खासदार विनायक राऊत यांच्या सून गिरीजा राऊत यांनी पती गीतेश राऊत, सासरे विनायक राऊत, शामल राऊत आणि इतर संबंधितांविरुद्ध मानसिक छळ व कौटुंबिक अत्याचाराचे गंभीर आरोप करत पोलिसांत तक्रार दाखल केली आहे. या प्रकरणाची शिवसेना नेत्या व विधानपरिषद सदस्य डॉ. नीलम गोऱ्हे यांनी गंभीर दखल घेतली असून, त्यांनी दोषींवर कठोर कायदेशीर कारवाई करण्याची आणि निष्पक्ष चौकशी करण्याची मागणी केली आहे. याप्रकरणी डॉ. गोऱ्हे यांनी पोलीस महासंचालकांना लेखी निवेदनही सादर केले आहे. शिवसेना महिला आघाडीच्या पदाधिकारी वर्षा जितेंद्र मोरे यांच्या माध्यमातून डॉ. नीलम गोऱ्हे यांनी गिरीजा राऊत यांच्याशी दूरध्वनीवर सविस्तर संवाद साधून त्यांना धीर दिला. या संवादादरम्यान गिरीजा राऊत यांनी डॉ. गोऱ्हे यांच्या 'स्वमदत गट' संकल्पनेचे कौतुक केले. याशिवाय, डॉ. गोऱ्हे यांनी पीडितेच्या वकिलांशी संपर्क साधून कायदेशीर तरतुदी आणि पुरावे भक्कम करण्याबाबत चर्चा केली. यावेळी वकिलांनी या प्रकरणात सरकारी वकील नियुक्त करण्यात आल्याची माहिती दिली, ज्यामुळे न्यायप्रक्रिया निष्पक्षपणे पुढे जाण्यास मदत होईल असा विश्वास व्यक्त करण्यात आला. डॉ. नीलम गोऱ्हे यांनी स्पष्ट केले की, हे आरोप अत्यंत गंभीर असून कोणत्याही राजकीय दबावाशिवाय याची सखोल चौकशी झाली पाहिजे. त्यांनी उपमुख्यमंत्री एकनाथ शिंदे यांच्या 'लाडक्या सुनेचे रक्षण' धोरणाचा उल्लेख करत, राज्यातील प्रत्येक सून सुरक्षित असल्याची भावना निर्माण करण्यासाठी या धोरणाची प्रभावी अंमलबजावणी करण्याची मागणी केली. राजकीय किंवा आर्थिक दबावाची पर्वा न करता अन्यायाविरुद्ध निर्भीडपणे आवाज उठवणाऱ्या गिरीजा राऊत यांच्या धाडसाचे कौतुक करत त्यांनी इतर पीडित महिलांनाही अन्याय सहन न करता वेळेत कायदेशीर मदत घेण्याचे आवाहन केले आहे.

Amit Omprakash tiwari

मुंबई, मुंबई, महाराष्ट्र•

1 hr ago

खासदार विनायक राऊत यांच्या सून गिरीजा राऊत यांनी पती गीतेश राऊत, सासरे विनायक राऊत, शामल राऊत आणि इतर संबंधितांविरुद्ध मानसिक छळ व कौटुंबिक अत्याचाराचे गंभीर आरोप करत पोलिसांत तक्रार दाखल केली आहे. या प्रकरणाची शिवसेना नेत्या व विधानपरिषद सदस्य डॉ. नीलम गोऱ्हे यांनी गंभीर दखल घेतली असून, त्यांनी दोषींवर कठोर कायदेशीर कारवाई करण्याची आणि निष्पक्ष चौकशी करण्याची मागणी केली आहे. याप्रकरणी डॉ. गोऱ्हे यांनी पोलीस महासंचालकांना लेखी निवेदनही सादर केले आहे. शिवसेना महिला आघाडीच्या पदाधिकारी वर्षा जितेंद्र मोरे यांच्या माध्यमातून डॉ. नीलम गोऱ्हे यांनी गिरीजा राऊत यांच्याशी दूरध्वनीवर सविस्तर संवाद साधून त्यांना धीर दिला. या संवादादरम्यान गिरीजा राऊत यांनी डॉ. गोऱ्हे यांच्या 'स्वमदत गट' संकल्पनेचे कौतुक केले. याशिवाय, डॉ. गोऱ्हे यांनी पीडितेच्या वकिलांशी संपर्क साधून कायदेशीर तरतुदी आणि पुरावे भक्कम करण्याबाबत चर्चा केली. यावेळी वकिलांनी या प्रकरणात सरकारी वकील नियुक्त करण्यात आल्याची माहिती दिली, ज्यामुळे न्यायप्रक्रिया निष्पक्षपणे पुढे जाण्यास मदत होईल असा विश्वास व्यक्त करण्यात आला. डॉ. नीलम गोऱ्हे यांनी स्पष्ट केले की, हे आरोप अत्यंत गंभीर असून कोणत्याही राजकीय दबावाशिवाय याची सखोल चौकशी झाली पाहिजे. त्यांनी उपमुख्यमंत्री एकनाथ शिंदे यांच्या 'लाडक्या सुनेचे रक्षण' धोरणाचा उल्लेख करत, राज्यातील प्रत्येक सून सुरक्षित असल्याची भावना निर्माण करण्यासाठी या धोरणाची प्रभावी अंमलबजावणी करण्याची मागणी केली. राजकीय किंवा आर्थिक दबावाची पर्वा न करता अन्यायाविरुद्ध निर्भीडपणे आवाज उठवणाऱ्या गिरीजा राऊत यांच्या धाडसाचे कौतुक करत त्यांनी इतर पीडित महिलांनाही अन्याय सहन न करता वेळेत कायदेशीर मदत घेण्याचे आवाहन केले आहे.