ଭଦ୍ରକ-ଆନନ୍ଦପୁର ୫୩ ନମ୍ବର ରାଜ୍ୟ ରାଜପଥରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ରାଜପଥର ବନ୍ତ ଥାନା ଅଧୀନ ଚାଇଁପୁର ଛକ ନିକଟରେ ଏକ ବାଇକ୍ ଓ ଅଟୋ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ପ୍ରାୟ ୫ ଜଣ ଗୁରୁତର ଆହତ ହୋଇଥିବା ବେଳେ ଅନ୍ୟ ୨ ଜଣ ଆହତ ହୋଇଛନ୍ତି।

ଭଦ୍ରକ ଜିଲ୍ଲାର ଅର୍ଣ୍ଣପାଳ ପଞ୍ଚାୟତରେ ରାସନ ସାମଗ୍ରୀ ବଣ୍ଟନରେ ବ୍ୟାପକ ଅନିୟମିତତା ହୋଇଥିବା ନେଇ ସ୍ଥାନୀୟ ଲୋକେ ଅଭିଯୋଗ କରିଛନ୍ତି।

ତାମିଲ୍ ନ୍ୟାରେଟିଭ୍ ବିଜେଡିକୁ ବୁଡାଇଥିଲା ଏବଂ ଓଡିଆ ଅସ୍ମିତା ମଧ୍ୟ ଦଳକୁ କ୍ଷମତାରୁ ଦୂର କରିଥିଲା। ଏହି ପରିପ୍ରେକ୍ଷୀରେ, ବିଜେଡି ତାମିଲ୍ ନ୍ୟାରେଟିଭ୍କୁ ଆଉ ପ୍ରଶ୍ରୟ ନଦେବାକୁ ନିଷ୍ପତ୍ତି ନେଇ ଏକ ନୂଆ ଫଣ୍ଡା ପ୍ରସ୍ତୁତ କରିଛି। ଏହି ରଣନୀତି ଅନୁଯାୟୀ, 'ସୁଜାତା ପାଣ୍ଡିଆନ୍' ନୁହେଁ ବରଂ 'ସୁଜାତା ରାଉତ'ର ପରିଚୟ ଉପରେ ଗୁରୁତ୍ୱ ଦିଆଯାଉଛି। ବିଜେଡି ସୁପ୍ରିମୋ ସମ୍ପୂର୍ଣ୍ଣ ଓଡିଆ 'ଯୋସ' ସହିତ ଏକ ବଡ ବ୍ଲୁପ୍ରିଣ୍ଟ ପ୍ରସ୍ତୁତ କରିଛନ୍ତି, ଯାହା ତାମିଲ୍ ନ୍ୟାରେଟିଭ୍କୁ ପ୍ରଶ୍ରୟ ନଦେଇ କେବଳ ଓଡିଆର 'ଯୋସ' ଉପରେ ଆଧାରିତ।

ଆଜି ଧର୍ମଶାଳା ବ୍ଲକର ଦୁଇଟି ସ୍ଥାନରେ ନୂତନ ରାସ୍ତା ନିର୍ମାଣ ପାଇଁ ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ ଶିଳାନ୍ୟାସ କରିଛନ୍ତି। ଏହି ପ୍ରକଳ୍ପଗୁଡ଼ିକ ଦ୍ୱାରା ହଜାର ହଜାର ସ୍ଥାନୀୟ ଲୋକ ଯାତାୟାତରେ ସୁବିଧା ପାଇବେ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି। ଯାଜପୁର ୨ ଜାରକା ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଜଳସେଚନ ବିଭାଗ ନଦୀବନ୍ଧ ଠାରୁ କବାଟବନ୍ଧ ମେଡିକାଲ ପର୍ଯ୍ୟନ୍ତ ୩ କୋଟି ୨୨ ଲକ୍ଷ ଟଙ୍କା ବ୍ୟୟ ଅଟକଳରେ ହେବାକୁ ଥିବା ଏକ ନୂତନ ରାସ୍ତା ନିର୍ମାଣ ପାଇଁ ବିଧାୟକ ଶ୍ରୀ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଶିଳାନ୍ୟାସ କରିଥିଲେ। ସେହିପରି, ପାଟପୁର ପଞ୍ଚାୟତର ଗୁଣ୍ଡିଲୋ ଠାରୁ ଓଲମାଳିଆ ପର୍ଯ୍ୟନ୍ତ ୨ କୋଟି ୯୭ ଲକ୍ଷ ଟଙ୍କା ବ୍ୟୟ ଅଟକଳରେ ନିର୍ମାଣ ହେବାକୁ ଥିବା ଆଉ ଏକ ରାସ୍ତା ପାଇଁ ମଧ୍ୟ ବିଧାୟକ ଶ୍ରୀ ସାହୁ ଶିଳାନ୍ୟାସ କରିଛନ୍ତି। ଏହି ଶିଳାନ୍ୟାସ କାର୍ଯ୍ୟକ୍ରମରେ ଜାରକା ଗ୍ରାମ୍ୟ ଉନ୍ନୟନ ବିଭାଗର କାର୍ଯ୍ୟ ନିର୍ବାହୀ ଯନ୍ତ୍ରୀ ଓ କନିଷ୍ଠ ଯନ୍ତ୍ରୀ ଉପସ୍ଥିତ ଥିଲେ। ବିଧାୟକଙ୍କ ସହିତ ବ୍ଲକ ଅଧ୍ୟକ୍ଷା ସୁଚିସ୍ମିତା ଦାସ, ବିଜେପି ଜୋନ ସଭାପତି ଶିବୁଲି ଧିର, ଦେବଦତ ପଣ୍ଡା, ଜିତେନ୍ଦ୍ର ରାଉତ, ପ୍ରଭାରୀ ରାଜେଶ ପାଳ, ଅଭିଷେକ ରାଉତ, ସମିତି ସଭ୍ୟ ହଳଧର ପାଣିଗ୍ରାହୀ, କୁଳମଣି ପଣ୍ଡା, ଶରତ ଧଳ, ମିର୍ଜାପୁର ପଞ୍ଚାୟତ ସମିତି ସଭ୍ୟା ମିତା ବେହେରା, ବିଶ୍ୱଜିତ ପୃଷ୍ଟି, ଏଟିଏମ୍‌ଏର ଅଧ୍ୟକ୍ଷ ଉପେନ୍ଦ୍ର କର ପ୍ରମୁଖ ଅତିଥି ଭାବେ ଯୋଗଦେଇଥିଲେ। ଉଭୟ ସ୍ଥାନରେ ହଜାର ହଜାର ସଂଖ୍ୟାରେ ବିଜେପି ମହିଳା ଓ ପୁରୁଷ କର୍ମୀ ଉପସ୍ଥିତ ରହି ବିଧାୟକ ଶ୍ରୀ ସାହୁଙ୍କୁ ଏକ ଖୋଲା ଜିପରେ ବସାଇ ବାଜା ଓ ବାଣ ସହ ଶୋଭାଯାତ୍ରାରେ ଶିଳାନ୍ୟାସ ସ୍ଥଳକୁ ପାଛୋଟି ନେଇଥିଲେ।

ଓଡ଼ିଆ ଫିଲ୍ମ 'ଗୁରୁଜୀ ନମସ୍କାର'କୁ ନେଇ ଭୁବନେଶ୍ବରରୁ ଏକ ବିଶେଷ ବାର୍ତ୍ତା ଜାରି କରାଯାଇଛି। ଏହି ବାର୍ତ୍ତାରେ ଦର୍ଶକମାନଙ୍କୁ ସ୍ପଷ୍ଟ ଭାବରେ କୁହାଯାଇଛି ଯେ, ପ୍ରଥମେ ସିନେମାଟିକୁ ଦେଖନ୍ତୁ ଏବଂ ତାପରେ ହିଁ ଏହା କପି କି ନୁହେଁ ସେ ନେଇ ନିଜ ମତାମତ ଦିଅନ୍ତୁ।

କେନ୍ଦୁଝର ଜିଲ୍ଲାର ହରିଚନ୍ଦନପୁର ବ୍ଲକ ଅନ୍ତର୍ଗତ ହୁଣ୍ଡା ଗ୍ରାମର ବେହେରା ସାହିରେ ଥିବା ଅଙ୍ଗନବାଡ଼ି କେନ୍ଦ୍ରର ଏକ କରୁଣ କାହାଣୀ ସାମ୍ନାକୁ ଆସିଛି। ଏହି କେନ୍ଦ୍ରର ଅଙ୍ଗନବାଡ଼ି ଗୃହ ଅସୁରକ୍ଷିତ ଅବସ୍ଥାରେ ଥିବାରୁ, କୁନି କୁନି ଛୁଆମାନଙ୍କ ପାଇଁ ସେଠାରେ ପାଠ ପଢ଼ିବା ସୁରକ୍ଷିତ ନୁହେଁ।

ଭଦ୍ରକ ଜିଲ୍ଲାର ଅର୍ଣାପାଳ ପଞ୍ଚାୟତରେ ଯୋଗାଣ ସାମଗ୍ରୀ ବଣ୍ଟନରେ ଅନିୟମିତତାକୁ ନେଇ ଅଭିଯୋଗ ହୋଇଛି। ଏଥିରେ ଯୋଗ୍ୟ ହିତାଧିକାରୀମାନେ ଚାଉଳ ପାଉନଥିବା ନେଇ ସ୍ପଷ୍ଟ ଅଭିଯୋଗ କରାଯାଇଛି। ଏହି ସମସ୍ତ ଘଟଣା ଉପରେ ଭଦ୍ରକ ବିଡିଓ ନିଜର ମତ ପ୍ରକାଶ କରିଛନ୍ତି।

ଭଦ୍ରକ ବ୍ଲକର ଅର୍ଣ୍ଣପାଳ ପଞ୍ଚାୟତରେ ରାସନ ସାମଗ୍ରୀ ବଣ୍ଟନରେ ଅନିୟମିତତା ହୋଇଥିବା ନେଇ ଯେଉଁ ଅଭିଯୋଗ ହୋଇଥିଲା, ତାହାକୁ ସ୍ଥାନୀୟ SHG ଗ୍ରୁପର ସଭାପତି ଖଣ୍ଡନ କରିଛନ୍ତି।

ଓଡ଼ିଶା ରାଜନୀତିରେ ଦୀର୍ଘ ଦିନ ଧରି ଚାଲିଥିବା କଳ୍ପନା ଓ ଜଳ୍ପନାର ଅବସାନ ଘଟିଛି। ପୂର୍ବତନ IAS ଅଧିକାରୀ ସୁଜାତା କାର୍ତ୍ତିକେୟନ ଆନୁଷ୍ଠାନିକ ଭାବେ ବିଜୁ ଜନତା ଦଳ (ବିଜେଡି)ରେ ସାମିଲ ହୋଇଛନ୍ତି। ଶଙ୍ଖ ଭବନରେ ଆୟୋଜିତ ଏକ ଭବ୍ୟ କାର୍ଯ୍ୟକ୍ରମରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ସୁଜାତା ଦଳର ସଦସ୍ୟତା ଗ୍ରହଣ କରିଛନ୍ତି ଏବଂ ଏହି ଅବସରରେ ସେ ମନର କଥା କହିଥିଲେ।

ଯାଜପୁର ଜିଲ୍ଲାର କୋରେଇ ଥାନା ଅନ୍ତର୍ଗତ ପୂର୍ବକୋଟ ଅଞ୍ଚଳରେ ହୋଇଥିବା ଗୁଳିମାଡ଼ ଘଟଣାରେ କୋରେଇ ପୋଲିସ ଏକ ବଡ଼ ସଫଳତା ହାସଲ କରିଛି। ପୋଲିସ ଏହି ଘଟଣାରେ ସମ୍ପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତମାନଙ୍କ ନିକଟରୁ ଗୋଟିଏ ଅସଲି ବନ୍ଧୁକ, ଅନ୍ୟ ଏକ ନକଲି ବନ୍ଧୁକ, ଦୁଇଟି ବାଇକ ଏବଂ ମୋବାଇଲ ଫୋନ ଜବତ କରାଯାଇଛି। ଏହି ଘଟଣା ସମ୍ପର୍କରେ ସାମ୍ବାଦିକ ସମ୍ମିଳନୀରେ ସୂଚନା ଦେଇ ଆଡ଼ିସିନାଲ ଏସପି କହିଛନ୍ତି ଯେ, ଭବିଷ୍ୟତରେ ଏଭଳି ଘଟଣାକୁ ରୋକିବା ପାଇଁ ଯାଜପୁର ପୋଲିସ ସବୁ ପ୍ରକାର ପଦକ୍ଷେପ ନେବ।