आषाढी वारीतील वारकऱ्यांचा पायी प्रवास सुखकर, सुरक्षित आणि आरोग्यदायी व्हावा, या उद्देशाने मुख्यमंत्री देवेंद्र फडणवीस यांच्या संकल्पनेनुसार मुख्यमंत्री साहाय्यता निधी कक्षामार्फत 'चरणसेवा' उपक्रम राबविण्यात येत आहे. या उपक्रमांतर्गत पी. व्ही. बेल्हेकर आयुर्वेदिक मेडिकल कॉलेज अँड हॉस्पिटल, नेवासा आणि सुप्रसाद आयुर्वेदिक मेडिकल कॉलेज अँड हॉस्पिटल, कोळपेवाडी यांच्या माध्यमातून दोन ठिकाणी चरणसेवा व मोफत आरोग्य शिबिरांचे आयोजन करण्यात आले. संत ज्ञानेश्वर महाराज पालखी सोहळ्यातील पैठण पायी दिंडीतील वारकऱ्यांसाठी उस्थल दुमाला येथे पी. व्ही. बेल्हेकर आयुर्वेदिक मेडिकल कॉलेजच्या वतीने सेवा देण्यात आली, तर महासती पालखी सोहळ्यात सहभागी झालेल्या सत्यगाव (जि. नाशिक) येथील दिंडीतील वारकऱ्यांसाठी पोहेगाव (ता. कोपरगाव, जि. अहिल्यानगर) येथे सुप्रसाद आयुर्वेदिक मेडिकल कॉलेजच्या माध्यमातून आरोग्य शिबिर आयोजित करण्यात आले. या उपक्रमांतर्गत वारकऱ्यांच्या पायांना आयुर्वेदिक औषधी तेलाने मसाज करून थकवा व ताण कमी करण्यात आला, ज्यामुळे त्यांना पुढील प्रवासासाठी नवचैतन्य मिळाले. चरणसेवेसोबतच वारकऱ्यांची मोफत आरोग्य तपासणी करून औषध वाटप, प्रथमोपचार सेवा आणि आरोग्यविषयक मार्गदर्शन करण्यात आले. तसेच, मुख्यमंत्री वैद्यकीय सहाय्यता निधी आणि राज्य शासनाच्या विविध आरोग्य योजनांची माहिती देऊन पात्र लाभार्थ्यांना लाभ घेण्याचे आवाहन करण्यात आले. या दोन्ही उपक्रमांत संबंधित आयुर्वेदिक महाविद्यालयांतील डॉक्टर, वैद्यकीय अधिकारी, परिचारिका, विद्यार्थी आणि स्वयंसेवकांनी उत्स्फूर्त सहभाग नोंदवून वारकऱ्यांना सेवाभावाने आरोग्य सुविधा उपलब्ध करून दिल्या.

संस्कार न्यूज

Advertising agency कर्जत, अहमदनगर, महाराष्ट्र•

1 day ago

आषाढी वारीतील वारकऱ्यांचा पायी प्रवास सुखकर, सुरक्षित आणि आरोग्यदायी व्हावा, या उद्देशाने मुख्यमंत्री देवेंद्र फडणवीस यांच्या संकल्पनेनुसार मुख्यमंत्री साहाय्यता निधी कक्षामार्फत 'चरणसेवा' उपक्रम राबविण्यात येत आहे. या उपक्रमांतर्गत पी. व्ही. बेल्हेकर आयुर्वेदिक मेडिकल कॉलेज अँड हॉस्पिटल, नेवासा आणि सुप्रसाद आयुर्वेदिक मेडिकल कॉलेज अँड हॉस्पिटल, कोळपेवाडी यांच्या माध्यमातून दोन ठिकाणी चरणसेवा व मोफत आरोग्य शिबिरांचे आयोजन करण्यात आले. संत ज्ञानेश्वर महाराज पालखी सोहळ्यातील पैठण पायी दिंडीतील वारकऱ्यांसाठी उस्थल दुमाला येथे पी. व्ही. बेल्हेकर आयुर्वेदिक मेडिकल कॉलेजच्या वतीने सेवा देण्यात आली, तर महासती पालखी सोहळ्यात सहभागी झालेल्या सत्यगाव (जि. नाशिक) येथील दिंडीतील वारकऱ्यांसाठी पोहेगाव (ता. कोपरगाव, जि. अहिल्यानगर) येथे सुप्रसाद आयुर्वेदिक मेडिकल कॉलेजच्या माध्यमातून आरोग्य शिबिर आयोजित करण्यात आले. या उपक्रमांतर्गत वारकऱ्यांच्या पायांना आयुर्वेदिक औषधी तेलाने मसाज करून थकवा व ताण कमी करण्यात आला, ज्यामुळे त्यांना पुढील प्रवासासाठी नवचैतन्य मिळाले. चरणसेवेसोबतच वारकऱ्यांची मोफत आरोग्य तपासणी करून औषध वाटप, प्रथमोपचार सेवा आणि आरोग्यविषयक मार्गदर्शन करण्यात आले. तसेच, मुख्यमंत्री वैद्यकीय सहाय्यता निधी आणि राज्य शासनाच्या विविध आरोग्य योजनांची माहिती देऊन पात्र लाभार्थ्यांना लाभ घेण्याचे आवाहन करण्यात आले. या दोन्ही उपक्रमांत संबंधित आयुर्वेदिक महाविद्यालयांतील डॉक्टर, वैद्यकीय अधिकारी, परिचारिका, विद्यार्थी आणि स्वयंसेवकांनी उत्स्फूर्त सहभाग नोंदवून वारकऱ्यांना सेवाभावाने आरोग्य सुविधा उपलब्ध करून दिल्या.