नागपूर येथील राष्ट्रसंत तुकडोजी महाराज नागपूर विद्यापीठाच्या शारीरिक शिक्षण व क्रीडा विभाग आणि राष्ट्रीय सेवा योजना यांच्या संयुक्त विद्यमाने रविवार, २१ जून २०२६ रोजी आंतरराष्ट्रीय योग दिन कार्यक्रम मोठ्या उत्साहात साजरा करण्यात आला. रावसाहेब डी. लक्ष्मीनारायण क्रीडा संकुल परिसरातील सिंथेटिक ट्रॅक येथे आयोजित या कार्यक्रमात माननीय प्र-कुलगुरू डॉ. अखिलेश पेशवे यांनी निरोगी आरोग्यासाठी योग करण्याचे आवाहन केले. अध्यक्षीय भाषणातून त्यांनी उपस्थितांना मार्गदर्शन करत आंतरराष्ट्रीय योग दिनाच्या शुभेच्छा दिल्या. या कार्यक्रमाचे अध्यक्षस्थान प्र-कुलगुरू डॉ. अखिलेश पेशवे यांनी भूषवले, तर प्रमुख अतिथी म्हणून ब्रिगेडियर सुहास कुळकर्णी, श्रीमती सुजाता कुळकर्णी, अधिसभा सदस्य डॉ. संजय चौधरी, प्राचार्य विजय दातारकर, क्रीडा व शारीरिक शिक्षण विभाग संचालक डॉ. संभाजी भोसले आणि राष्ट्रीय सेवा योजना संचालक डॉ. सोपानदेव पिसे यांची उपस्थिती होती. प्रास्ताविक करताना डॉ. संभाजी भोसले यांनी सिंथेटिक ट्रॅकवर प्रथमच योग दिवसाचे आयोजन करण्यात आल्याची माहिती दिली आणि योगाचे महत्त्व खेळाडूंपासून सर्वांसाठी अनमोल असल्याचे सांगितले. ब्रिगेडियर सुहास कुळकर्णी यांनी योग केवळ आसन नसून एक जीवनशैली आहे असे प्रतिपादन केले. त्यानंतर कुळकर्णी दांपत्याने उपस्थितांना पश्चिमोत्तानासन, व्याघ्रासन, अर्ध मत्स्येंद्रासन, ताडासन, त्रिकोणासन, सर्वांगीण सूर्यनमस्कार, भ्रामरी, प्राणायाम, हास्यासन व ओंकार यांसारख्या विविध योगासनांची प्रात्यक्षिके करून दाखवली. या आंतरराष्ट्रीय योग दिनाच्या कार्यक्रमात विद्यापीठाच्या पदव्युत्तर शारीरिक शिक्षण विभागातील शिक्षक व विद्यार्थी, विजय गिझरे कराटे टीम, नव महाराष्ट्र कराटे टीम, अच्युत ॲथलेटिक्स अकादमी, विदर्भ कराटे असोसिएशन, साई कोचिंग सेंटर, हँडबॉल टीम, साउथ वेस्ट फुटबॉल टीम, जय ॲथलेटिक्स यांच्यासह विविध विभागांतील शिक्षक आणि विद्यार्थी मोठ्या संख्येने सहभागी झाले होते. कार्यक्रमाचे संचालन करत पराग बनसोडे यांनी उपस्थितांचे आभार मानले.

SATISH BHALERAO

नागपूर (ग्रामीण), नागपूर, महाराष्ट्र•

3 hrs ago

नागपूर येथील राष्ट्रसंत तुकडोजी महाराज नागपूर विद्यापीठाच्या शारीरिक शिक्षण व क्रीडा विभाग आणि राष्ट्रीय सेवा योजना यांच्या संयुक्त विद्यमाने रविवार, २१ जून २०२६ रोजी आंतरराष्ट्रीय योग दिन कार्यक्रम मोठ्या उत्साहात साजरा करण्यात आला. रावसाहेब डी. लक्ष्मीनारायण क्रीडा संकुल परिसरातील सिंथेटिक ट्रॅक येथे आयोजित या कार्यक्रमात माननीय प्र-कुलगुरू डॉ. अखिलेश पेशवे यांनी निरोगी आरोग्यासाठी योग करण्याचे आवाहन केले. अध्यक्षीय भाषणातून त्यांनी उपस्थितांना मार्गदर्शन करत आंतरराष्ट्रीय योग दिनाच्या शुभेच्छा दिल्या. या कार्यक्रमाचे अध्यक्षस्थान प्र-कुलगुरू डॉ. अखिलेश पेशवे यांनी भूषवले, तर प्रमुख अतिथी म्हणून ब्रिगेडियर सुहास कुळकर्णी, श्रीमती सुजाता कुळकर्णी, अधिसभा सदस्य डॉ. संजय चौधरी, प्राचार्य विजय दातारकर, क्रीडा व शारीरिक शिक्षण विभाग संचालक डॉ. संभाजी भोसले आणि राष्ट्रीय सेवा योजना संचालक डॉ. सोपानदेव पिसे यांची उपस्थिती होती. प्रास्ताविक करताना डॉ. संभाजी भोसले यांनी सिंथेटिक ट्रॅकवर प्रथमच योग दिवसाचे आयोजन करण्यात आल्याची माहिती दिली आणि योगाचे महत्त्व खेळाडूंपासून सर्वांसाठी अनमोल असल्याचे सांगितले. ब्रिगेडियर सुहास कुळकर्णी यांनी योग केवळ आसन नसून एक जीवनशैली आहे असे प्रतिपादन केले. त्यानंतर कुळकर्णी दांपत्याने उपस्थितांना पश्चिमोत्तानासन, व्याघ्रासन, अर्ध मत्स्येंद्रासन, ताडासन, त्रिकोणासन, सर्वांगीण सूर्यनमस्कार, भ्रामरी, प्राणायाम, हास्यासन व ओंकार यांसारख्या विविध योगासनांची प्रात्यक्षिके करून दाखवली. या आंतरराष्ट्रीय योग दिनाच्या कार्यक्रमात विद्यापीठाच्या पदव्युत्तर शारीरिक शिक्षण विभागातील शिक्षक व विद्यार्थी, विजय गिझरे कराटे टीम, नव महाराष्ट्र कराटे टीम, अच्युत ॲथलेटिक्स अकादमी, विदर्भ कराटे असोसिएशन, साई कोचिंग सेंटर, हँडबॉल टीम, साउथ वेस्ट फुटबॉल टीम, जय ॲथलेटिक्स यांच्यासह विविध विभागांतील शिक्षक आणि विद्यार्थी मोठ्या संख्येने सहभागी झाले होते. कार्यक्रमाचे संचालन करत पराग बनसोडे यांनी उपस्थितांचे आभार मानले.