मेहकर येथे शेतकऱ्यांच्या न्याय्य हक्कांसाठी आंदोलन केल्याप्रकरणी क्रांतिकारी शेतकरी संघटनेचे जिल्हाध्यक्ष डॉ. ज्ञानेश्वर टाले यांच्यासह एकूण २० कार्यकर्त्यांवर गुन्हे दाखल करण्यात आले आहेत. सत्ताधाऱ्यांच्या दबावाखाली ही कारवाई झाल्याचा आणि सरकारच्या दडपशाहीचा संघटनेने तीव्र निषेध केला आहे. शेतकरी नेते रविकांत तुपकर यांनी शेतकरी कर्जमाफी व इतर गंभीर प्रश्नांसाठी सुरू केलेल्या उपोषणाला पाठिंबा देण्यासाठी १६ जून रोजी संघटनेच्या कार्यकर्त्यांनी ‘भीक मागो’ आंदोलन आयोजित केले होते. कार्यकर्त्यांनी शहरातील विविध चौकांमधून जिल्हाधिकारी कार्यालयापर्यंत पायी रॅली काढून शासनाच्या धोरणांविरोधात निषेध नोंदवला. यानंतर, प्रतिबंधात्मक आदेशांचे उल्लंघन केल्याच्या आरोपावरून ही कारवाई करण्यात आली. क्रांतिकारी शेतकरी संघटनेच्या मते, हे आंदोलन पूर्णपणे शेतकऱ्यांच्या प्रश्नांसाठी आणि लोकशाही मार्गाने करण्यात आले होते. परंतु, आंदोलनामुळे सरकारची प्रतिमा मलिन झाली म्हणून सत्ताधाऱ्यांच्या दबावाखाली जाणीवपूर्वक कार्यकर्त्यांवर गुन्हे दाखल करण्यात आले आहेत. यावर प्रतिक्रिया देताना, क्रांतिकारी शेतकरी संघटना, जिल्हा बुलढाणाचे जिल्हाध्यक्ष डॉ. ज्ञानेश्वर टाले म्हणाले की, शेतकऱ्यांसाठी फासावर जायचे काम पडले तरी आपण तयार आहोत. हजारो गुन्हे अंगावर झाले तरी चालतील; पण शेतकरी कर्जमाफी घेतल्याशिवाय शांत बसणार नाही. शेतकऱ्यांवर झालेल्या अन्यायाविरोधात आवाज उठवणे आणि जाचक अटींच्या विरोधात न्याय मागणे गुन्हा असेल, तर तो गुन्हा मान्य असल्याचे त्यांनी स्पष्ट केले. डॉ. टाले यांनी पुढे सांगितले की, शेतकरी आर्थिक संकटात असताना त्यांच्या प्रश्नांवर तोडगा काढण्याऐवजी आंदोलन करणाऱ्यांवर गुन्हे दाखल करणे ही लोकशाहीसाठी चिंतेची बाब आहे. शेतकऱ्यांच्या प्रश्नांकडे दुर्लक्ष करून आवाज दाबण्याचा प्रयत्न केला जात असल्याचा आरोपही त्यांनी केला. संघटनेने स्पष्ट केले आहे की, अशा कारवायांमुळे आंदोलन मागे हटणार नाही, उलट शेतकऱ्यांच्या कर्जमाफीसह विविध मागण्यांसाठी संघर्ष अधिक तीव्र करण्यात येईल.

गजानन कडुजी राऊत

Graphic designer मेहकर, बुलढाणा, महाराष्ट्र•

3 hrs ago

मेहकर येथे शेतकऱ्यांच्या न्याय्य हक्कांसाठी आंदोलन केल्याप्रकरणी क्रांतिकारी शेतकरी संघटनेचे जिल्हाध्यक्ष डॉ. ज्ञानेश्वर टाले यांच्यासह एकूण २० कार्यकर्त्यांवर गुन्हे दाखल करण्यात आले आहेत. सत्ताधाऱ्यांच्या दबावाखाली ही कारवाई झाल्याचा आणि सरकारच्या दडपशाहीचा संघटनेने तीव्र निषेध केला आहे. शेतकरी नेते रविकांत तुपकर यांनी शेतकरी कर्जमाफी व इतर गंभीर प्रश्नांसाठी सुरू केलेल्या उपोषणाला पाठिंबा देण्यासाठी १६ जून रोजी संघटनेच्या कार्यकर्त्यांनी ‘भीक मागो’ आंदोलन आयोजित केले होते. कार्यकर्त्यांनी शहरातील विविध चौकांमधून जिल्हाधिकारी कार्यालयापर्यंत पायी रॅली काढून शासनाच्या धोरणांविरोधात निषेध नोंदवला. यानंतर, प्रतिबंधात्मक

आदेशांचे उल्लंघन केल्याच्या आरोपावरून ही कारवाई करण्यात आली. क्रांतिकारी शेतकरी संघटनेच्या मते, हे आंदोलन पूर्णपणे शेतकऱ्यांच्या प्रश्नांसाठी आणि लोकशाही मार्गाने करण्यात आले होते. परंतु, आंदोलनामुळे सरकारची प्रतिमा मलिन झाली म्हणून सत्ताधाऱ्यांच्या दबावाखाली जाणीवपूर्वक कार्यकर्त्यांवर गुन्हे दाखल करण्यात आले आहेत. यावर प्रतिक्रिया देताना, क्रांतिकारी शेतकरी संघटना, जिल्हा बुलढाणाचे जिल्हाध्यक्ष डॉ. ज्ञानेश्वर टाले म्हणाले की, शेतकऱ्यांसाठी फासावर जायचे काम पडले तरी आपण तयार आहोत. हजारो गुन्हे अंगावर झाले तरी चालतील; पण शेतकरी कर्जमाफी घेतल्याशिवाय शांत बसणार नाही. शेतकऱ्यांवर झालेल्या अन्यायाविरोधात

आवाज उठवणे आणि जाचक अटींच्या विरोधात न्याय मागणे गुन्हा असेल, तर तो गुन्हा मान्य असल्याचे त्यांनी स्पष्ट केले. डॉ. टाले यांनी पुढे सांगितले की, शेतकरी आर्थिक संकटात असताना त्यांच्या प्रश्नांवर तोडगा काढण्याऐवजी आंदोलन करणाऱ्यांवर गुन्हे दाखल करणे ही लोकशाहीसाठी चिंतेची बाब आहे. शेतकऱ्यांच्या प्रश्नांकडे दुर्लक्ष करून आवाज दाबण्याचा प्रयत्न केला जात असल्याचा आरोपही त्यांनी केला. संघटनेने स्पष्ट केले आहे की, अशा कारवायांमुळे आंदोलन मागे हटणार नाही, उलट शेतकऱ्यांच्या कर्जमाफीसह विविध मागण्यांसाठी संघर्ष अधिक तीव्र करण्यात येईल.