రోడ్డు భద్రత మరియు సామాజిక అవగాహనపై ఎస్.ఐ వినోద్ పిలుపు ​అడ్డతీగల: మండలంలోని కొత్తపాలెం గ్రామంలో ఆదివారం ఎస్.ఐ వినోద్ గారి ఆధ్వర్యంలో గ్రామస్తులతో అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ వాహనదారులు ప్రయాణాల్లో తప్పనిసరిగా హెల్మెట్ ధరించాలని, హైవేలపై ప్రయాణించేటప్పుడు తగిన జాగ్రత్తలు పాటించాలని సూచించారు. ప్రతి ఒక్కరూ డ్రైవింగ్ లైసెన్స్ మరియు బైక్ ఇన్సూరెన్స్ కలిగి ఉండాలని స్పష్టం చేశారు. సామాజిక అంశాలపై చర్చిస్తూ.. మహిళల భద్రత పట్ల అప్రమత్తంగా ఉండాలని, ఆడపిల్లలపై ఎటువంటి అకృత్యాలు జరగకుండా ప్రతి ఒక్కరూ బాధ్యతగా వ్యవహరించాలని కోరారు. ​నేటి కాలంలో పెరుగుతున్న ఆత్మహత్యల నివారణకు తల్లిదండ్రులు తమ పిల్లల ప్రవర్తనపై నిరంతరం నిఘా ఉంచి, వారిలో ధైర్యాన్ని నింపాలని వివరించారు. అంగన్‌వాడీ కేంద్రాల్లో ప్రభుత్వం అందించే పౌష్టికాహారాన్ని పిల్లలకు సక్రమంగా అందించాలని, విద్యార్థులను ఉన్నత చదువులు చదివించాలని ఆయన కోరారు. ఈ కార్యక్రమంలో తెలుగుదేశం పార్టీ అడ్డతీగల మండల అధ్యక్షులు జర్తా వెంకటరమణారెడ్డి గారితో పాటు గ్రామ పెద్దలు, మహిళలు మరియు యువత పెద్ద సంఖ్యలో పాల్గొన్నారు.

Vidya Sagar Tumu

అడ్డతీగల, అల్లూరి సీతారామ రాజు, ఆంధ్రప్రదేశ్•

1 day ago

రోడ్డు భద్రత మరియు సామాజిక అవగాహనపై ఎస్.ఐ వినోద్ పిలుపు ​అడ్డతీగల: మండలంలోని కొత్తపాలెం గ్రామంలో ఆదివారం ఎస్.ఐ వినోద్ గారి ఆధ్వర్యంలో గ్రామస్తులతో అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ వాహనదారులు ప్రయాణాల్లో తప్పనిసరిగా హెల్మెట్ ధరించాలని, హైవేలపై ప్రయాణించేటప్పుడు తగిన జాగ్రత్తలు పాటించాలని సూచించారు. ప్రతి ఒక్కరూ డ్రైవింగ్ లైసెన్స్ మరియు బైక్ ఇన్సూరెన్స్ కలిగి ఉండాలని స్పష్టం చేశారు. సామాజిక అంశాలపై చర్చిస్తూ.. మహిళల భద్రత పట్ల అప్రమత్తంగా ఉండాలని, ఆడపిల్లలపై ఎటువంటి అకృత్యాలు జరగకుండా ప్రతి ఒక్కరూ బాధ్యతగా వ్యవహరించాలని కోరారు. ​నేటి కాలంలో పెరుగుతున్న ఆత్మహత్యల నివారణకు తల్లిదండ్రులు తమ పిల్లల ప్రవర్తనపై నిరంతరం నిఘా ఉంచి, వారిలో ధైర్యాన్ని నింపాలని వివరించారు. అంగన్‌వాడీ కేంద్రాల్లో ప్రభుత్వం అందించే పౌష్టికాహారాన్ని పిల్లలకు సక్రమంగా అందించాలని, విద్యార్థులను ఉన్నత చదువులు చదివించాలని ఆయన కోరారు. ఈ కార్యక్రమంలో తెలుగుదేశం పార్టీ అడ్డతీగల మండల అధ్యక్షులు జర్తా వెంకటరమణారెడ్డి గారితో పాటు గ్రామ పెద్దలు, మహిళలు మరియు యువత పెద్ద సంఖ్యలో పాల్గొన్నారు.