పిఠాపురం నియోజకవర్గం యు. కొత్తపల్లి మండలంలోని ఇసుకపల్లి ఎంపీయూపీ పాఠశాలలో బాలబాలికల కోసం బాలల హక్కులు మరియు చట్టాలపై ప్రత్యేక అవగాహన సదస్సు నిర్వహించారు. మహిళాభివృద్ధి మరియు శిశు సంక్షేమ శాఖ ప్రాజెక్ట్ డైరెక్టర్ సి.హెచ్. లక్ష్మి ఆదేశాల మేరకు, పిఠాపురం ప్రాజెక్ట్ సీడీపీఓ మోకా శ్రీకళ పర్యవేక్షణలో ఈ కార్యక్రమం జరిగింది. ఈ సదస్సులో జిల్లా బాలల పరిరక్షణ విభాగం కౌన్సిలర్ బి. దుర్గారాణి పాల్గొని రాజ్యాంగం కల్పించిన ప్రాథమిక హక్కులైన జీవించే హక్కు, రక్షణ పొందే హక్కు, అభివృద్ధి చెందే హక్కు మరియు పాల్గొనే హక్కుల గురించి వివరించారు. విద్యార్థులకు గుడ్ టచ్ - బ్యాడ్ టచ్ అంశంపై అవగాహన కల్పించిన ఆమె, ఏదైనా ఆపదలో ఉన్నప్పుడు లేదా లైంగిక వేధింపులు ఎదురైనప్పుడు వెంటనే చైల్డ్ హెల్ప్ లైన్ నంబర్ 1098కి కాల్ చేయాలని సూచించారు. సమాచారం అందించిన వారి వివరాలు అత్యంత గోప్యంగా ఉంచుతామని ఆమె భరోసా ఇచ్చారు. బాల్య వివాహాల నిర్మూలన చట్టంపై కూడా విద్యార్థులకు హెచ్చరికలు జారీ చేశారు. అమ్మాయికి 18 ఏళ్లు, అబ్బాయికి 21 ఏళ్లు నిండకముందే వివాహం చేయడం చట్టరీత్యా నేరమని ఆమె స్పష్టం చేశారు. నిబంధనలు అతిక్రమిస్తే బాల్య వివాహాల నిరోధక చట్టం ప్రకారం రెండేళ్ల జైలు శిక్షతో పాటు లక్ష రూపాయల జరిమానా పడే అవకాశం ఉందని హెచ్చరించారు. ఈ కార్యక్రమంలో పాఠశాల ఉపాధ్యాయులు, సిబ్బంది మరియు అధిక సంఖ్యలో విద్యార్థులు పాల్గొన్నారు.

Prasanna kumar Rowthu

Press advisory పిఠాపురం, కాకినాడ, ఆంధ్రప్రదేశ్•

22 hrs ago

పిఠాపురం నియోజకవర్గం యు. కొత్తపల్లి మండలంలోని ఇసుకపల్లి ఎంపీయూపీ పాఠశాలలో బాలబాలికల కోసం బాలల హక్కులు మరియు చట్టాలపై ప్రత్యేక అవగాహన సదస్సు నిర్వహించారు. మహిళాభివృద్ధి మరియు శిశు సంక్షేమ శాఖ ప్రాజెక్ట్ డైరెక్టర్ సి.హెచ్. లక్ష్మి ఆదేశాల మేరకు, పిఠాపురం ప్రాజెక్ట్ సీడీపీఓ మోకా శ్రీకళ పర్యవేక్షణలో ఈ కార్యక్రమం జరిగింది. ఈ సదస్సులో జిల్లా బాలల పరిరక్షణ విభాగం కౌన్సిలర్ బి. దుర్గారాణి పాల్గొని రాజ్యాంగం కల్పించిన ప్రాథమిక హక్కులైన జీవించే హక్కు, రక్షణ పొందే హక్కు, అభివృద్ధి చెందే హక్కు మరియు పాల్గొనే హక్కుల గురించి వివరించారు. విద్యార్థులకు గుడ్ టచ్ - బ్యాడ్ టచ్ అంశంపై అవగాహన కల్పించిన ఆమె, ఏదైనా

ఆపదలో ఉన్నప్పుడు లేదా లైంగిక వేధింపులు ఎదురైనప్పుడు వెంటనే చైల్డ్ హెల్ప్ లైన్ నంబర్ 1098కి కాల్ చేయాలని సూచించారు. సమాచారం అందించిన వారి వివరాలు అత్యంత గోప్యంగా ఉంచుతామని ఆమె భరోసా ఇచ్చారు. బాల్య వివాహాల నిర్మూలన చట్టంపై కూడా విద్యార్థులకు హెచ్చరికలు జారీ చేశారు. అమ్మాయికి 18 ఏళ్లు, అబ్బాయికి 21 ఏళ్లు నిండకముందే వివాహం చేయడం చట్టరీత్యా నేరమని ఆమె స్పష్టం చేశారు. నిబంధనలు అతిక్రమిస్తే బాల్య వివాహాల నిరోధక చట్టం ప్రకారం రెండేళ్ల జైలు శిక్షతో పాటు లక్ష రూపాయల జరిమానా పడే అవకాశం ఉందని హెచ్చరించారు. ఈ కార్యక్రమంలో పాఠశాల ఉపాధ్యాయులు, సిబ్బంది మరియు అధిక సంఖ్యలో విద్యార్థులు పాల్గొన్నారు.