पंढरपूर येथील गोपाळपूरमधील श्री. विठ्ठल एज्युकेशन अँड रिसर्च इन्स्टिट्यूट (स्वेरी) च्या भव्य क्रीडांगणावर राष्ट्रीय सेवा योजना, उन्नत भारत अभियान व स्पोर्ट्स क्लब यांच्या संयुक्त विद्यमाने १२ वा ‘जागतिक योग दिन’ मोठ्या उत्साहात साजरा करण्यात आला. स्वेरीज् कॉलेज ऑफ इंजिनिअरिंग (ऑटोनॉमस), स्वेरीज् कॉलेज ऑफ इंजिनिअरिंग (पदविका), स्वेरीज् कॉलेज ऑफ फार्मसी (पदवी), स्वेरीज् कॉलेज ऑफ फार्मसी (पदविका) व स्वेरी लॉ कॉलेजच्या विद्यार्थ्यांनी यात सहभाग घेतला. या प्रसंगी योग व मार्शल आर्टचे प्रशिक्षक श्री. राजेंद्र अनवते यांनी मार्गदर्शन करताना सांगितले की, धकाधकीच्या जीवनात स्वतःच्या आरोग्यासाठी वेळ काढणे आवश्यक आहे, ज्यामुळे आपण भविष्यात अनेक व्याधींपासून दूर राहू शकतो. शरीर आणि मन निरोगी ठेवण्यासाठी योगाचे सातत्य महत्त्वाचे असून, योगामुळे मन स्थिर व बुद्धी चंचल राहून कामातील उत्साह वाढतो. समीर बॉम्बेचे निवृत्त शास्त्रज्ञ डॉ. मिलिंद जोशी यांनी योग साधनेचे महत्त्व स्पष्ट करताना म्हटले की, योग शरीर मनाला, मन आत्म्याला आणि आत्मा परमात्म्याला जोडण्यासाठी आवश्यक आहे. स्वेरीचे सचिव डॉ. सुरज रोंगे यांनी सांगितले की, पंतप्रधान नरेंद्र मोदी यांच्या नेतृत्वाखाली जगाने २१ जून हा ‘आंतरराष्ट्रीय योग दिन’ म्हणून स्वीकारला आहे, ज्यामुळे सर्वांना योगाचा फायदा होत आहे. त्यांनी नकारात्मक विचारांवर मात करण्यासाठी योगासारखे उपक्रम सातत्याने राबवण्याचे आवाहन केले, ज्यामुळे मन स्थिर राहते आणि प्रगती झपाट्याने होते. यावेळी विद्यार्थी, प्राध्यापक व शिक्षकेतर कर्मचाऱ्यांकडून वृक्षासन, ताडासन, त्रिकोणासन, वज्रासन, भुजंगासन, पद्मासन, सुखासन, सूर्यनमस्कार यांसारखी विविध आसने करवून घेण्यात आली. करकंब येथील विद्यार्थिनी अमृता सरगुले हिने योगाची विविध प्रात्यक्षिके सादर करून उपस्थितांची मने जिंकली, ज्यात तिने शरीराची लवचिकता व सहजता दाखवली. या कार्यक्रमाला स्वेरीचे संस्थापक व स्वेरीज् कॉलेज ऑफ इंजिनिअरिंगचे प्राचार्य डॉ. बी. पी. रोंगे, विद्यालंकार इन्स्टिट्यूट, वडाळा, मुंबईच्या प्राचार्या डॉ. संगीता जोशी, स्वेरीचे कॅम्पस इन्चार्ज डॉ. एम. एम. पवार, डिप्लोमा इंजिनिअरिंगचे प्राचार्य डॉ. एन. डी. मिसाळ, बी. फार्मसीचे प्राचार्य डॉ. एम.जी. मणियार, डी. फार्मसीचे प्राचार्य डॉ. एस.व्ही. मांडवे, कॉलेज ऑफ इंजिनिअरिंगच्या उपप्राचार्या डॉ. मिनाक्षी पवार, विद्यार्थी अधिष्ठाता डॉ. एम.एस. मठपती, राष्ट्रीय सेवा योजनेचे कार्यक्रम अधिकारी प्रा. अमोल चौंडे, उन्नत भारत अभियानचे प्रमुख प्रा. प्रशांत भागानगरे, सर्व समन्वयक, अधिष्ठाता, विभागप्रमुख, प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते. कोलकाता (पश्चिम बंगाल) मध्ये झालेल्या योग कार्यक्रमाचे प्रक्षेपण स्वेरीच्या प्रांगणात मोठ्या एलसीडीच्या माध्यमातून दाखवण्यात आले, याचा लाभ उपस्थितांनी घेतला. स्वेरीचे संस्थापक डॉ. बी. पी. रोंगे यांच्या सूचनेनुसार जुलै २०२४ पासून प्रत्येक महिन्याच्या २१ तारखेला नियमितपणे ‘स्वेरी योगा डे’ साजरा केला जाणार असून, दैनंदिन वेळापत्रकात सकाळी १०:०० ते १०:३० या वेळेत स्वेरीतील सर्व विद्यार्थी व शिक्षकांकडून योगा केला जाणार आहे. इलेक्ट्रॉनिक्स अँड टेलिकम्युनिकेशन इंजिनिअरिंगच्या विभागप्रमुख डॉ. नीता तळवलकर यांनी कार्यक्रमाचे सूत्रसंचालन करून आभार मानले.

Tej maharashtra varta

पंढरपूर, सोलापूर, महाराष्ट्र•

5 hrs ago

पंढरपूर येथील गोपाळपूरमधील श्री. विठ्ठल एज्युकेशन अँड रिसर्च इन्स्टिट्यूट (स्वेरी) च्या भव्य क्रीडांगणावर राष्ट्रीय सेवा योजना, उन्नत भारत अभियान व स्पोर्ट्स क्लब यांच्या संयुक्त विद्यमाने १२ वा ‘जागतिक योग दिन’ मोठ्या उत्साहात साजरा करण्यात आला. स्वेरीज् कॉलेज ऑफ इंजिनिअरिंग (ऑटोनॉमस), स्वेरीज् कॉलेज ऑफ इंजिनिअरिंग (पदविका), स्वेरीज् कॉलेज ऑफ फार्मसी (पदवी), स्वेरीज् कॉलेज ऑफ फार्मसी (पदविका) व स्वेरी लॉ कॉलेजच्या विद्यार्थ्यांनी यात सहभाग घेतला. या प्रसंगी योग व मार्शल आर्टचे प्रशिक्षक श्री. राजेंद्र अनवते यांनी मार्गदर्शन करताना सांगितले की, धकाधकीच्या जीवनात स्वतःच्या आरोग्यासाठी वेळ काढणे आवश्यक आहे, ज्यामुळे आपण भविष्यात अनेक व्याधींपासून दूर राहू शकतो. शरीर आणि मन निरोगी ठेवण्यासाठी योगाचे सातत्य महत्त्वाचे असून, योगामुळे मन स्थिर व बुद्धी चंचल राहून कामातील उत्साह वाढतो. समीर बॉम्बेचे निवृत्त शास्त्रज्ञ डॉ. मिलिंद जोशी यांनी योग साधनेचे महत्त्व स्पष्ट करताना म्हटले की, योग शरीर मनाला, मन आत्म्याला आणि आत्मा परमात्म्याला जोडण्यासाठी आवश्यक आहे. स्वेरीचे सचिव डॉ. सुरज रोंगे यांनी सांगितले की, पंतप्रधान नरेंद्र मोदी यांच्या नेतृत्वाखाली जगाने २१ जून हा ‘आंतरराष्ट्रीय योग दिन’ म्हणून स्वीकारला आहे, ज्यामुळे सर्वांना योगाचा फायदा होत आहे. त्यांनी नकारात्मक विचारांवर मात करण्यासाठी योगासारखे उपक्रम सातत्याने राबवण्याचे आवाहन केले, ज्यामुळे मन स्थिर राहते आणि प्रगती झपाट्याने होते. यावेळी विद्यार्थी, प्राध्यापक व शिक्षकेतर कर्मचाऱ्यांकडून वृक्षासन, ताडासन, त्रिकोणासन, वज्रासन, भुजंगासन, पद्मासन, सुखासन, सूर्यनमस्कार यांसारखी विविध आसने करवून घेण्यात आली. करकंब येथील विद्यार्थिनी अमृता सरगुले हिने योगाची विविध प्रात्यक्षिके सादर करून उपस्थितांची मने जिंकली, ज्यात तिने शरीराची लवचिकता व सहजता दाखवली. या कार्यक्रमाला स्वेरीचे संस्थापक व स्वेरीज् कॉलेज ऑफ इंजिनिअरिंगचे प्राचार्य डॉ. बी. पी. रोंगे, विद्यालंकार इन्स्टिट्यूट, वडाळा, मुंबईच्या प्राचार्या डॉ. संगीता जोशी, स्वेरीचे कॅम्पस इन्चार्ज डॉ. एम. एम. पवार, डिप्लोमा इंजिनिअरिंगचे प्राचार्य डॉ. एन. डी. मिसाळ, बी. फार्मसीचे प्राचार्य डॉ. एम.जी. मणियार, डी. फार्मसीचे प्राचार्य डॉ. एस.व्ही. मांडवे, कॉलेज ऑफ इंजिनिअरिंगच्या उपप्राचार्या डॉ. मिनाक्षी पवार, विद्यार्थी अधिष्ठाता डॉ. एम.एस. मठपती, राष्ट्रीय सेवा योजनेचे कार्यक्रम अधिकारी प्रा. अमोल चौंडे, उन्नत भारत अभियानचे प्रमुख प्रा. प्रशांत भागानगरे, सर्व समन्वयक, अधिष्ठाता, विभागप्रमुख, प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते. कोलकाता (पश्चिम बंगाल) मध्ये झालेल्या योग कार्यक्रमाचे प्रक्षेपण स्वेरीच्या प्रांगणात मोठ्या एलसीडीच्या माध्यमातून दाखवण्यात आले, याचा लाभ उपस्थितांनी घेतला. स्वेरीचे संस्थापक डॉ. बी. पी. रोंगे यांच्या सूचनेनुसार जुलै २०२४ पासून प्रत्येक महिन्याच्या २१ तारखेला नियमितपणे ‘स्वेरी योगा डे’ साजरा केला जाणार असून, दैनंदिन वेळापत्रकात सकाळी १०:०० ते १०:३० या वेळेत स्वेरीतील सर्व विद्यार्थी व शिक्षकांकडून योगा केला जाणार आहे. इलेक्ट्रॉनिक्स अँड टेलिकम्युनिकेशन इंजिनिअरिंगच्या विभागप्रमुख डॉ. नीता तळवलकर यांनी कार्यक्रमाचे सूत्रसंचालन करून आभार मानले.