पुणे महानगरपालिका आणि विविध संस्थांच्या संयुक्त सहभागातून स्वच्छ सर्वेक्षण अभियानांतर्गत कात्रज घाट परिसरात विशेष स्वच्छता अभियान यशस्वीरित्या राबवण्यात आले. महानगरपालिका हद्दीपासून सुमारे ३ किलोमीटर अंतरावरील वनविभागाच्या क्षेत्रात तसेच परिसरातील जंगलामध्ये मोठ्या प्रमाणावर प्लास्टिक, वैद्यकीय कचरा आणि इतर घनकचरा साचल्याचे निदर्शनास आल्यानंतर, मा. स्वच्छ सर्वेक्षण ब्रँड ॲम्बेसिडर श्री. विक्रांत सिंग आणि धनकवडी-कात्रज-आंबेगाव क्षेत्रीय कार्यालयाच्या संयुक्त विद्यमाने २० आणि २१ जून २०२६ रोजी ही मोहीम हाती घेण्यात आली. २० जून २०२६ रोजी कात्रज घाटातील वनक्षेत्रात यांत्रिक साधनांच्या साहाय्याने रस्त्याच्या कडेला साचलेला कचरा हटवून परिसराची स्वच्छता करण्यात आली. त्यानंतर, २१ जून २०२६ रोजी सुमारे ३५० विद्यार्थी, स्वयंसेवक तसेच पुणे महानगरपालिकेच्या मा. सहाय्यक आयुक्त सौ. सुरेखा भणगे, मा. वरिष्ठ आरोग्य निरीक्षक श्री. विक्रम काथवटे, मा. श्री. संतोष भाईक, सर्व स्वच्छता निरीक्षक आणि २२० सफाई सेवक यांच्या सहभागातून कात्रज घाट परिसरातील कचरा, राडारोडा, प्लास्टिक बाटल्या व इतर घनकचरा हटवून परिसर स्वच्छ करण्यात आला. या मोहिमेत अंदाजे ५० ते ५५ मेट्रिक टन कचरा संकलित करण्यात आला. वाहन विभागामार्फत या कामासाठी २ जेसीबी, १ क्रेन, ५ हायवा, २ कॉम्पॅक्टर आणि १० छोटा हत्ती वाहने उपलब्ध करून देण्यात आली होती. या स्वच्छता मोहिमेस मा. महापौर सौ. मंजुषा नागपुरे, मा. प्रभाग समिती अध्यक्षा सौ. प्रतिभा चोरघे, मा. नगरसेविका सौ. स्मिता कोंढरे, मा. नगरसेवक श्री. व्यंकोजी खोपडे, मा. ज्येष्ठ अभिनेते श्री. सयाजी शिंदे, मा. समाजसेवक श्री. दीपक नागपुरे आणि मा. श्री. बापू चोरघे यांनी भेट देऊन नागरिकांना परिसरात कचरा न टाकण्याचे आवाहन केले. तसेच, वन विभागाच्या अधिकाऱ्यांना भविष्यात आवश्यक दक्षता घेण्याबाबत सूचना करण्यात आल्या. मोहिमेमध्ये मा. स्वच्छता ब्रँड ॲम्बेसिडर श्री. अविनाश मिनसे व मा. सौ. रुपाली मगर, डॉक्टर असोसिएशनचे मा. डॉ. राहुल सावंत, तसेच क्षेत्रीय कार्यालयातील अधिकारी व कर्मचारी पूर्ण वेळ उपस्थित होते. महापालिकेच्या विविध क्षेत्रीय कार्यालयांतील स्वच्छता ब्रँड ॲम्बेसिडर, विविध सामाजिक संस्था, विद्यार्थी, माजी सैनिक, लोकप्रतिनिधी, आपत्ती व्यवस्थापन विभागातील कर्मचारी, वन विभाग तसेच क्षेत्रीय कार्यालयातील विविध यंत्रणांच्या सक्रिय सहभागामुळे ही पावसाळापूर्व स्वच्छता मोहीम यशस्वीरित्या पार पडली. विशेष म्हणजे, ही मोहीम महापालिका हद्दीबाहेरील वनक्षेत्रात राबविण्यात आली असली तरी, पर्यावरण संवर्धन आणि नैसर्गिक संपत्तीचे जतन ही सामूहिक जबाबदारी असल्याच्या भावनेतून पुणे महानगरपालिका प्रशासनाने यात पुढाकार घेतला. शहरालगतचे हे वनक्षेत्र अधिक स्वच्छ, सुरक्षित आणि सुंदर राहावे, यासाठी करण्यात आलेल्या या व्यापक "डीप क्लीन ड्राइव्ह"मुळे स्वच्छता आणि पर्यावरण संवर्धनाचा एक नवा आदर्श निर्माण झाला आहे.

पत्रकार सुधाकर गायकवाड

Advertising agency Pune City, Maharashtra•

1 hr ago

पुणे महानगरपालिका आणि विविध संस्थांच्या संयुक्त सहभागातून स्वच्छ सर्वेक्षण अभियानांतर्गत कात्रज घाट परिसरात विशेष स्वच्छता अभियान यशस्वीरित्या राबवण्यात आले. महानगरपालिका हद्दीपासून सुमारे ३ किलोमीटर अंतरावरील वनविभागाच्या क्षेत्रात तसेच परिसरातील जंगलामध्ये मोठ्या प्रमाणावर प्लास्टिक, वैद्यकीय कचरा आणि इतर घनकचरा साचल्याचे निदर्शनास आल्यानंतर, मा. स्वच्छ सर्वेक्षण ब्रँड ॲम्बेसिडर श्री. विक्रांत सिंग आणि धनकवडी-कात्रज-आंबेगाव क्षेत्रीय कार्यालयाच्या संयुक्त विद्यमाने २० आणि २१ जून २०२६ रोजी ही मोहीम हाती घेण्यात आली. २० जून २०२६ रोजी कात्रज घाटातील वनक्षेत्रात यांत्रिक साधनांच्या साहाय्याने रस्त्याच्या कडेला साचलेला कचरा हटवून परिसराची स्वच्छता करण्यात आली. त्यानंतर, २१ जून २०२६ रोजी सुमारे ३५० विद्यार्थी, स्वयंसेवक तसेच पुणे महानगरपालिकेच्या मा. सहाय्यक आयुक्त सौ. सुरेखा भणगे, मा. वरिष्ठ आरोग्य निरीक्षक श्री. विक्रम काथवटे, मा. श्री. संतोष भाईक, सर्व स्वच्छता निरीक्षक आणि २२० सफाई सेवक यांच्या सहभागातून कात्रज घाट परिसरातील कचरा, राडारोडा, प्लास्टिक बाटल्या व इतर घनकचरा हटवून परिसर स्वच्छ करण्यात आला. या मोहिमेत अंदाजे ५० ते ५५ मेट्रिक टन कचरा संकलित करण्यात आला. वाहन विभागामार्फत या कामासाठी २ जेसीबी, १ क्रेन, ५ हायवा, २ कॉम्पॅक्टर आणि १० छोटा हत्ती वाहने उपलब्ध करून देण्यात आली होती. या स्वच्छता मोहिमेस मा. महापौर सौ. मंजुषा नागपुरे, मा. प्रभाग समिती अध्यक्षा सौ. प्रतिभा चोरघे, मा. नगरसेविका सौ. स्मिता कोंढरे, मा. नगरसेवक श्री. व्यंकोजी खोपडे, मा. ज्येष्ठ अभिनेते श्री. सयाजी शिंदे, मा. समाजसेवक श्री. दीपक नागपुरे आणि मा. श्री. बापू चोरघे यांनी भेट देऊन नागरिकांना परिसरात कचरा न टाकण्याचे आवाहन केले. तसेच, वन विभागाच्या अधिकाऱ्यांना भविष्यात आवश्यक दक्षता घेण्याबाबत सूचना करण्यात आल्या. मोहिमेमध्ये मा. स्वच्छता ब्रँड ॲम्बेसिडर श्री. अविनाश मिनसे व मा. सौ. रुपाली मगर, डॉक्टर असोसिएशनचे मा. डॉ. राहुल सावंत, तसेच क्षेत्रीय कार्यालयातील अधिकारी व कर्मचारी पूर्ण वेळ उपस्थित होते. महापालिकेच्या विविध क्षेत्रीय कार्यालयांतील स्वच्छता ब्रँड ॲम्बेसिडर, विविध सामाजिक संस्था, विद्यार्थी, माजी सैनिक, लोकप्रतिनिधी, आपत्ती व्यवस्थापन विभागातील कर्मचारी, वन विभाग तसेच क्षेत्रीय कार्यालयातील विविध यंत्रणांच्या सक्रिय सहभागामुळे ही पावसाळापूर्व स्वच्छता मोहीम यशस्वीरित्या पार पडली. विशेष म्हणजे, ही मोहीम महापालिका हद्दीबाहेरील वनक्षेत्रात राबविण्यात आली असली तरी, पर्यावरण संवर्धन आणि नैसर्गिक संपत्तीचे जतन ही सामूहिक जबाबदारी असल्याच्या भावनेतून पुणे महानगरपालिका प्रशासनाने यात पुढाकार घेतला. शहरालगतचे हे वनक्षेत्र अधिक स्वच्छ, सुरक्षित आणि सुंदर राहावे, यासाठी करण्यात आलेल्या या व्यापक "डीप क्लीन ड्राइव्ह"मुळे स्वच्छता आणि पर्यावरण संवर्धनाचा एक नवा आदर्श निर्माण झाला आहे.