નવસારીના મંદિર ગામમાં એક હૃદયદ્રાવક ઘટના સામે આવી છે, જ્યાં ગામના તળાવમાંથી ૩૫ વર્ષીય યુવક કાપાભાઈ ભરતભાઈ હળપતિનો મૃતદેહ મળી આવતા સમગ્ર વિસ્તારમાં ચકચાર મચી ગઈ છે. સ્થાનિકોએ આજે સવારે તેમનો મૃતદેહ તળાવમાં તરતો જોતા તરત જ ફાયર બ્રિગેડ અને પોલીસને જાણ કરી હતી. ફાયરની ટીમ અને સ્થાનિકોની મદદથી મૃતદેહને બહાર કાઢવામાં આવ્યો હતો. મૃતક કાપાભાઈ ભરતભાઈ હળપતિ બે દિવસ અગાઉ રાત્રે આશરે અઢી વાગ્યાની આસપાસ ઘરેથી બહાર નીકળ્યા બાદ ગુમ થયા હતા. પરિવારજનોએ તેમની ઘણી શોધખોળ કરી હતી, પરંતુ કોઈ ભાળ મળી ન હતી. આ દુઃખદ ઘટનાથી તેમના પરિવાર પર આભ તૂટી પડ્યું છે, કારણ કે મૃતક યુવક પોતાના પાછળ ત્રણ માસૂમ સંતાનોને છોડી ગયા છે. તેમના અકાળે અવસાનથી પરિવારમાં ભારે શોકનું મોજું ફરી વળ્યું છે. પોલીસે આ મામલે આગળની કાયદેસરની કાર્યવાહી હાથ ધરી છે.

જીતેન્દ્ર પટેલ, નવસારી લાઇવ

નવસારી, નવસારી, ગુજરાત•

1 hr ago

નવસારીના મંદિર ગામમાં એક હૃદયદ્રાવક ઘટના સામે આવી છે, જ્યાં ગામના તળાવમાંથી ૩૫ વર્ષીય યુવક કાપાભાઈ ભરતભાઈ હળપતિનો મૃતદેહ મળી આવતા સમગ્ર વિસ્તારમાં ચકચાર મચી ગઈ છે. સ્થાનિકોએ આજે સવારે તેમનો મૃતદેહ તળાવમાં તરતો જોતા તરત જ ફાયર બ્રિગેડ અને પોલીસને જાણ કરી હતી. ફાયરની ટીમ અને સ્થાનિકોની મદદથી મૃતદેહને બહાર કાઢવામાં આવ્યો હતો. મૃતક કાપાભાઈ ભરતભાઈ હળપતિ બે દિવસ અગાઉ રાત્રે આશરે અઢી વાગ્યાની આસપાસ ઘરેથી બહાર નીકળ્યા બાદ ગુમ થયા હતા. પરિવારજનોએ તેમની ઘણી શોધખોળ કરી હતી, પરંતુ કોઈ ભાળ મળી ન હતી. આ દુઃખદ ઘટનાથી તેમના પરિવાર પર આભ તૂટી પડ્યું છે, કારણ કે મૃતક યુવક પોતાના પાછળ ત્રણ માસૂમ સંતાનોને છોડી ગયા છે. તેમના અકાળે અવસાનથી પરિવારમાં ભારે શોકનું મોજું ફરી વળ્યું છે. પોલીસે આ મામલે આગળની કાયદેસરની કાર્યવાહી હાથ ધરી છે.