जिल्ह्यातील कुख्यात टोळीवर हद्दपारीची कडक कारवाई – कायदा व सुव्यवस्था राखण्यासाठी पोलीस प्रशासनाचा कठोर निर्णय. लातूर (एल पी उगिले) जिल्ह्यातील नागरिकांचे जीवन, मालमत्ता व सार्वजनिक सुव्यवस्था अबाधित राखण्यासाठी पोलीस प्रशासन सदैव कटिबद्ध असून, समाजात दहशत निर्माण करणाऱ्या व सतत गंभीर स्वरूपाचे गुन्हे करणाऱ्या गुन्हेगारी टोळ्यांविरुद्ध कठोर कारवाई करण्यात येत आहे. त्याच अनुषंगाने महाराष्ट्र पोलीस कायदा, १९५१ च्या कलम ५५ अंतर्गत लातूर येथील एका कुख्यात टोळीविरुद्ध हद्दपारीचा आदेश पोलीस अधीक्षक, लातूर अमोल तांबे यांनी निर्गमित केला आहे. हद्दपार करण्यात आलेले इसम पुढीलप्रमाणे आहेत ईश्वर गजेंद्र कांबळे,( वय २३ वर्षे, रा. जय नगर, लातूर),विकास उर्फ विक्की गजेंद्र कांबळे, (वय २५ वर्षे, रा. जय नगर, लातूर), प्रफुल श्रीमंत गायकवाड, (वय २९ वर्षे, रा. सिद्धार्थ सोसायटी, लातूर).या तिन्ही इसमांविरुद्ध पोलीस स्टेशन विवेकानंद चौक, लातूर येथे जबरी चोरी, दरोडा, शस्त्राचा धाक दाखवून लूटमार, धमकी देणे, टोळी बनवून गंभीर स्वरूपाचे गुन्हे करणे अशा स्वरूपाचे अनेक गुन्हे दाखल आहेत. त्यांचा गुन्हेगारी अभिलेख पाहता ते सातत्याने संघटित पद्धतीने गुन्हे करीत असून, त्यांच्या कृत्यांमुळे परिसरातील नागरिकांमध्ये भीती, दहशत व असुरक्षिततेचे वातावरण निर्माण झालेले आहे. या टोळीविरुद्ध यापूर्वी वेळोवेळी प्रतिबंधक कारवाई (कलम १०७ सीआरपीसी, १२९ बीएनएसएस इ.) करण्यात आली होती. मात्र, या सर्व कारवायांनंतरही त्यांच्या वर्तनात कोणतीही सुधारणा झालेली दिसून आली नाही. उलट त्यांच्या गुन्हेगारी कृत्यांमध्ये सातत्य व तीव्रता वाढलेली आढळून आली. त्यामुळे हे स्पष्ट झाले की, सामान्य कायदेशीर कारवाया त्यांच्या गुन्हेगारी प्रवृत्तीवर आळा घालण्यास अपुऱ्या ठरत आहेत. या टोळीविरुद्ध कोणीही उघडपणे तक्रार देण्यास धजावत नाही. कारण टोळीतील सदस्य तक्रारदारांना शारीरिक इजा, धमकी व मानसिक त्रास देतात. त्यामुळे नागरिक दहशतीखाली जीवन जगत असून, सार्वजनिक शांतता व सुव्यवस्था धोक्यात आलेली होती. त्यांनी कायद्याचा अवमान केल्याचे व त्यांना कायद्याची भीती नसल्याचे स्पष्ट होत होते. त्या अनुषंगाने पोलीस अधीक्षक अमोल तांबे यांचे आदेशान्वये विवेकानंद पोलीस ठाण्याचे पोलीस निरीक्षक संतोष पाटील व त्यांच्या टीम मधील पोलीस अंमलदार खुर्रम काझी, गणेश यादव, रवी गोंदकर, रणवीर देशमुख, सचिन राठोड, यशपाल कांबळे, धैर्यशील मुळे यांनी नमूद आरोपी विरुद्ध हद्दपारचा सविस्तर प्रस्ताव तयार करून तो पोलीस अधीक्षक लातूर यांच्याकडे पाठवण्यात आला होता. प्रस्तावामधील  सर्व बाबींचा विचार करता, पोलीस अधीक्षक, लातूर यांनी  सदर टोळी व तिच्या सदस्यांकडून भविष्यात गंभीर स्वरूपाचे गुन्हे घडण्याची दाट शक्यता आहे. आगामी सण, उत्सव, निवडणुका व सार्वजनिक कार्यक्रमांच्या पार्श्वभूमीवर कायदा व सुव्यवस्था अबाधित राखण्यासाठी त्यांना जिल्ह्याबाहेर हद्दपार करणे अत्यावश्यक असल्याने महाराष्ट्र पोलीस कायदा, १९५१ चे कलम ५५ अंतर्गत सदर तिन्ही इसमांना लातूर जिल्हा,नांदेड जिल्ह्यातील लोहा, मुखेड, देगलूर तालुके, धाराशिव जिल्ह्यातील तुळजापूर, धाराशिव, उमरगा, कळंब तालुके, परभणी जिल्ह्यातील गंगाखेड तालुका या सर्व हद्दीतून दोन वर्षांच्या कालावधीसाठी हद्दपार करण्यात आले आहे. तसेच पोलीस अधीक्षक, लातूर यांच्या पूर्वपरवानगी शिवाय हद्दपार क्षेत्रात प्रवेश करता येणार नाही. हद्दपारीच्या कालावधीत त्यांनी आपला निवासाचा पत्ता नजीकच्या पोलीस ठाण्यास कळविणे, दर महिन्याच्या दुसऱ्या सोमवारी हजेरी देणे, तसेच न्यायालयीन कामासाठी येताना पूर्वपरवानगी घेणे आवश्यक  करण्यात आले आहे. समाजातील सामान्य नागरिकांना सुरक्षिततेची भावना देण्यासाठी, कायद्याची अंमलबजावणी प्रभावी करण्यासाठी आणि गुन्हेगारी प्रवृत्तीला आळा गुन्हेगारी कृत्ये, दहशत, धमकी, लूटमार व संघटित गुन्हेगारी यांना कोणत्याही परिस्थितीत थारा दिला जाणार नाही. लातूर पोलीस नागरिकांच्या सुरक्षिततेसाठी सदैव सज्ज असून, समाजविघातक प्रवृत्तीविरुद्ध अशाच प्रकारची कठोर आणि प्रभावी कारवाई भविष्यातही सुरू राहील.

Laxman Ugile

Journalist Udgir, Latur•

2 hrs ago

जिल्ह्यातील कुख्यात टोळीवर हद्दपारीची कडक कारवाई – कायदा व सुव्यवस्था राखण्यासाठी पोलीस प्रशासनाचा कठोर निर्णय. लातूर (एल पी उगिले) जिल्ह्यातील नागरिकांचे जीवन, मालमत्ता व सार्वजनिक सुव्यवस्था अबाधित राखण्यासाठी पोलीस प्रशासन सदैव कटिबद्ध असून, समाजात दहशत निर्माण करणाऱ्या व सतत गंभीर स्वरूपाचे गुन्हे करणाऱ्या गुन्हेगारी टोळ्यांविरुद्ध कठोर कारवाई करण्यात येत आहे. त्याच अनुषंगाने महाराष्ट्र पोलीस कायदा, १९५१ च्या कलम ५५ अंतर्गत लातूर येथील एका कुख्यात टोळीविरुद्ध हद्दपारीचा आदेश पोलीस अधीक्षक, लातूर अमोल तांबे यांनी निर्गमित केला आहे. हद्दपार करण्यात आलेले इसम पुढीलप्रमाणे आहेत ईश्वर गजेंद्र कांबळे,( वय २३ वर्षे, रा. जय नगर, लातूर),विकास उर्फ विक्की गजेंद्र कांबळे, (वय २५ वर्षे, रा. जय नगर, लातूर), प्रफुल श्रीमंत गायकवाड, (वय २९ वर्षे, रा. सिद्धार्थ सोसायटी, लातूर).या तिन्ही इसमांविरुद्ध पोलीस स्टेशन विवेकानंद चौक, लातूर येथे जबरी चोरी, दरोडा, शस्त्राचा धाक दाखवून लूटमार, धमकी देणे, टोळी बनवून गंभीर स्वरूपाचे गुन्हे करणे अशा स्वरूपाचे अनेक गुन्हे दाखल आहेत. त्यांचा गुन्हेगारी अभिलेख पाहता ते सातत्याने संघटित पद्धतीने गुन्हे करीत असून, त्यांच्या कृत्यांमुळे परिसरातील नागरिकांमध्ये भीती, दहशत व असुरक्षिततेचे वातावरण निर्माण झालेले आहे. या टोळीविरुद्ध यापूर्वी वेळोवेळी प्रतिबंधक कारवाई (कलम १०७ सीआरपीसी, १२९ बीएनएसएस इ.) करण्यात आली होती. मात्र, या सर्व कारवायांनंतरही त्यांच्या वर्तनात कोणतीही सुधारणा झालेली दिसून आली नाही. उलट त्यांच्या गुन्हेगारी कृत्यांमध्ये सातत्य व तीव्रता वाढलेली आढळून आली. त्यामुळे हे स्पष्ट झाले की, सामान्य कायदेशीर कारवाया त्यांच्या गुन्हेगारी प्रवृत्तीवर आळा घालण्यास अपुऱ्या ठरत आहेत. या टोळीविरुद्ध कोणीही उघडपणे तक्रार देण्यास धजावत नाही. कारण टोळीतील सदस्य तक्रारदारांना शारीरिक इजा, धमकी व मानसिक त्रास देतात. त्यामुळे नागरिक दहशतीखाली जीवन जगत असून, सार्वजनिक शांतता व सुव्यवस्था धोक्यात आलेली होती. त्यांनी कायद्याचा अवमान केल्याचे व त्यांना कायद्याची भीती नसल्याचे स्पष्ट होत होते. त्या अनुषंगाने पोलीस अधीक्षक अमोल तांबे यांचे आदेशान्वये विवेकानंद पोलीस ठाण्याचे पोलीस निरीक्षक संतोष पाटील व त्यांच्या टीम मधील पोलीस अंमलदार खुर्रम काझी, गणेश यादव, रवी गोंदकर, रणवीर देशमुख, सचिन राठोड, यशपाल कांबळे, धैर्यशील मुळे यांनी नमूद आरोपी विरुद्ध हद्दपारचा सविस्तर प्रस्ताव तयार करून तो पोलीस अधीक्षक लातूर यांच्याकडे पाठवण्यात आला होता. प्रस्तावामधील  सर्व बाबींचा विचार करता, पोलीस अधीक्षक, लातूर यांनी  सदर टोळी व तिच्या सदस्यांकडून भविष्यात गंभीर स्वरूपाचे गुन्हे घडण्याची दाट शक्यता आहे. आगामी सण, उत्सव, निवडणुका व सार्वजनिक कार्यक्रमांच्या पार्श्वभूमीवर कायदा व सुव्यवस्था अबाधित राखण्यासाठी त्यांना जिल्ह्याबाहेर हद्दपार करणे अत्यावश्यक असल्याने महाराष्ट्र पोलीस कायदा, १९५१ चे कलम ५५ अंतर्गत सदर तिन्ही इसमांना लातूर जिल्हा,नांदेड जिल्ह्यातील लोहा, मुखेड, देगलूर तालुके, धाराशिव जिल्ह्यातील तुळजापूर, धाराशिव, उमरगा, कळंब तालुके, परभणी जिल्ह्यातील गंगाखेड तालुका या सर्व हद्दीतून दोन वर्षांच्या कालावधीसाठी हद्दपार करण्यात आले आहे. तसेच पोलीस अधीक्षक, लातूर यांच्या पूर्वपरवानगी शिवाय हद्दपार क्षेत्रात प्रवेश करता येणार नाही. हद्दपारीच्या कालावधीत त्यांनी आपला निवासाचा पत्ता नजीकच्या पोलीस ठाण्यास कळविणे, दर महिन्याच्या दुसऱ्या सोमवारी हजेरी देणे, तसेच न्यायालयीन कामासाठी येताना पूर्वपरवानगी घेणे आवश्यक  करण्यात आले आहे. समाजातील सामान्य नागरिकांना सुरक्षिततेची भावना देण्यासाठी, कायद्याची अंमलबजावणी प्रभावी करण्यासाठी आणि गुन्हेगारी प्रवृत्तीला आळा गुन्हेगारी कृत्ये, दहशत, धमकी, लूटमार व संघटित गुन्हेगारी यांना कोणत्याही परिस्थितीत थारा दिला जाणार नाही. लातूर पोलीस नागरिकांच्या सुरक्षिततेसाठी सदैव सज्ज असून, समाजविघातक प्रवृत्तीविरुद्ध अशाच प्रकारची कठोर आणि प्रभावी कारवाई भविष्यातही सुरू राहील.