सांगली जिल्ह्याच्या तासगाव तालुक्यात वनविभागाच्या वतीने मंजूर झालेल्या कोट्यवधींच्या कामांमध्ये मोठ्या गैरव्यवहाराचा प्रकार समोर आला आहे. तालुक्यात वनविभागाकडून सुमारे ६० लाख रुपयांच्या १४ कामांसाठी निधीचे वाटप करण्यात आले होते. यात प्रामुख्याने आरवडे, जरंडी, वडगाव आणि डोंगरसोनी या गावांमध्ये बंधारे बांधणे, वृक्षलागवडीसाठी खड्डे खोदणे, रोपवाटिका दुरुस्ती करणे अशा कामांचा समावेश आहे. या कामांमध्ये 'वर्क ऑर्डर' परस्पर मॅनेज केल्या गेल्याचा आरोप आहे. अनेक ठिकाणी ज्या मजूर संस्थेच्या नावे काम मंजूर झाले होते, त्यांनी ते केलेलेच नाही, तर काही संस्थांना तर या कामांबाबत पूर्णपणे माहितीच नाही. केवळ ५ ते १० टक्के रक्कम देऊन संबंधित मजूर संस्थांची बोळवण करण्यात आल्याची जोरदार चर्चा आहे. ग्रामस्थांनी आरोप केला आहे की, वनविभागाचे अधिकारी आणि काही कंत्राटदारांनी संगनमताने हा गैरव्यवहार केला आहे. या सर्व १४ कामांची उच्चस्तरीय चौकशी करून दोषींवर कठोर कारवाई करण्याची मागणी आता जोर धरू लागली आहे. या संदर्भात सांगली येथील वनविभागाच्या अधिकाऱ्यांशी संपर्क साधण्याचा प्रयत्न करण्यात आला, मात्र तो होऊ शकला नाही.

EXPRESS NEWS

Press advisory Miraj, Sangli•

1 hr ago

सांगली जिल्ह्याच्या तासगाव तालुक्यात वनविभागाच्या वतीने मंजूर झालेल्या कोट्यवधींच्या कामांमध्ये मोठ्या गैरव्यवहाराचा प्रकार समोर आला आहे. तालुक्यात वनविभागाकडून सुमारे ६० लाख रुपयांच्या १४ कामांसाठी निधीचे वाटप करण्यात आले होते. यात प्रामुख्याने आरवडे, जरंडी, वडगाव आणि डोंगरसोनी या गावांमध्ये बंधारे बांधणे, वृक्षलागवडीसाठी खड्डे खोदणे, रोपवाटिका दुरुस्ती करणे अशा कामांचा समावेश आहे. या कामांमध्ये 'वर्क ऑर्डर' परस्पर मॅनेज केल्या गेल्याचा आरोप आहे. अनेक ठिकाणी ज्या मजूर संस्थेच्या नावे काम मंजूर झाले होते, त्यांनी ते केलेलेच नाही, तर काही संस्थांना तर या कामांबाबत पूर्णपणे माहितीच नाही. केवळ ५ ते १० टक्के रक्कम देऊन संबंधित मजूर संस्थांची बोळवण करण्यात आल्याची जोरदार चर्चा आहे. ग्रामस्थांनी आरोप केला आहे की, वनविभागाचे अधिकारी आणि काही कंत्राटदारांनी संगनमताने हा गैरव्यवहार केला आहे. या सर्व १४ कामांची उच्चस्तरीय चौकशी करून दोषींवर कठोर कारवाई करण्याची मागणी आता जोर धरू लागली आहे. या संदर्भात सांगली येथील वनविभागाच्या अधिकाऱ्यांशी संपर्क साधण्याचा प्रयत्न करण्यात आला, मात्र तो होऊ शकला नाही.