जागतिक योग दिनानिमित्त नाशिक डिस्ट्रिक्ट ट्रान्सपोर्ट असोसिएशन आणि नमोयोगा फाउंडेशन यांनी संयुक्त विद्यमाने नाशिकमधील आडगाव ट्रक टर्मिनल येथे चालक बांधवांसाठी एका विशेष योग शिबिराचे आयोजन केले. 'निरोगी चालक, सुरक्षित रस्ता, समृद्ध भारत' हा महत्त्वपूर्ण संदेश देत या शिबिराची उत्साहात सुरुवात झाली. या प्रसंगी योगशिक्षिका प्रतिमा फड-बोडके यांनी चालकांना विविध योगासने, प्राणायाम आणि ध्यानाचे प्रात्यक्षिकासह मार्गदर्शन केले. योगशिक्षक राजेंद्र फड यांनी चालकांच्या दैनंदिन जीवनातील योगाचे महत्त्व स्पष्ट केले. सततचा प्रवास, अपुरी झोप आणि मानसिक ताणतणाव सहन करणाऱ्या चालकांसाठी योग अत्यंत आवश्यक असल्याचे त्यांनी सांगितले. यामुळे चालकांची एकाग्रता वाढून रस्ते अपघात कमी होण्यास मदत होईल, असेही त्यांनी नमूद केले. या उपक्रमाला चालकांचा उत्स्फूर्त प्रतिसाद मिळाला. शिबिरासाठी असोसिएशनचे अध्यक्ष पी.एम. सैनी, चेअरमन राजेंद्र फड आणि सचिव बजरंग शर्मा यांच्यासह इतर पदाधिकारी उपस्थित होते. चालकांच्या आरोग्याबाबत सकारात्मक जागरूकता निर्माण करणाऱ्या या उपक्रमाचे सर्व स्तरातून कौतुक केले जात आहे.

Sachin Dilip Wakhare

Reporter येवला, नाशिक, महाराष्ट्र•

1 hr ago

जागतिक योग दिनानिमित्त नाशिक डिस्ट्रिक्ट ट्रान्सपोर्ट असोसिएशन आणि नमोयोगा फाउंडेशन यांनी संयुक्त विद्यमाने नाशिकमधील आडगाव ट्रक टर्मिनल येथे चालक बांधवांसाठी एका विशेष योग शिबिराचे आयोजन केले. 'निरोगी चालक, सुरक्षित रस्ता, समृद्ध भारत' हा महत्त्वपूर्ण संदेश देत या शिबिराची उत्साहात सुरुवात झाली. या प्रसंगी योगशिक्षिका प्रतिमा

फड-बोडके यांनी चालकांना विविध योगासने, प्राणायाम आणि ध्यानाचे प्रात्यक्षिकासह मार्गदर्शन केले. योगशिक्षक राजेंद्र फड यांनी चालकांच्या दैनंदिन जीवनातील योगाचे महत्त्व स्पष्ट केले. सततचा प्रवास, अपुरी झोप आणि मानसिक ताणतणाव सहन करणाऱ्या चालकांसाठी योग अत्यंत आवश्यक असल्याचे त्यांनी सांगितले. यामुळे चालकांची एकाग्रता वाढून रस्ते अपघात

कमी होण्यास मदत होईल, असेही त्यांनी नमूद केले. या उपक्रमाला चालकांचा उत्स्फूर्त प्रतिसाद मिळाला. शिबिरासाठी असोसिएशनचे अध्यक्ष पी.एम. सैनी, चेअरमन राजेंद्र फड आणि सचिव बजरंग शर्मा यांच्यासह इतर पदाधिकारी उपस्थित होते. चालकांच्या आरोग्याबाबत सकारात्मक जागरूकता निर्माण करणाऱ्या या उपक्रमाचे सर्व स्तरातून कौतुक केले जात आहे.