ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ ଅନ୍ତର୍ଗତ ମୋଟାବାଡ଼ି ଗ୍ରାମରେ ଶ୍ମଶାନ ଏବଂ ଶବଦାହ ଗୃହର ଅଭାବ ଯୋଗୁଁ ଜନସାଧାରଣ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ମୋଟାବାଡ଼ି ପଞ୍ଚାୟତରେ ଏଭଳି ସୁବିଧା ନ ଥିବାରୁ ବର୍ଷା, ଖରା ଓ ଶୀତ ସମୟରେ ଖୋଲା ଆକାଶ ତଳେ ଅନେକ ସମସ୍ୟାର ସମ୍ମୁଖୀନ ହୋଇ ଶବ ସତ୍କାର କରାଯାଉଛି। ଏହାକୁ ନେଇ ପୂର୍ବରୁ ମାନବିକ ଅଧିକାର କ୍ଷୁଣ୍ଣ ହେଉଥିବା ଅଭିଯୋଗ କରି ଏକ ମାମଲା ଦାୟର ହୋଇଥିଲା। କେସ ନଂ ୩୧୨୫/୨୦୨୫ ପ୍ରକାରେ ମାନ୍ୟବର ହାଇକୋର୍ଟ ଗଞ୍ଜାମ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇ ଏହି ଘଟଣାର ଅନୁସନ୍ଧାନ କରି ୨୮/୧୧/୨୦୨୫ ସୁଦ୍ଧା ଜଣାଇବାକୁ କହିଥିଲେ। ପରବର୍ତ୍ତୀ ସମୟରେ ମୋଟାବାଡ଼ି ଗ୍ରାମରେ ଜାଗା ଚିହ୍ନଟ କରାଯାଇ ଶ୍ମଶାନ ଗୃହ ନିର୍ମାଣ ଆରମ୍ଭ ହୋଇଥିଲା, କିନ୍ତୁ ତାହା ଅସମ୍ପୂର୍ଣ୍ଣ ଓ ଅଧାପନ୍ତରିଆ ଅବସ୍ଥାରେ ଏବେ ପଡ଼ିରହିଛି। ମୋଟାବାଡ଼ି ଗ୍ରାମରେ ଦୁଇ ଦୁଇ ଥର ଅନୁଷ୍ଠିତ ହୋଇଥିବା ପଞ୍ଚାୟତ ସ୍ତରୀୟ ଜନଶୁଣାଣିରେ ଏହି ଅଭିଯୋଗ କରାଯାଇଥିଲେ ମଧ୍ୟ ପ୍ରଶାସନିକ ସ୍ତରରେ ଏପର୍ଯ୍ୟନ୍ତ କୌଣସି ସୁଫଳ ମିଳିନାହିଁ। ରାଜନୈତିକ ଇଚ୍ଛାଶକ୍ତିର ଅଭାବରୁ ଏହି ଗ୍ରାମରେ ସର୍ବସାଧାରଣଙ୍କ ଅତ୍ୟନ୍ତ ଆବଶ୍ୟକ ଥିବା ଶ୍ମଶାନ ଓ ଶବଦାହ ଗୃହ ନିର୍ମାଣ ପାଇଁ କାହାରି ଆନ୍ତରିକ ଉଦ୍ୟମ ନାହିଁ, ଯାହାଫଳରେ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।

PURNACHANDRA BARIK

Court reporter ବୁଗୁଡ଼ା, ଗଞ୍ଜାମ, ଓଡ଼ିଶା•

6 hrs ago

ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ ଅନ୍ତର୍ଗତ ମୋଟାବାଡ଼ି ଗ୍ରାମରେ ଶ୍ମଶାନ ଏବଂ ଶବଦାହ ଗୃହର ଅଭାବ ଯୋଗୁଁ ଜନସାଧାରଣ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ମୋଟାବାଡ଼ି ପଞ୍ଚାୟତରେ ଏଭଳି ସୁବିଧା ନ ଥିବାରୁ ବର୍ଷା, ଖରା ଓ ଶୀତ ସମୟରେ ଖୋଲା ଆକାଶ ତଳେ ଅନେକ ସମସ୍ୟାର ସମ୍ମୁଖୀନ ହୋଇ ଶବ ସତ୍କାର କରାଯାଉଛି। ଏହାକୁ ନେଇ ପୂର୍ବରୁ ମାନବିକ ଅଧିକାର କ୍ଷୁଣ୍ଣ ହେଉଥିବା ଅଭିଯୋଗ କରି ଏକ ମାମଲା ଦାୟର ହୋଇଥିଲା। କେସ ନଂ ୩୧୨୫/୨୦୨୫ ପ୍ରକାରେ ମାନ୍ୟବର ହାଇକୋର୍ଟ ଗଞ୍ଜାମ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇ ଏହି ଘଟଣାର ଅନୁସନ୍ଧାନ କରି ୨୮/୧୧/୨୦୨୫ ସୁଦ୍ଧା ଜଣାଇବାକୁ କହିଥିଲେ। ପରବର୍ତ୍ତୀ ସମୟରେ ମୋଟାବାଡ଼ି ଗ୍ରାମରେ ଜାଗା ଚିହ୍ନଟ କରାଯାଇ ଶ୍ମଶାନ ଗୃହ ନିର୍ମାଣ ଆରମ୍ଭ ହୋଇଥିଲା, କିନ୍ତୁ ତାହା ଅସମ୍ପୂର୍ଣ୍ଣ ଓ ଅଧାପନ୍ତରିଆ ଅବସ୍ଥାରେ ଏବେ ପଡ଼ିରହିଛି। ମୋଟାବାଡ଼ି ଗ୍ରାମରେ ଦୁଇ ଦୁଇ ଥର ଅନୁଷ୍ଠିତ ହୋଇଥିବା ପଞ୍ଚାୟତ ସ୍ତରୀୟ ଜନଶୁଣାଣିରେ ଏହି ଅଭିଯୋଗ କରାଯାଇଥିଲେ ମଧ୍ୟ ପ୍ରଶାସନିକ ସ୍ତରରେ ଏପର୍ଯ୍ୟନ୍ତ କୌଣସି ସୁଫଳ ମିଳିନାହିଁ। ରାଜନୈତିକ ଇଚ୍ଛାଶକ୍ତିର ଅଭାବରୁ ଏହି ଗ୍ରାମରେ ସର୍ବସାଧାରଣଙ୍କ ଅତ୍ୟନ୍ତ ଆବଶ୍ୟକ ଥିବା ଶ୍ମଶାନ ଓ ଶବଦାହ ଗୃହ ନିର୍ମାଣ ପାଇଁ କାହାରି ଆନ୍ତରିକ ଉଦ୍ୟମ ନାହିଁ, ଯାହାଫଳରେ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।