ગોધરા ખાતે 300 યુવક-યુવતીઓને ભરતી માટે અપાઈ રહી નિઃશુલ્ક તાલીમ એસપી ડૉ. હરેશ દુધાતના માર્ગદર્શન હેઠળ ડ્રીલ ઇન્સ્ટ્રક્ટર્સ દ્વારા સવાર-સાંજ ફિઝિકલ ટ્રેનિંગનો પ્રારંભ પંચમહાલ જિલ્લા પોલીસ તંત્ર દ્વારા જિલ્લાના યુવાનો પોલીસ ભરતીમાં સફળતા મેળવી શકે તે માટે એક પ્રશંસનીય પહેલ કરવામાં આવી છે. ગોધરા સ્થિત પોલીસ હેડક્વાર્ટર્સના પરેડ ગ્રાઉન્ડ ખાતે હાલ ચાલી રહેલી ગુજરાત પોલીસ દળ વર્ગ-3 (PSI અને લોકરક્ષક)ની ભરતીની તૈયારી કરતા ઉમેદવારો માટે વિશેષ શારીરિક તાલીમ વર્ગોનું આયોજન કરવામાં આવ્યું છે. પંચમહાલ પોલીસ અધિક્ષક ડૉ. હરેશભાઈ દુધાતની સૂચના અને માર્ગદર્શન હેઠળ શરૂ કરાયેલા આ તાલીમ સત્રમાં જિલ્લાભરમાંથી અંદાજે 300 જેટલા મહિલા અને પુરુષ ઉમેદવારો જોડાયા છે. ગત તારીખ 28મી ડિસેમ્બર 2025થી શરૂ થયેલી આ તાલીમમાં ઉમેદવારોને પોલીસ હેડક્વાર્ટર્સના નિષ્ણાત ADI દ્વારા માર્ગદર્શન આપવામાં આવી રહ્યું છે. આ તાલીમ અંગે વિગતો આપતા રિઝર્વ પોલીસ ઇન્સ્પેક્ટર એસ.એમ. નિસરતાએ જણાવ્યું હતું કે, ઉમેદવારોની શારીરિક કાર્યક્ષમતા અને તંદુરસ્તી વધારવા માટે દરરોજ બે સેશનમાં તાલીમ અપાય છે. જેમાં સવારે 6:00 થી 8:00 અને સાંજે 5:00 થી 7:00 વાગ્યા દરમિયાન ઉમેદવારોને દોડ, સ્ટ્રેચિંગ અને ફિઝિકલ ફિટનેસની વિવિધ કસરતો કરાવવામાં આવે છે. અત્રે ઉલ્લેખનીય છે કે, પોલીસ વિભાગના અનુભવી ઇન્સ્ટ્રક્ટર્સ દ્વારા ઉમેદવારોને માત્ર કસરત જ નહીં, પરંતુ શિસ્તબદ્ધ રીતે ગ્રાઉન્ડ પર કેવી રીતે પર્ફોર્મન્સ આપવું તેનું પણ સચોટ માર્ગદર્શન પૂરું પાડવામાં આવી રહ્યું છે, જેથી પંચમહાલના વધુને વધુ યુવાનો પોલીસ દળમાં જોડાઈ શકે.

Ashish Baria

Journalist ગોધરા, પંચમહાલ, ગુજરાત•

2 days ago

ગોધરા ખાતે 300 યુવક-યુવતીઓને ભરતી માટે અપાઈ રહી નિઃશુલ્ક તાલીમ એસપી ડૉ. હરેશ દુધાતના માર્ગદર્શન હેઠળ ડ્રીલ ઇન્સ્ટ્રક્ટર્સ દ્વારા સવાર-સાંજ ફિઝિકલ ટ્રેનિંગનો પ્રારંભ પંચમહાલ જિલ્લા પોલીસ તંત્ર દ્વારા જિલ્લાના યુવાનો પોલીસ ભરતીમાં સફળતા મેળવી શકે તે માટે એક પ્રશંસનીય પહેલ કરવામાં આવી છે. ગોધરા સ્થિત પોલીસ હેડક્વાર્ટર્સના પરેડ ગ્રાઉન્ડ ખાતે હાલ ચાલી રહેલી ગુજરાત પોલીસ દળ વર્ગ-3 (PSI અને લોકરક્ષક)ની ભરતીની તૈયારી કરતા ઉમેદવારો માટે વિશેષ શારીરિક તાલીમ વર્ગોનું આયોજન કરવામાં આવ્યું છે. પંચમહાલ પોલીસ અધિક્ષક ડૉ. હરેશભાઈ દુધાતની સૂચના અને માર્ગદર્શન હેઠળ શરૂ કરાયેલા આ તાલીમ સત્રમાં જિલ્લાભરમાંથી અંદાજે 300 જેટલા મહિલા અને પુરુષ ઉમેદવારો જોડાયા છે. ગત તારીખ 28મી ડિસેમ્બર 2025થી શરૂ થયેલી

આ તાલીમમાં ઉમેદવારોને પોલીસ હેડક્વાર્ટર્સના નિષ્ણાત ADI દ્વારા માર્ગદર્શન આપવામાં આવી રહ્યું છે. આ તાલીમ અંગે વિગતો આપતા રિઝર્વ પોલીસ ઇન્સ્પેક્ટર એસ.એમ. નિસરતાએ જણાવ્યું હતું કે, ઉમેદવારોની શારીરિક કાર્યક્ષમતા અને તંદુરસ્તી વધારવા માટે દરરોજ બે સેશનમાં તાલીમ અપાય છે. જેમાં સવારે 6:00 થી 8:00 અને સાંજે 5:00 થી 7:00 વાગ્યા દરમિયાન ઉમેદવારોને દોડ, સ્ટ્રેચિંગ અને ફિઝિકલ ફિટનેસની વિવિધ કસરતો કરાવવામાં આવે છે. અત્રે ઉલ્લેખનીય છે કે, પોલીસ વિભાગના અનુભવી ઇન્સ્ટ્રક્ટર્સ દ્વારા ઉમેદવારોને માત્ર કસરત જ નહીં, પરંતુ શિસ્તબદ્ધ રીતે ગ્રાઉન્ડ પર કેવી રીતે પર્ફોર્મન્સ આપવું તેનું પણ સચોટ માર્ગદર્શન પૂરું પાડવામાં આવી રહ્યું છે, જેથી પંચમહાલના વધુને વધુ યુવાનો પોલીસ દળમાં જોડાઈ શકે.