్ లిస్ట్‌ను బహిరంగపరచాలని లోకేశ్‌ను డిమాండ్ చేశారు. స్పోర్ట్స్ కోటాలో, ఓపెన్ కేటగిరీ కటాఫ్ మార్కుల వెల్లడిలో దారుణంగా గోల్‌మాల్ జరిగిందని, అర్హులైన మెరిట్ విద్యార్థులను నట్టేట ముంచారని ఆరోపించారు. పారదర్శకత ఉంటే స్పోర్ట్స్ కేటగిరీ లిస్ట్ ను ఎందుకు దాస్తున్నారని, ఎందుకు బహిర్గతం చేయడం లేదని నిలదీశారు. గతంలో వైఎస్ జగన్ మోహన్ రెడ్డి ప్రభుత్వంలో లక్షలాది సచివాలయ ఉద్యోగాల ప్రక్రియను ఎటువంటి అవినీతి లేకుండా, అత్యంత పారదర్శకంగా నిర్వహించిన విషయాన్ని ఈ సందర్భంగా నేతలు గుర్తు చేశారు. కూటమి ప్రభుత్వం నిరుద్యోగుల జీవితాలతో చెలగాటమాడుతోందని వైసీపీ శ్రేణులు స్పష్టం చేశాయి. నిరుద్యోగులకు అన్యాయం జరిగితే వైఎస్సార్ కాంగ్రెస్ పార్టీ చూస్తూ ఊరుకోదని, అభ్యర్థుల పక్షాన ఉండి చివరి శ్వాస వరకు పోరాటం చేస్తామని ప్రకటించాయి. మరి ఇప్పటికైనా కూటమి ప్రభుత్వం కళ్లు తెరుస్తుందా, నిరుద్యోగులకు న్యాయం చేస్తుందా, లేక సోషల్ మీడియా ముసుగులోనే కాలం వెళ్లదీస్తుందా అనేది చూడాలని వైఎస్సార్సీపీ నేతలు ప్రశ్నించారు.

Naga kanth

బండి ఆత్మకూరు, నంద్యాల, ఆంధ్రప్రదేశ్•

3 hrs ago

ఆంధ్రప్రదేశ్‌లో కూటమి ప్రభుత్వం ప్రతిష్టాత్మకంగా చెప్పుకుంటున్న 'మెగా డీఎస్సీ' నిరుద్యోగుల జీవితాలను నాశనం చేస్తూ అక్రమాలు, అవకతవకలతో 'దగా డీఎస్సీ'గా మారిందని వైఎస్సార్ కాంగ్రెస్ పార్టీ ఆరోపిస్తోంది. నిరుద్యోగుల ఆక్రందనలు మిన్నంటుతున్నాయని, కష్టపడి చదివిన మెరిట్ అభ్యర్థుల భవిష్యత్తు నట్టేట మునిగిందని వైఎస్సార్సీపీ నేతలు మండిపడ్డారు. ఈ దగా డీఎస్సీపై సీబీఐ విచారణ జరపాలని డిమాండ్ చేస్తూ వైఎస్సార్సీపీ ఆధ్వర్యంలో సోమవారం నంద్యాల వేదికగా 'యువతపోరు' హోరెత్తింది, రాష్ట్రవ్యాప్తంగా నిరుద్యోగ యువత రోడ్లపైకి వచ్చి నిరసనలు తెలియజేశారు. నంద్యాలలోని నూనెపల్లి సర్కిల్ నుండి కలెక్టరేట్ వరకు వేలాది మంది నిరుద్యోగులు కదంతొక్కగా, వైఎస్సార్ కాంగ్రెస్ పార్టీ శ్రేణులు కలెక్టరేట్ ఎదుట ఉరుములా గర్జించాయి. కూటమి ప్రభుత్వ గుండెల్లో రైళ్లు పరిగెత్తించేలా సాగిన ఈ నిరసనలో వైసీపీ జిల్లా అధ్యక్షుడు కాటసాని రాంభూపాల్ రెడ్డి, సీఈసీ మెంబర్ పీపీ నాగిరెడ్డి, ఎమ్మెల్సీ ఇస్సాక్ బాషా, మాజీ ఎమ్మెల్యేలు శిల్పా రవిచంద్రకిషోర్ రెడ్డి, కాటసాని రామిరెడ్డి, గంగుల బిజేంద్రనాథ్ రెడ్డి, స్టేట్ యూత్ వింగ్ జనరల్ సెక్రటరీ కాటసాని ఓబుల్ రెడ్డి, జిల్లా యువజ విభాగం అధ్యక్షుడు గుండం నాగేశ్వరరెడ్డితో పాటు నంద్యాల అసెంబ్లీ పరిశీలకుడు సూర్యనారాయణ రెడ్డి, గంగిశెట్టి శ్రీధర్, వైసీపీ జిల్లా ఉపాధ్యక్షుడు దాల్మిల్ అమీర్, రాష్ట్ర మహిళా విభాగం జనరల్ సెక్రటరీ డా. శశికళ రెడ్డి, కల్లూరి రామలింగా రెడ్డి, మాజీ మున్సిపల్ చైర్‌పర్సన్ మాబున్నీసా, మాజీ మున్సిపల్ వైస్ చైర్మన్ గంగిశెట్టి శ్రీధర్, జిల్లా కార్యవర్గ సభ్యులు, వైసీపీ నంద్యాల జిల్లా లీగల్ సెల్ సభ్యులు, విద్యార్థి విభాగం నాయకులు, నిరుద్యోగ యువత పెద్ద సంఖ్యలో పాల్గొన్నారు. ఈ సందర్భంగా డీఎస్సీ అక్రమాలపై తక్షణమే సీబీఐ విచారణ జరపాలని డిమాండ్ చేస్తూ జిల్లా కలెక్టర్‌కు వినతిపత్రం సమర్పించారు. ఈ ధర్నాలో వైసీపీ నేతలు కూటమి ప్రభుత్వంపై తీవ్రంగా ధ్వజమెత్తారు. విద్యాశాఖ మంత్రి నారా లోకేశ్‌కు నిరుద్యోగుల బాధలు పట్టడం లేదని, ఆయనకు కేవలం సోషల్ మీడియా, ట్విట్టర్, ఫేస్‌బుక్‌లపై ఉన్న శ్రద్ధ యువత భవిష్యత్తుపై లేదని ఆగ్రహం వ్యక్తం చేశారు. "ట్విట్టర్, ఫేస్‌బుక్‌లు కాదు నిరుద్యోగుల భవిష్యత్తు ముఖ్యం!" అని ఉద్ఘాటించిన నేతలు, దమ్ముంటే స్పోర్ట్స్ కోటా మెరిట్ లిస్ట్‌ను బహిరంగపరచాలని లోకేశ్‌ను డిమాండ్ చేశారు. స్పోర్ట్స్ కోటాలో, ఓపెన్ కేటగిరీ కటాఫ్ మార్కుల వెల్లడిలో దారుణంగా గోల్‌మాల్ జరిగిందని, అర్హులైన మెరిట్ విద్యార్థులను నట్టేట ముంచారని ఆరోపించారు. పారదర్శకత ఉంటే స్పోర్ట్స్ కేటగిరీ లిస్ట్ ను ఎందుకు దాస్తున్నారని, ఎందుకు బహిర్గతం చేయడం లేదని నిలదీశారు. గతంలో వైఎస్ జగన్ మోహన్ రెడ్డి ప్రభుత్వంలో లక్షలాది సచివాలయ ఉద్యోగాల ప్రక్రియను ఎటువంటి అవినీతి లేకుండా, అత్యంత పారదర్శకంగా నిర్వహించిన విషయాన్ని ఈ సందర్భంగా నేతలు గుర్తు చేశారు. కూటమి ప్రభుత్వం నిరుద్యోగుల జీవితాలతో చెలగాటమాడుతోందని వైసీపీ శ్రేణులు స్పష్టం చేశాయి. నిరుద్యోగులకు అన్యాయం జరిగితే వైఎస్సార్ కాంగ్రెస్ పార్టీ చూస్తూ ఊరుకోదని, అభ్యర్థుల పక్షాన ఉండి చివరి శ్వాస వరకు పోరాటం చేస్తామని ప్రకటించాయి. మరి ఇప్పటికైనా కూటమి ప్రభుత్వం కళ్లు తెరుస్తుందా, నిరుద్యోగులకు న్యాయం చేస్తుందా, లేక సోషల్ మీడియా ముసుగులోనే కాలం వెళ్లదీస్తుందా అనేది చూడాలని వైఎస్సార్సీపీ నేతలు ప్రశ్నించారు.