अहिल्यानगर जिल्ह्यातील पारनेर तालुक्यातील श्रीक्षेत्र पिंपळनेर येथे संत निळोबाराय महाराज पालखी प्रस्थान सोहळा उत्साहात पार पडला. या सोहळ्यात अभंगगाथा प्रकाशन, पादुकापूजन, पालखीपूजन आणि रथपूजन करण्यात आले. राज्यमंत्री इंद्रनील नाईक यांनी या कार्यक्रमाला उपस्थित राहून पालखीचे पूजन केले आणि 'अभंगगाथा' ग्रंथाचे प्रकाशन केले. यावेळी बोलताना नाईक यांनी वारकरी संप्रदाय ही महाराष्ट्राची सांस्कृतिक ओळख असल्याचे सांगत, संत निळोबाराय संस्थानचा सर्वसमावेशक विकास आराखडा तयार करण्याचे जाहीर केले. यासाठी पर्यटन विभागामार्फत निधी उपलब्ध करून दिला जाईल आणि संस्थानला 'अ' दर्जा मिळवून देण्यासाठी शासन स्तरावर प्रयत्न केले जातील, असे त्यांनी स्पष्ट केले. स्थानिक विकास निधीतून शिरूर-वाडेगव्हाण फाटा ते साकूर या मार्गावरील राळेगणसिद्धीला जोडणाऱ्या रस्त्याच्या कामासाठी तरतूद केली जाईल, असेही नाईक यांनी सांगितले. कार्यक्रमात आमदार काशिनाथ दाते यांनी संत निळोबाराय महाराजांच्या पालखीसोबत राज्यातील विविध भागांतून ७१ दिंड्या सहभागी होत असल्याचे नमूद केले. तसेच, वारकऱ्यांसाठी शासनाने केलेल्या सुविधांची दखल घेत भविष्यात हा सोहळा अधिक भव्य व्हावा आणि पारनेर ते पंढरपूर मार्गावरील रस्ता कामाला मंजुरी मिळावी, अशी अपेक्षा व्यक्त केली. या कार्यक्रमास जिल्हाधिकारी डॉ. पंकज आशिया, संस्थानचे अध्यक्ष अशोक सावंत यांच्यासह अनेक अधिकारी, वारकरी संप्रदायाचे प्रतिनिधी आणि भाविक मोठ्या संख्येने उपस्थित होते.

राविराज शिंदे

Photographer अहमदनगर, अहमदनगर, महाराष्ट्र•

15 hrs ago

अहिल्यानगर जिल्ह्यातील पारनेर तालुक्यातील श्रीक्षेत्र पिंपळनेर येथे संत निळोबाराय महाराज पालखी प्रस्थान सोहळा उत्साहात पार पडला. या सोहळ्यात अभंगगाथा प्रकाशन, पादुकापूजन, पालखीपूजन आणि रथपूजन करण्यात आले. राज्यमंत्री इंद्रनील नाईक यांनी या कार्यक्रमाला उपस्थित राहून पालखीचे पूजन केले आणि 'अभंगगाथा' ग्रंथाचे प्रकाशन केले. यावेळी बोलताना नाईक यांनी वारकरी संप्रदाय ही महाराष्ट्राची सांस्कृतिक ओळख असल्याचे सांगत, संत निळोबाराय संस्थानचा सर्वसमावेशक विकास आराखडा तयार करण्याचे जाहीर केले. यासाठी पर्यटन विभागामार्फत निधी उपलब्ध करून दिला जाईल आणि संस्थानला 'अ' दर्जा मिळवून देण्यासाठी शासन स्तरावर प्रयत्न केले जातील, असे त्यांनी स्पष्ट केले. स्थानिक विकास निधीतून शिरूर-वाडेगव्हाण फाटा ते साकूर या मार्गावरील राळेगणसिद्धीला जोडणाऱ्या रस्त्याच्या कामासाठी तरतूद केली जाईल, असेही नाईक यांनी सांगितले. कार्यक्रमात आमदार काशिनाथ दाते यांनी संत निळोबाराय महाराजांच्या पालखीसोबत राज्यातील विविध भागांतून ७१ दिंड्या सहभागी होत असल्याचे नमूद केले. तसेच, वारकऱ्यांसाठी शासनाने केलेल्या सुविधांची दखल घेत भविष्यात हा सोहळा अधिक भव्य व्हावा आणि पारनेर ते पंढरपूर मार्गावरील रस्ता कामाला मंजुरी मिळावी, अशी अपेक्षा व्यक्त केली. या कार्यक्रमास जिल्हाधिकारी डॉ. पंकज आशिया, संस्थानचे अध्यक्ष अशोक सावंत यांच्यासह अनेक अधिकारी, वारकरी संप्रदायाचे प्रतिनिधी आणि भाविक मोठ्या संख्येने उपस्थित होते.