ప్రజలకు మెరుగైన వైద్య సేవలు అందించడంతో పాటు అవసరమైన మందులు అందుబాటులో ఉంచుకోవాలి : జిల్లా కలెక్టర్ రాజ కుమారి గణియా ప్రజలకు మెరుగైన వైద్య సేవలు అందించడంతో పాటు అవసరమైన మందులు అందుబాటులో ఉంచుకోవాలనీ జిల్లా కలెక్టర్ రాజ కుమారి గణియా ఆదేశించారు. గురువారం క్షేత్రస్థాయి సందర్శనలో భాగంగా గోస్పాడు మండలం, దీబగుంట్ల గ్రామం ప్రాథమిక ఆరోగ్య కేంద్రంను ఆకస్మికంగా తనిఖీ చేసి ఆరోగ్య కేంద్రం పనితీరు, అందుతున్న వైద్య సేవలు, మౌలిక వసతులను సమగ్రంగా పరిశీలించారు. ఈ సందర్భంగా వైద్య సిబ్బందితో సమీక్ష నిర్వహించి, ప్రజలకు మెరుగైన వైద్య సేవలు అందించేందుకు తీసుకుంటున్న చర్యలపై వివరాలు అడిగి తెలుసుకున్నారు. ప్రాథమిక ఆరోగ్య కేంద్రం పరిధిలో అమలవుతున్న వివిధ జాతీయ, రాష్ట్ర ఆరోగ్య కార్యక్రమాల పురోగతిని వైద్యాధికారులను అడిగి తెలుసుకున్నారు. ఆరోగ్య శాఖ నిర్దేశించిన 21 కీలక పనితీరు సూచికల (21 Indicators) ఆధారంగా మెరుగైన ర్యాంకింగ్ సాధించేలా సిబ్బందితో సమన్వయం చేసుకొని పనిచేయాలని సూచించారు. KPI కు సంబంధించి ANM లకు అవసరమైన శిక్షణ అందించి, క్షేత్రస్థాయిలో ఆరోగ్య సేవలను మరింత వేగవంతంగా, సమర్థవంతంగా అందించాలని వైద్య అధికారులను ఆదేశించారు. ప్రస్తుతం ఉన్న పాత ప్రాథమిక ఆరోగ్య కేంద్రం భవనంలో వసతులను జిల్లా కలెక్టర్ పరిశీలించారు. నూతన ప్రాథమిక ఆరోగ్య కేంద్రం నిర్మాణ పనులు కొనసాగుతున్న నేపథ్యంలో, కొత్త భవనం పూర్తయ్యే వరకు రోగులకు వైద్య సిబ్బంది ఎలాంటి ఇబ్బందులు లేకుండా తాత్కాలికంగా స్థానిక సచివాలయ భవనంలోకి ప్రాథమిక ఆరోగ్య కేంద్రంను మార్చేందుకు చర్యలు తీసుకోవాలని తెలిపారు. ప్రస్తుతం ప్రాథమిక చికిత్స కోసం ఒక బెడ్ అందుబాటులో ఉందని, పగటిపూట వచ్చే రోగులకు అవసరమైన చికిత్సతో పాటు అత్యవసర మందులు అందించి వైద్యుల పర్యవేక్షణలో సేవలు అందిస్తున్నట్లు తెలిపారు. నూతన భవనం పూర్తయిన అనంతరం 6 పడకల సదుపాయం అందుబాటులోకి రానుందని వెల్లడించారు. రోగులకు అవసరమైన అన్ని రకాల మందులు అందుబాటులో ఉన్నాయనీ వైద్య అధికారులు తెలిపారు. మందుల నిల్వ కోసం ప్రత్యేక గదిని కేటాయించినట్లు తెలిపారు. ప్రస్తుతం భవన వసతుల పరిమితుల కారణంగా ప్రసవ సేవలు మినహా మిగిలిన వైద్య సేవలను నిరంతరాయంగా అందిస్తున్నట్లు తెలిపారు. ప్రజలకు నాణ్యమైన వైద్య సేవలు అందేలా సిబ్బంది అంకితభావంతో పనిచేయాలని జిల్లా కలెక్టర్ తెలిపారు. ఈ కార్యక్రమంలో మెడికల్ ఆఫీసర్ డాక్టర్ గోవర్ధన్ రెడ్డితో పాటు PHC సిబ్బంది, ANMలు మరియు ఇతర వైద్య సిబ్బంది పాల్గొన్నారు.

Naga kanth

బండి ఆత్మకూరు, నంద్యాల, ఆంధ్రప్రదేశ్•

2 hrs ago

ప్రజలకు మెరుగైన వైద్య సేవలు అందించడంతో పాటు అవసరమైన మందులు అందుబాటులో ఉంచుకోవాలి : జిల్లా కలెక్టర్ రాజ కుమారి గణియా ప్రజలకు మెరుగైన వైద్య సేవలు అందించడంతో పాటు అవసరమైన మందులు అందుబాటులో ఉంచుకోవాలనీ జిల్లా కలెక్టర్ రాజ కుమారి గణియా ఆదేశించారు. గురువారం క్షేత్రస్థాయి సందర్శనలో భాగంగా గోస్పాడు మండలం, దీబగుంట్ల గ్రామం ప్రాథమిక ఆరోగ్య కేంద్రంను ఆకస్మికంగా తనిఖీ చేసి ఆరోగ్య కేంద్రం పనితీరు, అందుతున్న వైద్య సేవలు, మౌలిక వసతులను సమగ్రంగా పరిశీలించారు. ఈ సందర్భంగా వైద్య సిబ్బందితో సమీక్ష నిర్వహించి, ప్రజలకు మెరుగైన వైద్య సేవలు అందించేందుకు తీసుకుంటున్న చర్యలపై వివరాలు అడిగి తెలుసుకున్నారు. ప్రాథమిక ఆరోగ్య కేంద్రం పరిధిలో అమలవుతున్న వివిధ జాతీయ, రాష్ట్ర ఆరోగ్య కార్యక్రమాల పురోగతిని వైద్యాధికారులను అడిగి తెలుసుకున్నారు. ఆరోగ్య శాఖ నిర్దేశించిన 21 కీలక పనితీరు సూచికల (21 Indicators) ఆధారంగా మెరుగైన ర్యాంకింగ్ సాధించేలా సిబ్బందితో సమన్వయం చేసుకొని పనిచేయాలని సూచించారు. KPI కు సంబంధించి ANM లకు అవసరమైన శిక్షణ అందించి, క్షేత్రస్థాయిలో ఆరోగ్య సేవలను మరింత వేగవంతంగా, సమర్థవంతంగా అందించాలని వైద్య అధికారులను ఆదేశించారు. ప్రస్తుతం ఉన్న పాత ప్రాథమిక ఆరోగ్య కేంద్రం భవనంలో వసతులను జిల్లా కలెక్టర్ పరిశీలించారు. నూతన ప్రాథమిక ఆరోగ్య కేంద్రం నిర్మాణ పనులు కొనసాగుతున్న నేపథ్యంలో, కొత్త భవనం పూర్తయ్యే వరకు రోగులకు వైద్య సిబ్బంది ఎలాంటి ఇబ్బందులు లేకుండా తాత్కాలికంగా స్థానిక సచివాలయ భవనంలోకి ప్రాథమిక ఆరోగ్య కేంద్రంను మార్చేందుకు చర్యలు తీసుకోవాలని తెలిపారు. ప్రస్తుతం ప్రాథమిక చికిత్స కోసం ఒక బెడ్ అందుబాటులో ఉందని, పగటిపూట వచ్చే రోగులకు అవసరమైన చికిత్సతో పాటు అత్యవసర మందులు అందించి వైద్యుల పర్యవేక్షణలో సేవలు అందిస్తున్నట్లు తెలిపారు. నూతన భవనం పూర్తయిన అనంతరం 6 పడకల సదుపాయం అందుబాటులోకి రానుందని వెల్లడించారు. రోగులకు అవసరమైన అన్ని రకాల మందులు అందుబాటులో ఉన్నాయనీ వైద్య అధికారులు తెలిపారు. మందుల నిల్వ కోసం ప్రత్యేక గదిని కేటాయించినట్లు తెలిపారు. ప్రస్తుతం భవన వసతుల పరిమితుల కారణంగా ప్రసవ సేవలు మినహా మిగిలిన వైద్య సేవలను నిరంతరాయంగా అందిస్తున్నట్లు తెలిపారు. ప్రజలకు నాణ్యమైన వైద్య సేవలు అందేలా సిబ్బంది అంకితభావంతో పనిచేయాలని జిల్లా కలెక్టర్ తెలిపారు. ఈ కార్యక్రమంలో మెడికల్ ఆఫీసర్ డాక్టర్ గోవర్ధన్ రెడ్డితో పాటు PHC సిబ్బంది, ANMలు మరియు ఇతర వైద్య సిబ్బంది పాల్గొన్నారు.