મહીસાગર જિલ્લાની લુણાવાડા ચીફ જ્યુડિશિયલ મેજિસ્ટ્રેટની અદાલતે વર્ષ 2017થી ચાલી રહેલા બનાવટી શૈક્ષણિક દસ્તાવેજોના આધારે ટ્રાન્સપોર્ટ કેટેગરીનું ડ્રાઇવિંગ લાયસન્સ મેળવવાના કેસમાં મહત્વનો ચુકાદો આપ્યો છે. અદાલતે વિરપુરના જમીયતપુરા વિસ્તારના સાયબાભાઈ મણીયાભાઈ વાઘરીને ભારતીય દંડ સંહિતાની કલમ 465, 468 અને 471 હેઠળ દોષિત ઠેરવી બે વર્ષની સખત કેદ અને રૂ. 5 હજારનો દંડ ફટકાર્યો છે. જો આરોપી આ દંડ નહીં ભરે તો તેણે વધુ છ માસની સખત કેદ ભોગવવી પડશે. આ કેસમાં વિરપુરના ખાટકીવાડ વિસ્તારના શફીભાઈ ઇબ્રાહીમભાઈ ઘાંચીને શંકાનો લાભ આપી નિર્દોષ જાહેર કરવામાં આવ્યા છે. કેસની તપાસ દરમિયાન આર.ટી.ઓ. કચેરીએ મોડાસાની યોગીકૃપા હાઈસ્કૂલ પાસેથી રજૂ કરાયેલા શૈક્ષણિક દસ્તાવેજોની ચકાસણી કરાવી હતી. આ ચકાસણીમાં સામે આવ્યું હતું કે સાયબાભાઈ નામનો કોઈ વિદ્યાર્થી શાળામાં અભ્યાસ કરેલો ન હોવાનું તેમજ રજૂ કરાયેલ શાળા છોડ્યાનું પ્રમાણપત્ર, માર્કશીટ અને અભ્યાસનું પ્રમાણપત્ર બનાવટી હતા. કોર્ટે નોંધ્યું હતું કે આરોપીને આ દસ્તાવેજો ખોટા હોવાની જાણ હોવા છતાં ટ્રાન્સપોર્ટ લાયસન્સ મેળવવા માટે તેને અસલી તરીકે રજૂ કર્યા હતા અને રજૂ થયેલા મૌખિક તથા દસ્તાવેજી પુરાવાના આધારે અદાલતે આ સજા સંભળાવી છે.

રીપોર્ટર- વિપુલ જોષી

Photographer વીરપુર, મહીસાગર, ગુજરાત•

2 hrs ago

મહીસાગર જિલ્લાની લુણાવાડા ચીફ જ્યુડિશિયલ મેજિસ્ટ્રેટની અદાલતે વર્ષ 2017થી ચાલી રહેલા બનાવટી શૈક્ષણિક દસ્તાવેજોના આધારે ટ્રાન્સપોર્ટ કેટેગરીનું ડ્રાઇવિંગ લાયસન્સ મેળવવાના કેસમાં મહત્વનો ચુકાદો આપ્યો છે. અદાલતે વિરપુરના જમીયતપુરા વિસ્તારના સાયબાભાઈ મણીયાભાઈ વાઘરીને ભારતીય દંડ સંહિતાની કલમ 465, 468 અને 471 હેઠળ દોષિત ઠેરવી બે વર્ષની સખત કેદ અને રૂ. 5 હજારનો દંડ ફટકાર્યો છે. જો આરોપી આ દંડ નહીં ભરે તો તેણે વધુ છ માસની સખત કેદ ભોગવવી પડશે. આ કેસમાં વિરપુરના ખાટકીવાડ વિસ્તારના શફીભાઈ ઇબ્રાહીમભાઈ ઘાંચીને શંકાનો લાભ આપી નિર્દોષ જાહેર કરવામાં આવ્યા છે. કેસની તપાસ દરમિયાન આર.ટી.ઓ. કચેરીએ મોડાસાની યોગીકૃપા હાઈસ્કૂલ પાસેથી રજૂ કરાયેલા શૈક્ષણિક દસ્તાવેજોની ચકાસણી કરાવી હતી. આ ચકાસણીમાં સામે આવ્યું હતું કે સાયબાભાઈ નામનો કોઈ વિદ્યાર્થી શાળામાં અભ્યાસ કરેલો ન હોવાનું તેમજ રજૂ કરાયેલ શાળા છોડ્યાનું પ્રમાણપત્ર, માર્કશીટ અને અભ્યાસનું પ્રમાણપત્ર બનાવટી હતા. કોર્ટે નોંધ્યું હતું કે આરોપીને આ દસ્તાવેજો ખોટા હોવાની જાણ હોવા છતાં ટ્રાન્સપોર્ટ લાયસન્સ મેળવવા માટે તેને અસલી તરીકે રજૂ કર્યા હતા અને રજૂ થયેલા મૌખિક તથા દસ્તાવેજી પુરાવાના આધારે અદાલતે આ સજા સંભળાવી છે.