चंद्रपूर जिल्ह्यातील वरोरा येथील स्थानिक एसटी महामंडळाच्या नियोजनशून्य आणि दुर्लक्षित कारभारामुळे ग्रामीण भागातील शाळा-कॉलेजमध्ये ये-जा करणाऱ्या शेकडो विद्यार्थ्यांचे शैक्षणिक आयुष्य धोक्यात आले आहे. बस फेऱ्यांच्या अनियमितेमुळे विद्यार्थ्यांचे मोठे शैक्षणिक नुकसान होत असून, या गंभीर समस्येकडे प्रशासनाचे लक्ष वेधण्यासाठी राष्ट्रवादी काँग्रेस पार्टीच्या (चंद्रपूर) जिल्हाध्यक्ष आणि राष्ट्रीय ओबीसी, एससी, एसटी क्रांती दलाच्या विदर्भ प्रांत अध्यक्षा सौ. रंजनाताई पारशिवे यांच्या नेतृत्वात १० जुलै रोजी सायंकाळी वरोरा आगार प्रमुखांना निवेदन देऊन जाब विचारण्यात आला. दादापूर, मानोरा, कारेगाव, आष्टा, वडाळा आणि परिसरातील इतर गावांमधून दररोज शेकडो विद्यार्थी-विद्यार्थिनी शिक्षणासाठी वरोरा येथे येतात. मात्र, नवीन शैक्षणिक सत्र सुरू झाल्यापासून सकाळच्या सत्रातील एकही बस वेळेवर धावत नसून, सकाळी ८:०० ते ९:३० दरम्यान येणाऱ्या बसेस तब्बल २ ते ३ तास उशिराने धावत आहेत किंवा अनेकदा थेट रद्द केल्या जात आहेत. यामुळे विद्यार्थ्यांचे सुरुवातीचे महत्त्वाचे लेक्चर्स, प्रॅक्टिकल्स आणि शिक्षकांच्या महत्त्वाच्या सूचना हुकत आहेत. शिवाय, महाविद्यालयातील बायोमेट्रिक हजेरीवरही याचा विपरीत परिणाम होत असून, परीक्षेच्या काळात विद्यार्थ्यांना मानसिक त्रास सहन करावा लागत असल्याने नियमित बस सेवा सुरू करण्याची मागणी करण्यात आली आहे.

Disha News

Media house चंद्रपूर, चंद्रपूर, महाराष्ट्र•

4 hrs ago

चंद्रपूर जिल्ह्यातील वरोरा येथील स्थानिक एसटी महामंडळाच्या नियोजनशून्य आणि दुर्लक्षित कारभारामुळे ग्रामीण भागातील शाळा-कॉलेजमध्ये ये-जा करणाऱ्या शेकडो विद्यार्थ्यांचे शैक्षणिक आयुष्य धोक्यात आले आहे. बस फेऱ्यांच्या अनियमितेमुळे विद्यार्थ्यांचे मोठे शैक्षणिक नुकसान होत असून, या गंभीर समस्येकडे प्रशासनाचे लक्ष वेधण्यासाठी राष्ट्रवादी काँग्रेस पार्टीच्या (चंद्रपूर) जिल्हाध्यक्ष आणि राष्ट्रीय ओबीसी, एससी, एसटी क्रांती दलाच्या विदर्भ प्रांत अध्यक्षा सौ. रंजनाताई पारशिवे यांच्या नेतृत्वात १० जुलै रोजी सायंकाळी वरोरा आगार प्रमुखांना निवेदन देऊन जाब विचारण्यात आला. दादापूर, मानोरा, कारेगाव, आष्टा, वडाळा आणि परिसरातील इतर गावांमधून दररोज शेकडो विद्यार्थी-विद्यार्थिनी शिक्षणासाठी वरोरा येथे येतात. मात्र, नवीन शैक्षणिक सत्र सुरू झाल्यापासून सकाळच्या सत्रातील एकही बस वेळेवर धावत नसून, सकाळी ८:०० ते ९:३० दरम्यान येणाऱ्या बसेस तब्बल २ ते ३ तास उशिराने धावत आहेत किंवा अनेकदा थेट रद्द केल्या जात आहेत. यामुळे विद्यार्थ्यांचे सुरुवातीचे महत्त्वाचे लेक्चर्स, प्रॅक्टिकल्स आणि शिक्षकांच्या महत्त्वाच्या सूचना हुकत आहेत. शिवाय, महाविद्यालयातील बायोमेट्रिक हजेरीवरही याचा विपरीत परिणाम होत असून, परीक्षेच्या काळात विद्यार्थ्यांना मानसिक त्रास सहन करावा लागत असल्याने नियमित बस सेवा सुरू करण्याची मागणी करण्यात आली आहे.