సమస్యలు శాశ్వత పరిష్కారమే లక్ష్యం... - పిఠాపురం పీజీఆర్ఎస్‌లో నాలుగు వారాల్లో 375 అర్జీలు.. - జిల్లా కలెక్టర్ ఎం. ఎన్ హరేంధిర ప్రసాద్ - ప్రతి అర్జీని గడువులోగా పరిష్కరించాలని అధికారులకు ఆదేశాలు పిఠాపురం: పిఠాపురం నియోజకవర్గంలో నాలుగు వారాలుగా నిర్వహించిన ఒక నెల–ఒక గ్రామం–నాలుగు సందర్శనలు కార్యక్రమంలో స్వీకరించిన మొత్తం 375 అర్జీలకు శాశ్వత పరిష్కారం చూపేలా అధికారులు చిత్తశుద్ధితో పనిచేయాలని జిల్లా కలెక్టర్ ఎం.ఎన్. హరేంధిర ప్రసాద్ అధికారులను ఆదేశించారు. శుక్రవారం పాడా కార్యాలయంలో నిర్వహించిన నాలుగో విడత పీజీఆర్ఎస్ కార్యక్రమంలో కలెక్టర్ స్వయంగా ప్రజల నుంచి అర్జీలు స్వీకరించారు. ఈ సందర్భంగా అయన మాట్లాడుతూ... ప్రతి నెల ఒక నియోజకవర్గంలో నాలుగు వారాల పాటు ఈ కార్యక్రమం నిర్వహిస్తున్నట్లు తెలిపారు. పిఠాపురంలో నాలుగు వారాల్లో మొత్తం 375 అర్జీలు అందినట్లు తెలిపారు. అర్జీల్లో ప్రధానంగా మున్సిపల్ సమస్యలు, భూ వివాదాలు, రీ-సర్వే అంశాలు అధికంగా ఉన్నాయని పేర్కొన్న కలెక్టర్, సంబంధిత అధికారులు క్షేత్రస్థాయిలో పరిశీలించి ప్రజలకు న్యాయం జరిగేలా గడువులోగా పరిష్కారం చూపాలని ఆదేశించారు. అన్ని అర్జీలను నిరంతరం సమీక్షిస్తూ త్వరితగతిన పరిష్కరిస్తామని స్పష్టం చేశారు. అనంతరం గత మూడు వారాల్లో వచ్చిన అర్జీల పరిష్కారంపై అధికారులతో సమీక్ష నిర్వహించిన కలెక్టర్, ఉప ముఖ్యమంత్రి ఆదేశాల మేరకు ఈ కార్యక్రమాన్ని అమలు చేస్తున్నట్లు తెలిపారు. స్వర్ణాంధ్ర సాధనలో భాగంగా కీ పర్ఫార్మెన్స్ ఇండికేటర్స్ (కేపీఐలు), ప్రజాభిప్రాయ సేకరణ, ప్రభుత్వ సేవల నాణ్యతపై ప్రతి శాఖ ప్రత్యేక దృష్టి పెట్టాలని సూచించారు. పెన్షన్లు, అన్నా క్యాంటీన్లు,గ్రామాలు-పట్టణాల పరిశుభ్రత, వీధి దీపాల నిర్వహణ, రేషన్ కార్డుల పంపిణీ తదితర సేవలను మరింత సమర్థవంతంగా అందించి ప్రజల్లో ప్రభుత్వంపై సానుకూల అభిప్రాయం పెంపొందేలా పనిచేయాలని అధికారులను ఆదేశించారు. ఈ కార్యక్రమంలో పిఠాపురం తహశీల్దార్ గోపాలకృష్ణ, గొల్లప్రోలు కమిషనర్ దివిజా సంపతి, తహశీల్దార్లు, ఎంపీడీవోలు, డివిజన్, మండల స్థాయి అధికారులు పాల్గొన్నారు.

Prasanna kumar Rowthu

Press advisory పిఠాపురం, కాకినాడ, ఆంధ్రప్రదేశ్•

2 hrs ago

సమస్యలు శాశ్వత పరిష్కారమే లక్ష్యం... - పిఠాపురం పీజీఆర్ఎస్‌లో నాలుగు వారాల్లో 375 అర్జీలు.. - జిల్లా కలెక్టర్ ఎం. ఎన్ హరేంధిర ప్రసాద్ - ప్రతి అర్జీని గడువులోగా పరిష్కరించాలని అధికారులకు ఆదేశాలు పిఠాపురం: పిఠాపురం నియోజకవర్గంలో నాలుగు వారాలుగా నిర్వహించిన ఒక నెల–ఒక గ్రామం–నాలుగు సందర్శనలు కార్యక్రమంలో స్వీకరించిన మొత్తం 375 అర్జీలకు శాశ్వత పరిష్కారం చూపేలా అధికారులు చిత్తశుద్ధితో పనిచేయాలని జిల్లా కలెక్టర్ ఎం.ఎన్. హరేంధిర ప్రసాద్ అధికారులను ఆదేశించారు. శుక్రవారం పాడా కార్యాలయంలో నిర్వహించిన నాలుగో విడత పీజీఆర్ఎస్ కార్యక్రమంలో కలెక్టర్ స్వయంగా ప్రజల నుంచి అర్జీలు స్వీకరించారు. ఈ సందర్భంగా అయన మాట్లాడుతూ... ప్రతి నెల ఒక నియోజకవర్గంలో నాలుగు వారాల పాటు ఈ కార్యక్రమం నిర్వహిస్తున్నట్లు తెలిపారు. పిఠాపురంలో నాలుగు వారాల్లో మొత్తం 375 అర్జీలు అందినట్లు తెలిపారు. అర్జీల్లో ప్రధానంగా మున్సిపల్ సమస్యలు, భూ వివాదాలు, రీ-సర్వే అంశాలు అధికంగా ఉన్నాయని పేర్కొన్న కలెక్టర్, సంబంధిత అధికారులు క్షేత్రస్థాయిలో పరిశీలించి ప్రజలకు న్యాయం జరిగేలా గడువులోగా పరిష్కారం చూపాలని ఆదేశించారు. అన్ని అర్జీలను నిరంతరం సమీక్షిస్తూ త్వరితగతిన పరిష్కరిస్తామని స్పష్టం చేశారు. అనంతరం గత మూడు వారాల్లో వచ్చిన అర్జీల పరిష్కారంపై అధికారులతో సమీక్ష నిర్వహించిన కలెక్టర్, ఉప ముఖ్యమంత్రి ఆదేశాల మేరకు ఈ కార్యక్రమాన్ని అమలు చేస్తున్నట్లు తెలిపారు. స్వర్ణాంధ్ర సాధనలో భాగంగా కీ పర్ఫార్మెన్స్ ఇండికేటర్స్ (కేపీఐలు), ప్రజాభిప్రాయ సేకరణ, ప్రభుత్వ సేవల నాణ్యతపై ప్రతి శాఖ ప్రత్యేక దృష్టి పెట్టాలని సూచించారు. పెన్షన్లు, అన్నా క్యాంటీన్లు,గ్రామాలు-పట్టణాల పరిశుభ్రత, వీధి దీపాల నిర్వహణ, రేషన్ కార్డుల పంపిణీ తదితర సేవలను మరింత సమర్థవంతంగా అందించి ప్రజల్లో ప్రభుత్వంపై సానుకూల అభిప్రాయం పెంపొందేలా పనిచేయాలని అధికారులను ఆదేశించారు. ఈ కార్యక్రమంలో పిఠాపురం తహశీల్దార్ గోపాలకృష్ణ, గొల్లప్రోలు కమిషనర్ దివిజా సంపతి, తహశీల్దార్లు, ఎంపీడీవోలు, డివిజన్, మండల స్థాయి అధికారులు పాల్గొన్నారు.