తెలంగాణ ప్రభుత్వం ఏర్పాటు చేసిన రైతు వేదికలు, రైతు నేస్తం కార్యక్రమాలు గ్రామ స్థాయిలో వ్యవసాయ విజ్ఞానాన్ని అందించడంలో రైతులకు విశేషంగా తోడ్పడుతూ, రాష్ట్రంలో సాగు విప్లవానికి దోహదపడుతున్నాయి. ఈ కార్యక్రమాల ద్వారా శాస్త్రీయ సాగు పద్ధతులు, నూతన సాంకేతికతలు, వివిధ ప్రభుత్వ పథకాల వివరాలు రైతులకు చేరుతున్నాయి. గౌరవ వ్యవసాయ శాఖ మంత్రి శ్రీ తుమ్మల నాగేశ్వరరావు గారి ప్రత్యేక పర్యవేక్షణలో రైతు నేస్తం కార్యక్రమం నిర్వహించబడుతోంది. వ్యవసాయ శాఖ సంచాలకులు డా. బి. గోపి, ఐఏఎస్ ప్రతి రైతు నేస్తం కార్యక్రమంలో పాల్గొంటూ రైతులకు, అధికారులకు అవసరమైన సూచనలు, దిశానిర్దేశం చేస్తున్నారు. ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయం మరియు వ్యవసాయ శాఖ సంయుక్తంగా చేపట్టిన ఈ కార్యక్రమం 95 వారాలుగా విజయవంతంగా కొనసాగుతూ, రాష్ట్రవ్యాప్తంగా 22,63,918 మంది రైతులకు వ్యవసాయ శాస్త్రవేత్తల నుంచి నేరుగా సలహాలను అందించింది. ఇప్పటివరకు రైతు నేస్తం ద్వారా 200కు పైగా అంశాలపై రైతులకు అవగాహన కల్పించారు. వీటిలో వరి, పత్తి, మొక్కజొన్న, పప్పుధాన్యాలు, ఉద్యాన పంటలు, సహజ వ్యవసాయం, భూసార పరిరక్షణ, డ్రోన్ వినియోగం, డిజిటల్ వ్యవసాయం, పశుసంవర్ధక రంగం, కేంద్ర, రాష్ట్ర ప్రభుత్వాల వ్యవసాయ పథకాలపై సమగ్ర సమాచారం ఉంది. ప్రస్తుత ఎల్‌నినో పరిస్థితులు, వర్షాల హెచ్చుతగ్గుల నేపథ్యంలో నీటి పొదుపు, ప్రత్యామ్నాయ పంటలు, భూసార పరిరక్షణ, వాతావరణ ఆధారిత వ్యవసాయ సలహాలపై ప్రత్యేకంగా అవగాహన కల్పిస్తున్నారు. రాష్ట్రవ్యాప్తంగా ఉన్న 2,601 రైతు వేదికలలో ఇప్పటికే 1,600 వేదికలకు వీడియో కాన్ఫరెన్సింగ్ సదుపాయం కల్పించారు. దీనివల్ల రైతులు తమ గ్రామాల నుంచే శాస్త్రవేత్తలతో నేరుగా సంభాషించి పంటల సమస్యలకు పరిష్కారాలు తెలుసుకుంటున్నారు. ఈ క్రమంలోనే గౌరవ ముఖ్యమంత్రివర్యులు శ్రీ అనుముల రేవంత్ రెడ్డి గారు కూడా పలు సందర్భాల్లో వీడియో కాన్ఫరెన్స్ ద్వారా రాష్ట్రంలోని రైతు వేదికలతో ప్రత్యక్షంగా మాట్లాడి, వ్యవసాయ రంగ అభివృద్ధి, పంటల ప్రణాళిక, మార్కెటింగ్, ప్రభుత్వ పథకాల అమలు వంటి అంశాలపై రైతులకు సూచనలు అందించారు. రైతు నేస్తం కార్యక్రమం ప్రత్యేకతలు చూస్తే, మంచి దిగుబడులు సాధించి లాభాలు పొందిన రైతుల విజయగాథలను ఇతర రైతులతో పంచుకోవడం, రైతులు తమ పంటల సమస్యలను నేరుగా శాస్త్రవేత్తలను అడిగి తెలుసుకోవడం, వ్యవసాయ విశ్వవిద్యాలయాలు, పరిశోధనా కేంద్రాలలో అభివృద్ధి చేసిన కొత్త సాంకేతికతలను రైతులకు చేరవేయడం వంటివి ఉన్నాయి. ప్రతి మంగళవారం వ్యవసాయ శాఖ అధికారులు, శాస్త్రవేత్తల సమన్వయంతో ఈ కార్యక్రమాన్ని నిర్వహిస్తున్నారు. కేంద్ర, రాష్ట్ర ప్రభుత్వాల వ్యవసాయ పథకాలను గౌరవ వ్యవసాయ శాఖ మంత్రి శ్రీ తుమ్మల నాగేశ్వరరావు గారి చేతుల మీదుగా ప్రారంభించి, రైతు నేస్తం ద్వారా రాష్ట్రవ్యాప్తంగా రైతులకు నేరుగా చేరవేస్తున్నారు. ఈ కార్యక్రమాన్ని సద్వినియోగం చేసుకొని శాస్త్రీయ సాగు పద్ధతులను అనుసరించి అధిక దిగుబడులు, అధిక ఆదాయం పొందాలని వ్యవసాయ శాఖ రైతులను కోరుతోంది.

Ramprasad islavath

Industrial Real Estate Agency కల్లూరు, ఖమ్మం, తెలంగాణ•

10 hrs ago

తెలంగాణ ప్రభుత్వం ఏర్పాటు చేసిన రైతు వేదికలు, రైతు నేస్తం కార్యక్రమాలు గ్రామ స్థాయిలో వ్యవసాయ విజ్ఞానాన్ని అందించడంలో రైతులకు విశేషంగా తోడ్పడుతూ, రాష్ట్రంలో సాగు విప్లవానికి దోహదపడుతున్నాయి. ఈ కార్యక్రమాల ద్వారా శాస్త్రీయ సాగు పద్ధతులు, నూతన సాంకేతికతలు, వివిధ ప్రభుత్వ పథకాల వివరాలు రైతులకు చేరుతున్నాయి. గౌరవ వ్యవసాయ శాఖ మంత్రి శ్రీ తుమ్మల నాగేశ్వరరావు గారి ప్రత్యేక పర్యవేక్షణలో రైతు నేస్తం కార్యక్రమం నిర్వహించబడుతోంది. వ్యవసాయ శాఖ సంచాలకులు డా. బి. గోపి, ఐఏఎస్ ప్రతి రైతు నేస్తం కార్యక్రమంలో పాల్గొంటూ రైతులకు, అధికారులకు అవసరమైన సూచనలు, దిశానిర్దేశం చేస్తున్నారు. ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయం మరియు వ్యవసాయ శాఖ సంయుక్తంగా చేపట్టిన ఈ కార్యక్రమం 95 వారాలుగా విజయవంతంగా కొనసాగుతూ, రాష్ట్రవ్యాప్తంగా 22,63,918 మంది రైతులకు వ్యవసాయ శాస్త్రవేత్తల నుంచి నేరుగా సలహాలను అందించింది. ఇప్పటివరకు రైతు నేస్తం ద్వారా 200కు పైగా అంశాలపై రైతులకు అవగాహన కల్పించారు. వీటిలో వరి, పత్తి, మొక్కజొన్న, పప్పుధాన్యాలు, ఉద్యాన పంటలు, సహజ వ్యవసాయం, భూసార పరిరక్షణ, డ్రోన్ వినియోగం, డిజిటల్ వ్యవసాయం, పశుసంవర్ధక రంగం, కేంద్ర, రాష్ట్ర ప్రభుత్వాల వ్యవసాయ పథకాలపై సమగ్ర సమాచారం ఉంది. ప్రస్తుత ఎల్‌నినో పరిస్థితులు, వర్షాల హెచ్చుతగ్గుల నేపథ్యంలో నీటి పొదుపు, ప్రత్యామ్నాయ పంటలు, భూసార పరిరక్షణ, వాతావరణ ఆధారిత వ్యవసాయ సలహాలపై ప్రత్యేకంగా అవగాహన కల్పిస్తున్నారు. రాష్ట్రవ్యాప్తంగా ఉన్న 2,601 రైతు వేదికలలో ఇప్పటికే 1,600 వేదికలకు వీడియో కాన్ఫరెన్సింగ్ సదుపాయం కల్పించారు. దీనివల్ల రైతులు తమ గ్రామాల నుంచే శాస్త్రవేత్తలతో నేరుగా సంభాషించి పంటల సమస్యలకు పరిష్కారాలు తెలుసుకుంటున్నారు. ఈ క్రమంలోనే గౌరవ ముఖ్యమంత్రివర్యులు శ్రీ అనుముల రేవంత్ రెడ్డి గారు కూడా పలు సందర్భాల్లో వీడియో కాన్ఫరెన్స్ ద్వారా రాష్ట్రంలోని రైతు వేదికలతో ప్రత్యక్షంగా మాట్లాడి, వ్యవసాయ రంగ అభివృద్ధి, పంటల ప్రణాళిక, మార్కెటింగ్, ప్రభుత్వ పథకాల అమలు వంటి అంశాలపై రైతులకు సూచనలు అందించారు. రైతు నేస్తం కార్యక్రమం ప్రత్యేకతలు చూస్తే, మంచి దిగుబడులు సాధించి లాభాలు పొందిన రైతుల విజయగాథలను ఇతర రైతులతో పంచుకోవడం, రైతులు తమ పంటల సమస్యలను నేరుగా శాస్త్రవేత్తలను అడిగి తెలుసుకోవడం, వ్యవసాయ విశ్వవిద్యాలయాలు, పరిశోధనా కేంద్రాలలో అభివృద్ధి చేసిన కొత్త సాంకేతికతలను రైతులకు చేరవేయడం వంటివి ఉన్నాయి. ప్రతి మంగళవారం వ్యవసాయ శాఖ అధికారులు, శాస్త్రవేత్తల సమన్వయంతో ఈ కార్యక్రమాన్ని నిర్వహిస్తున్నారు. కేంద్ర, రాష్ట్ర ప్రభుత్వాల వ్యవసాయ పథకాలను గౌరవ వ్యవసాయ శాఖ మంత్రి శ్రీ తుమ్మల నాగేశ్వరరావు గారి చేతుల మీదుగా ప్రారంభించి, రైతు నేస్తం ద్వారా రాష్ట్రవ్యాప్తంగా రైతులకు నేరుగా చేరవేస్తున్నారు. ఈ కార్యక్రమాన్ని సద్వినియోగం చేసుకొని శాస్త్రీయ సాగు పద్ధతులను అనుసరించి అధిక దిగుబడులు, అధిక ఆదాయం పొందాలని వ్యవసాయ శాఖ రైతులను కోరుతోంది.