ട്യൂഷന്റെയോ മറ്റ് സഹായങ്ങളുടെയോ പിന്തുണയില്ലാതെ പ്ലസ് ടു പരീക്ഷയിൽ മുഴുവൻ മാർക്കും നേടി എടത്തനാട്ടുകര ഗവ. ഹയർ സെക്കൻഡറി സ്കൂളിലെ ബയോളജി സയൻസ് വിദ്യാർത്ഥിനി ആൻ മരിയ സാബു ശ്രദ്ധേയ നേട്ടം കൈവരിച്ചു. നേരത്തെ 1199 മാർക്ക് നേടിയിരുന്ന ആൻ മരിയക്ക്, പുനർമൂല്യനിർണയ ഫലം പുറത്തുവന്നതോടെയാണ് 1200-ൽ 1200 മാർക്കും ലഭിച്ചത്. എടത്തനാട്ടുകര അമ്പലപ്പാറ കൊക്കാട്ടു മുണ്ടക്കൽ വീട്ടിൽ കെ.എം. സാബു - ജൂലി ദമ്പതികളുടെ മകളായ ആൻ മരിയ കഠിനമായ പ്രതിസന്ധികളെ അതിജീവിച്ചാണ് ഈ നേട്ടം സ്വന്തമാക്കിയത്. അമ്പലപ്പാറ സെന്ററിൽ നിന്നും മൂന്ന് കിലോമീറ്റർ അകലെയുള്ള കൊടകശ്ശേരി എസ്റ്റേറ്റിലാണ് ആൻ മരിയയും കുടുംബവും താമസിക്കുന്നത്. ദിവസവും ഒരു പുഴയും കടന്ന് അങ്ങോട്ടുമിങ്ങോട്ടുമായി ആറ് കിലോമീറ്ററോളം ദൂരം നടന്നാണ് ആൻ മരിയ സ്കൂളിലെത്തുന്നത്. രാവിലെ ഏഴരയ്ക്ക് വീട്ടിൽ നിന്നിറങ്ങുന്ന ഈ മിടുക്കി വൈകുന്നേരം ആറുമണിയോടെയാണ് തിരികെയെത്തുന്നത്. സ്കൂളിൽ സംഘടിപ്പിച്ച വിജയോത്സവ ചടങ്ങിൽ പൊതുവിദ്യാഭ്യാസ വകുപ്പ് മന്ത്രി അഡ്വ. എൻ. ഷംസുദ്ദീൻ ആൻ മരിയക്ക് ഉപഹാരം നൽകി ആദരിച്ചു. ജനപ്രതിനിധികൾ, പിടിഎ ഭാരവാഹികൾ, അധ്യാപകർ, വിദ്യാർത്ഥികൾ തുടങ്ങിയവർ ഈ ചടങ്ങിൽ പങ്കെടുത്തു. നേരത്തെ പരീക്ഷാ ഫലം വന്നയുടൻ തന്നെ അധ്യാപകരും പിടിഎ ഭാരവാഹികളും ആൻ മരിയയുടെ വീട്ടിലെത്തി അഭിനന്ദിച്ചിരുന്നു.

Ranjith

Local News Reporter മണ്ണാർക്കാട്, പാലക്കാട്, കേരളം•

1 hr ago

ട്യൂഷന്റെയോ മറ്റ് സഹായങ്ങളുടെയോ പിന്തുണയില്ലാതെ പ്ലസ് ടു പരീക്ഷയിൽ മുഴുവൻ മാർക്കും നേടി എടത്തനാട്ടുകര ഗവ. ഹയർ സെക്കൻഡറി സ്കൂളിലെ ബയോളജി സയൻസ് വിദ്യാർത്ഥിനി ആൻ മരിയ സാബു ശ്രദ്ധേയ നേട്ടം കൈവരിച്ചു. നേരത്തെ 1199 മാർക്ക് നേടിയിരുന്ന ആൻ മരിയക്ക്, പുനർമൂല്യനിർണയ ഫലം പുറത്തുവന്നതോടെയാണ് 1200-ൽ 1200 മാർക്കും ലഭിച്ചത്. എടത്തനാട്ടുകര അമ്പലപ്പാറ കൊക്കാട്ടു മുണ്ടക്കൽ വീട്ടിൽ കെ.എം. സാബു - ജൂലി ദമ്പതികളുടെ മകളായ ആൻ മരിയ കഠിനമായ പ്രതിസന്ധികളെ അതിജീവിച്ചാണ് ഈ നേട്ടം സ്വന്തമാക്കിയത്. അമ്പലപ്പാറ സെന്ററിൽ നിന്നും മൂന്ന് കിലോമീറ്റർ അകലെയുള്ള കൊടകശ്ശേരി എസ്റ്റേറ്റിലാണ് ആൻ മരിയയും കുടുംബവും താമസിക്കുന്നത്. ദിവസവും ഒരു പുഴയും കടന്ന് അങ്ങോട്ടുമിങ്ങോട്ടുമായി ആറ് കിലോമീറ്ററോളം ദൂരം നടന്നാണ് ആൻ മരിയ സ്കൂളിലെത്തുന്നത്. രാവിലെ ഏഴരയ്ക്ക് വീട്ടിൽ നിന്നിറങ്ങുന്ന ഈ മിടുക്കി വൈകുന്നേരം ആറുമണിയോടെയാണ് തിരികെയെത്തുന്നത്. സ്കൂളിൽ സംഘടിപ്പിച്ച വിജയോത്സവ ചടങ്ങിൽ പൊതുവിദ്യാഭ്യാസ വകുപ്പ് മന്ത്രി അഡ്വ. എൻ. ഷംസുദ്ദീൻ ആൻ മരിയക്ക് ഉപഹാരം നൽകി ആദരിച്ചു. ജനപ്രതിനിധികൾ, പിടിഎ ഭാരവാഹികൾ, അധ്യാപകർ, വിദ്യാർത്ഥികൾ തുടങ്ങിയവർ ഈ ചടങ്ങിൽ പങ്കെടുത്തു. നേരത്തെ പരീക്ഷാ ഫലം വന്നയുടൻ തന്നെ അധ്യാപകരും പിടിഎ ഭാരവാഹികളും ആൻ മരിയയുടെ വീട്ടിലെത്തി അഭിനന്ദിച്ചിരുന്നു.