કાલોલ તાલુકાના વેજલપુર ગ્રામ પંચાયતમાં ચાલુ વિકાસ કામોમાં મોટા પાયે ભ્રષ્ટાચાર અને નાણાકીય ગેરરીતિઓના ગંભીર આક્ષેપો સામે આવ્યા છે. વોર્ડ નંબર ૮ના મહિલા સભ્ય બદના રેહાનાબીબી મહેબુબે સોગંદનામા સાથે તપાસ અરજી દાખલ કરીને વહીવટી તંત્રની નિષ્ક્રિયતા અને સંભવિત મિલીભગત પર તીખા સવાલો ઉઠાવ્યા છે. તેમણે ૧૫/૦૬/૨૦૨૬ના રોજ કાલોલ તાલુકા વિકાસ અધિકારી (TDO) ને લેખિત રજૂઆત કરી હતી કે વેજલપુર ગ્રામ પંચાયતના સરપંચ અને સત્તાધીશો તેમને વિશ્વાસમાં લીધા વિના મનસ્વી રીતે કામો કરી રહ્યા છે. ખાસ કરીને, વેજલપુર ઉર્દૂ શાળા પાસેથી રોહિતવાસ તરફ જતા રસ્તા પરના નાળાના કામમાં સરકારી નીતિ-નિયમોનું ઉલ્લંઘન કરીને વહીવટી એસ્ટીમેટ અને મેઝરમેન્ટ માપ મુજબ કામગીરી ન થઈ હોવાની ગંભીર ફરિયાદ કરવામાં આવી હતી, જેના પુરાવા તરીકે સ્થળ તસવીરો પણ રજૂ કરાઈ હતી. મહિલા સભ્યે સ્પષ્ટ માંગણી કરી હતી કે જ્યાં સુધી આ કામોમાં ભ્રષ્ટાચારની ઉચ્ચ કક્ષાએથી ઝીણવટભરી તપાસ ન થાય, ત્યાં સુધી તમામ બિલોની ચુકવણી તાત્કાલિક અસરથી રોકવામાં આવે. આ સોગંદનામા સાથેની અરજીને સંપૂર્ણપણે નકારી કાઢીને, તાલુકા પંચાયતના એન્જિનિયરે અરજી આપ્યાના માત્ર બે જ દિવસ પછી, એટલે કે ૧૭/૦૬/૨૦૨૬ના રોજ, કુલ અંદાજિત રૂ. ૪,૫૦,૦૦૦નું બિલ ચૂકવી દીધું હતું. પુરાવા મુજબ, રૂ. ૩,૩૯,૫૦૦નું બિલ ‘સહારા ટ્રેડર્સ’ ને અને રૂ. ૧,૧૦,૫૦૦નું બિલ ‘રાજેશભાઈ ભાલસિંહ ચૌહાણ’ ને ચૂકવવામાં આવ્યું છે, જે બંને ચુકવણીઓ પ્રક્રિયા દ્વારા કન્ફર્મ થઈ ગઈ છે. આટલા મજબૂત પુરાવાઓ સામે આવ્યા પછી, TDO અને એન્જિનિયરની ભૂમિકા શંકાના દાયરામાં આવી ગઈ છે. સવાલ ઉઠાવાયો છે કે શું કાલોલ TDO ખરેખર નિષ્પક્ષ સ્થળ તપાસ કરશે, કે પછી 'આવ ભાઈ હરખા આપણે બંને સરખા' જેવો વેહવાર કરી ભ્રષ્ટાચારના પાપ પર પડદો પાડી દેવામાં આવશે. મહિલા સભ્યે કડક શબ્દોમાં ચેતવણી આપી છે કે જો ભવિષ્યમાં આ અંગે કોઈ ઉચ્ચ કક્ષાએ તપાસ થશે અને તેમાં નાણાકીય ભ્રષ્ટાચાર કે વહીવટી ગેરરીતિ બહાર આવશે, તો તેની સંપૂર્ણ જવાબદારી તે સમયના સરપંચ અને દેખરેખમાં નિષ્ફળ ગયેલા તાલુકા વિકાસ અધિકારીની રહેશે. હવે પંચમહાલ જિલ્લા વિકાસ અધિકારી (DDO) અને જિલ્લા કલેક્ટર આ ગંભીર મામલે હસ્તક્ષેપ કરીને તાત્કાલિક કડક અને તટસ્થ તપાસના આદેશ આપશે કે કેમ તે જોવું રહ્યું, નહીં તો કાલોલ તાલુકા પંચાયતમાં ભ્રષ્ટાચારના મૂળિયા વધુ ઊંડા ઉતરી જવાની પૂરેપૂરી શક્યતાઓ છે.

Virendra Mehta

Classified ads newspaper publisher Kalol, Panch Mahals•

1 hr ago

કાલોલ તાલુકાના વેજલપુર ગ્રામ પંચાયતમાં ચાલુ વિકાસ કામોમાં મોટા પાયે ભ્રષ્ટાચાર અને નાણાકીય ગેરરીતિઓના ગંભીર આક્ષેપો સામે આવ્યા છે. વોર્ડ નંબર ૮ના મહિલા સભ્ય બદના રેહાનાબીબી મહેબુબે સોગંદનામા સાથે તપાસ અરજી દાખલ કરીને વહીવટી તંત્રની નિષ્ક્રિયતા અને સંભવિત મિલીભગત પર તીખા સવાલો ઉઠાવ્યા છે. તેમણે ૧૫/૦૬/૨૦૨૬ના રોજ કાલોલ તાલુકા વિકાસ અધિકારી (TDO) ને લેખિત રજૂઆત કરી હતી કે વેજલપુર ગ્રામ પંચાયતના સરપંચ અને સત્તાધીશો તેમને વિશ્વાસમાં લીધા વિના મનસ્વી રીતે કામો કરી રહ્યા છે. ખાસ કરીને, વેજલપુર ઉર્દૂ શાળા પાસેથી રોહિતવાસ તરફ જતા રસ્તા પરના નાળાના કામમાં સરકારી નીતિ-નિયમોનું ઉલ્લંઘન કરીને વહીવટી એસ્ટીમેટ અને મેઝરમેન્ટ માપ મુજબ કામગીરી ન થઈ હોવાની ગંભીર ફરિયાદ કરવામાં આવી હતી, જેના પુરાવા તરીકે સ્થળ તસવીરો પણ રજૂ કરાઈ હતી. મહિલા સભ્યે સ્પષ્ટ માંગણી કરી હતી કે જ્યાં સુધી આ કામોમાં ભ્રષ્ટાચારની ઉચ્ચ કક્ષાએથી ઝીણવટભરી તપાસ ન થાય, ત્યાં સુધી તમામ બિલોની ચુકવણી તાત્કાલિક અસરથી રોકવામાં આવે. આ સોગંદનામા સાથેની અરજીને સંપૂર્ણપણે નકારી કાઢીને, તાલુકા પંચાયતના એન્જિનિયરે અરજી આપ્યાના માત્ર બે જ દિવસ પછી, એટલે કે ૧૭/૦૬/૨૦૨૬ના રોજ, કુલ અંદાજિત રૂ. ૪,૫૦,૦૦૦નું બિલ ચૂકવી દીધું હતું. પુરાવા મુજબ, રૂ. ૩,૩૯,૫૦૦નું બિલ ‘સહારા ટ્રેડર્સ’ ને અને રૂ. ૧,૧૦,૫૦૦નું બિલ ‘રાજેશભાઈ ભાલસિંહ ચૌહાણ’ ને ચૂકવવામાં આવ્યું છે, જે બંને ચુકવણીઓ પ્રક્રિયા દ્વારા કન્ફર્મ થઈ ગઈ છે. આટલા મજબૂત પુરાવાઓ સામે આવ્યા પછી, TDO અને એન્જિનિયરની ભૂમિકા શંકાના દાયરામાં આવી ગઈ છે. સવાલ ઉઠાવાયો છે કે શું કાલોલ TDO ખરેખર નિષ્પક્ષ સ્થળ તપાસ કરશે, કે પછી 'આવ ભાઈ હરખા આપણે બંને સરખા' જેવો વેહવાર કરી ભ્રષ્ટાચારના પાપ પર પડદો પાડી દેવામાં આવશે. મહિલા સભ્યે કડક શબ્દોમાં ચેતવણી આપી છે કે જો ભવિષ્યમાં આ અંગે કોઈ ઉચ્ચ કક્ષાએ તપાસ થશે અને તેમાં નાણાકીય ભ્રષ્ટાચાર કે વહીવટી ગેરરીતિ બહાર આવશે, તો તેની સંપૂર્ણ જવાબદારી તે સમયના સરપંચ અને દેખરેખમાં નિષ્ફળ ગયેલા તાલુકા વિકાસ અધિકારીની રહેશે. હવે પંચમહાલ જિલ્લા વિકાસ અધિકારી (DDO) અને જિલ્લા કલેક્ટર આ ગંભીર મામલે હસ્તક્ષેપ કરીને તાત્કાલિક કડક અને તટસ્થ તપાસના આદેશ આપશે કે કેમ તે જોવું રહ્યું, નહીં તો કાલોલ તાલુકા પંચાયતમાં ભ્રષ્ટાચારના મૂળિયા વધુ ઊંડા ઉતરી જવાની પૂરેપૂરી શક્યતાઓ છે.