जाफ्राबाद पंचायत समितीतील लाचखोरी प्रकरण गाजले; माजी आमदार चंद्रकांत दानवे यांची सखोल चौकशीची मागणी जाफ्राबाद पंचायत समितीतील लाचखोरी प्रकरण गाजले; माजी आमदार चंद्रकांत दानवे यांची सखोल चौकशीची मागणी जाफ्राबाद पंचायत समितीतील लाचखोरीचा कथित व्हिडिओ सोशल मीडियावर व्हायरल झाल्यानंतर संपूर्ण परिसरात मोठी खळबळ उडाली आहे. पंधराव्या वित्त आयोगांतर्गत झालेल्या विकासकामांचे देयक मंजूर करण्यासाठी लाच मागितल्याचा आरोप या व्हिडिओमधून समोर आला आहे. या प्रकरणी संबंधित विस्तार अधिकाऱ्याला निलंबित करण्यात आले असले तरी इतर जबाबदार अधिकाऱ्यांवर अद्याप कारवाई न झाल्याने नागरिकांमध्ये नाराजी व्यक्त होत आहे. दरम्यान, या प्रकरणावर प्रतिक्रिया देताना माजी आमदार चंद्रकांत दानवे यांनी तीव्र शब्दांत निषेध व्यक्त केला आहे. त्यांनी सांगितले की, जनतेच्या विकासासाठी येणाऱ्या निधीमध्ये भ्रष्टाचार होणे ही अत्यंत गंभीर बाब असून दोषी आढळणाऱ्या अधिकाऱ्यांवर कठोर कारवाई झाली पाहिजे. केवळ निलंबन न करता संबंधितांवर गुन्हा दाखल करून कडक शिक्षा करावी, अशी मागणी त्यांनी केली. तसेच या संपूर्ण प्रकरणाची सखोल चौकशी करून भ्रष्टाचारात सहभागी असलेल्या सर्व संबंधित अधिकाऱ्यांवर कारवाई करावी, असेही त्यांनी प्रशासनाला आवाहन केले. जनतेच्या पैशांवर डल्ला मारणाऱ्यांना कोणतीही माफी नसून प्रशासनाने पारदर्शकपणे चौकशी करून सत्य समोर आणावे, असेही त्यांनी स्पष्ट केले.

RahimKhan Pathan

Voice of people सोयगाव, औरंगाबाद, महाराष्ट्र•

on 13 March

जाफ्राबाद पंचायत समितीतील लाचखोरी प्रकरण गाजले; माजी आमदार चंद्रकांत दानवे यांची सखोल चौकशीची मागणी जाफ्राबाद पंचायत समितीतील लाचखोरी प्रकरण गाजले; माजी आमदार चंद्रकांत दानवे यांची सखोल चौकशीची मागणी जाफ्राबाद पंचायत समितीतील लाचखोरीचा कथित व्हिडिओ सोशल मीडियावर व्हायरल झाल्यानंतर संपूर्ण परिसरात मोठी खळबळ उडाली आहे. पंधराव्या वित्त आयोगांतर्गत झालेल्या विकासकामांचे देयक मंजूर करण्यासाठी लाच मागितल्याचा आरोप या व्हिडिओमधून समोर आला आहे. या प्रकरणी संबंधित विस्तार अधिकाऱ्याला निलंबित करण्यात आले असले तरी इतर जबाबदार अधिकाऱ्यांवर अद्याप कारवाई न झाल्याने नागरिकांमध्ये नाराजी व्यक्त होत आहे. दरम्यान, या प्रकरणावर प्रतिक्रिया देताना माजी आमदार चंद्रकांत दानवे यांनी तीव्र शब्दांत निषेध व्यक्त केला आहे. त्यांनी सांगितले की, जनतेच्या विकासासाठी येणाऱ्या निधीमध्ये भ्रष्टाचार होणे ही अत्यंत गंभीर बाब असून दोषी आढळणाऱ्या अधिकाऱ्यांवर कठोर कारवाई झाली पाहिजे. केवळ निलंबन न करता संबंधितांवर गुन्हा दाखल करून कडक शिक्षा करावी, अशी मागणी त्यांनी केली. तसेच या संपूर्ण प्रकरणाची सखोल चौकशी करून भ्रष्टाचारात सहभागी असलेल्या सर्व संबंधित अधिकाऱ्यांवर कारवाई करावी, असेही त्यांनी प्रशासनाला आवाहन केले. जनतेच्या पैशांवर डल्ला मारणाऱ्यांना कोणतीही माफी नसून प्रशासनाने पारदर्शकपणे चौकशी करून सत्य समोर आणावे, असेही त्यांनी स्पष्ट केले.