ಕೆಜಿಎಫ್‌ನ ಕೆಜಿ ಕೋಟೆ ಗ್ರಾಮದ ಸರ್ವೆ ನಂಬರ್ 121 ರಲ್ಲಿನ 4 ಎಕರೆ ಜಮೀನಿನ ಕುರಿತು ಮಾಜಿ ಶಾಸಕ ವೈ. ಸಂಪಂಗಿ ಮಾಡಿರುವ ಆರೋಪಗಳನ್ನು ರೈತ ಸಂಪತ್ ಕುಮಾರ್ ಸಂಪೂರ್ಣವಾಗಿ ತಳ್ಳಿಹಾಕಿದ್ದಾರೆ. ತಾವು ಕೃಷಿಕರ ಕುಟುಂಬದವರಾಗಿದ್ದು, ಕಂದಾಯ ಇಲಾಖೆಯಿಂದ ಪಡೆದ ದಾಖಲೆಗಳು ನೈಜವಾಗಿವೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ತಮ್ಮ ತಂದೆ ಅಶ್ವತ್ಥನಾರಾಯಣ ಅವರು 1988-89ನೇ ಸಾಲಿನಿಂದ ಈ ಜಮೀನನ್ನು ಸಾಗುವಳಿ ಮಾಡುತ್ತಿದ್ದು, ಅಂದಿನ ನಿಯಮಾವಳಿಗಳಂತೆ ಫಾರಂ ನಂ. 50ರ ಅಡಿಯಲ್ಲಿ ಅರ್ಜಿ ಸಲ್ಲಿಸಿ, ಸ್ಥಳ ಪರಿಶೀಲನೆಯ ನಂತರವೇ ಜಮೀನು ಮಂಜೂರಾಗಿದೆ ಎಂದು ಸಂಪತ್ ಕುಮಾರ್ ತಿಳಿಸಿದ್ದಾರೆ. 1989ರಲ್ಲಿಯೇ ಆಕಾರಬಂದ್ ಮತ್ತು ನಕ್ಷೆ ದುರಸ್ತೀಕರಣ ಪ್ರಕ್ರಿಯೆಗಳು ಪೂರ್ಣಗೊಂಡಿದ್ದು, ಮೂಲ ಕಡತ ತಹಶೀಲ್ದಾರ್ ಕಚೇರಿಯಲ್ಲಿದೆ. ಈ ವಿಷಯದಲ್ಲಿ ಮಾಜಿ ಶಾಸಕರು ಮಾಡುತ್ತಿರುವ ಅಪಪ್ರಚಾರ ಸರಿಯಲ್ಲ ಎಂದು ಬೇಸರ ವ್ಯಕ್ತಪಡಿಸಿದ ಅವರು, ಕಂದಾಯ ಇಲಾಖೆಗೆ ಮುಕ್ತ ಸವಾಲು ಹಾಕಿದ್ದಾರೆ. ಜಮೀನಿನ ದಾಖಲೆಗಳು ನೈಜವಾಗಿಲ್ಲದಿದ್ದರೆ ರದ್ದುಪಡಿಸಲಿ ಎಂದು ಸವಾಲು ಹಾಕಿರುವ ಅವರು, ಅಧಿಕಾರಿಗಳು ವಾಸ್ತವ ಪರಿಶೀಲನೆ ನಡೆಸಿ ಖಾತೆ ಮಾಡಿಕೊಡಬೇಕೆಂದು ಒತ್ತಾಯಿಸಿದ್ದಾರೆ. ಪ್ರಸ್ತುತ ಈ ಜಮೀನಿನ ವಿವಾದವು ಸಹಾಯಕ ಕಮಿಷನರ್ (ಎ.ಸಿ.) ಅವರ ನ್ಯಾಯಾಲಯದ ಗಮನಕ್ಕೆ ಬಂದಿದ್ದು, ಕಡತದಲ್ಲಿರುವ ನ್ಯೂನತೆಗಳನ್ನು ಸರಿಪಡಿಸಲು ಮತ್ತು ಸಮಗ್ರ ತನಿಖೆ ನಡೆಸಲು ತಹಶೀಲ್ದಾರ್ ಅವರಿಗೆ ಕಡತವನ್ನು ಮರಳಿ ಕಳುಹಿಸಲಾಗಿದೆ. ತಹಶೀಲ್ದಾರ್ ಕಚೇರಿಯಲ್ಲಿ ಕಾನೂನುಬದ್ಧ ತನಿಖೆ ನಡೆಯುತ್ತಿದ್ದು, ತಮಗೆ ನ್ಯಾಯ ಸಿಗುವ ವಿಶ್ವಾಸವಿದೆ ಎಂದು ಸಂಪತ್ ಕುಮಾರ್ ಹೇಳಿದ್ದಾರೆ. ಈ ಸಂದರ್ಭದಲ್ಲಿ ಅವರ ಕುಟುಂಬದವರು ಮತ್ತು ಹಿತೈಷಿಗಳು ಉಪಸ್ಥಿತರಿದ್ದರು.

Prashanth Vibes

Video Creator ಕೋಲಾರ ಗೋಲ್ಡ್ ಫೀಲ್ಡ್, ಕೋಲಾರ, ಕರ್ನಾಟಕ•

1 day ago

ಕೆಜಿಎಫ್‌ನ ಕೆಜಿ ಕೋಟೆ ಗ್ರಾಮದ ಸರ್ವೆ ನಂಬರ್ 121 ರಲ್ಲಿನ 4 ಎಕರೆ ಜಮೀನಿನ ಕುರಿತು ಮಾಜಿ ಶಾಸಕ ವೈ. ಸಂಪಂಗಿ ಮಾಡಿರುವ ಆರೋಪಗಳನ್ನು ರೈತ ಸಂಪತ್ ಕುಮಾರ್ ಸಂಪೂರ್ಣವಾಗಿ ತಳ್ಳಿಹಾಕಿದ್ದಾರೆ. ತಾವು ಕೃಷಿಕರ ಕುಟುಂಬದವರಾಗಿದ್ದು, ಕಂದಾಯ ಇಲಾಖೆಯಿಂದ ಪಡೆದ ದಾಖಲೆಗಳು ನೈಜವಾಗಿವೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ತಮ್ಮ ತಂದೆ ಅಶ್ವತ್ಥನಾರಾಯಣ ಅವರು 1988-89ನೇ ಸಾಲಿನಿಂದ ಈ ಜಮೀನನ್ನು ಸಾಗುವಳಿ ಮಾಡುತ್ತಿದ್ದು, ಅಂದಿನ ನಿಯಮಾವಳಿಗಳಂತೆ ಫಾರಂ ನಂ. 50ರ ಅಡಿಯಲ್ಲಿ ಅರ್ಜಿ ಸಲ್ಲಿಸಿ, ಸ್ಥಳ ಪರಿಶೀಲನೆಯ ನಂತರವೇ ಜಮೀನು ಮಂಜೂರಾಗಿದೆ ಎಂದು ಸಂಪತ್ ಕುಮಾರ್ ತಿಳಿಸಿದ್ದಾರೆ. 1989ರಲ್ಲಿಯೇ ಆಕಾರಬಂದ್ ಮತ್ತು ನಕ್ಷೆ ದುರಸ್ತೀಕರಣ ಪ್ರಕ್ರಿಯೆಗಳು ಪೂರ್ಣಗೊಂಡಿದ್ದು, ಮೂಲ ಕಡತ ತಹಶೀಲ್ದಾರ್ ಕಚೇರಿಯಲ್ಲಿದೆ. ಈ

ವಿಷಯದಲ್ಲಿ ಮಾಜಿ ಶಾಸಕರು ಮಾಡುತ್ತಿರುವ ಅಪಪ್ರಚಾರ ಸರಿಯಲ್ಲ ಎಂದು ಬೇಸರ ವ್ಯಕ್ತಪಡಿಸಿದ ಅವರು, ಕಂದಾಯ ಇಲಾಖೆಗೆ ಮುಕ್ತ ಸವಾಲು ಹಾಕಿದ್ದಾರೆ. ಜಮೀನಿನ ದಾಖಲೆಗಳು ನೈಜವಾಗಿಲ್ಲದಿದ್ದರೆ ರದ್ದುಪಡಿಸಲಿ ಎಂದು ಸವಾಲು ಹಾಕಿರುವ ಅವರು, ಅಧಿಕಾರಿಗಳು ವಾಸ್ತವ ಪರಿಶೀಲನೆ ನಡೆಸಿ ಖಾತೆ ಮಾಡಿಕೊಡಬೇಕೆಂದು ಒತ್ತಾಯಿಸಿದ್ದಾರೆ. ಪ್ರಸ್ತುತ ಈ ಜಮೀನಿನ ವಿವಾದವು ಸಹಾಯಕ ಕಮಿಷನರ್ (ಎ.ಸಿ.) ಅವರ ನ್ಯಾಯಾಲಯದ ಗಮನಕ್ಕೆ ಬಂದಿದ್ದು, ಕಡತದಲ್ಲಿರುವ ನ್ಯೂನತೆಗಳನ್ನು ಸರಿಪಡಿಸಲು ಮತ್ತು ಸಮಗ್ರ ತನಿಖೆ ನಡೆಸಲು ತಹಶೀಲ್ದಾರ್ ಅವರಿಗೆ ಕಡತವನ್ನು ಮರಳಿ ಕಳುಹಿಸಲಾಗಿದೆ. ತಹಶೀಲ್ದಾರ್ ಕಚೇರಿಯಲ್ಲಿ ಕಾನೂನುಬದ್ಧ ತನಿಖೆ ನಡೆಯುತ್ತಿದ್ದು, ತಮಗೆ ನ್ಯಾಯ ಸಿಗುವ ವಿಶ್ವಾಸವಿದೆ ಎಂದು ಸಂಪತ್ ಕುಮಾರ್ ಹೇಳಿದ್ದಾರೆ. ಈ ಸಂದರ್ಭದಲ್ಲಿ ಅವರ ಕುಟುಂಬದವರು ಮತ್ತು ಹಿತೈಷಿಗಳು ಉಪಸ್ಥಿತರಿದ್ದರು.