Shuru
Apke Nagar Ki App…
திருச்சி மாவட்டம் தொட்டியம் வட்டத்தில் உள்ள பிடாரமங்கலத்தில் நாளை (13ஆம் தேதி) கால்நடைகளுக்கான கோமாரி தடுப்பூசி முகாம் நடைபெற உள்ளது. தேவர்மலை, கவுண்டனூர் மற்றும் எல்லமேடு உள்ளிட்ட பகுதிகளில் உள்ள ஆடு, மாடுகளுக்கு இந்த கோமாரி தடுப்பூசி முகாம் நடைபெற உள்ளதால், சம்பந்தப்பட்ட பகுதி விவசாயிகள் மற்றும் பொதுமக்கள் அனைவரும் இந்த முகாமினைப் பயன்படுத்திக் கொள்ளுமாறு கால்நடை மருத்துவம் சார்பில் வேண்டுகோள் விடுக்கப்பட்டுள்ளது.
Kumar kumar
திருச்சி மாவட்டம் தொட்டியம் வட்டத்தில் உள்ள பிடாரமங்கலத்தில் நாளை (13ஆம் தேதி) கால்நடைகளுக்கான கோமாரி தடுப்பூசி முகாம் நடைபெற உள்ளது. தேவர்மலை, கவுண்டனூர் மற்றும் எல்லமேடு உள்ளிட்ட பகுதிகளில் உள்ள ஆடு, மாடுகளுக்கு இந்த கோமாரி தடுப்பூசி முகாம் நடைபெற உள்ளதால், சம்பந்தப்பட்ட பகுதி விவசாயிகள் மற்றும் பொதுமக்கள் அனைவரும் இந்த முகாமினைப் பயன்படுத்திக் கொள்ளுமாறு கால்நடை மருத்துவம் சார்பில் வேண்டுகோள் விடுக்கப்பட்டுள்ளது.
More news from தமிழ்நாடு and nearby areas
- திருச்சி மாவட்டம் தொட்டியம் வட்டம் எம். புதூரில் உள்ள தமிழக அரசின் வாழைப்பழம் பதப்படுத்தும் குடோனை உடனடியாக திறக்க வேண்டும் என்று இந்திய கம்யூனிஸ்ட் கட்சியின் ஒன்றிய செயலாளர் சதீஷ்குமார் கோரிக்கை விடுத்துள்ளார். இந்த குடோன் கட்டி முடிக்கப்பட்டு சுமார் 20 முதல் 25 ஆண்டுகள் கடந்த நிலையிலும், இதுவரை பயன்பாட்டுக்கு வராமல் கிடப்பில் போடப்பட்டுள்ளது. இதனால், புதிதாக வந்துள்ள தமிழக அரசு போர்க்கள அடிப்படையில் உரிய நடவடிக்கை மேற்கொண்டு, விவசாயிகளின் இந்தக் கோரிக்கையை நிறைவேற்ற வேண்டும் என்று வலியுறுத்தப்பட்டுள்ளது.1Kumar kumar
- திருச்சிராப்பள்ளி மாவட்டம் முசிறி பகுதியில் தங்களது கண் முன்பாகவே தங்களின் வீடு இடிக்கப்படுவதைக் கண்டு மக்கள் கதறி அழுது தங்களது வேதனையை வெளிப்படுத்தியுள்ளனர். தங்களது சொந்த வீடு தங்களது கண் முன்னாடியே இப்படி இடிக்கப்படுகிறதே என்று மக்கள் கண்ணீர் விட்டு கதறி அழுது தங்களது பெருந்துயரத்தை வெளிப்படுத்தியுள்ளனர்.1Mohanraj
- திருச்சி மாவட்டம் மணப்பாறையை அடுத்த ராஜிவ் நகரில் அமைந்துள்ள மீனாட்சி சுந்தரேஸ்வரர் திருக்கோயிலில் பிரதோஷ வழிபாடு மிகச் சிறப்பாக நடைபெற்றது. இந்த வழிபாட்டின் போது நத்திகேஸ்வரருக்கு பால், தயிர், இளநீர், திருமஞ்சனப் பொடி உள்ளிட்ட 16 வகையான சிறப்பு அபிஷேகங்கள் செய்யப்பட்டன. இக்கோயிலில் கடந்த மாதம் கும்பாபிஷேக விழா நடைபெற்ற நிலையில், அதனைத் தொடர்ந்து நேற்று முதல் பிரதோஷ விழா நடைபெற்றது. இதனைத் தொடர்ந்து மீனாட்சி சுந்தரேஸ்வரரின் உலா நடைபெற்றதோடு, சிறப்பு அலங்காரத்துடன் தீபாராதனை காட்டப்பட்டது. இந்த வழிபாட்டில் திரளான பக்தர்கள் கலந்து கொண்டு சுவாமி தரிசனம் செய்தனர்.1Usha arun News
- திருச்சி மாவட்டம் மணப்பாறை அருகே மேட்டுக்கடை பகுதியில் இயங்கி வரும் அரசு மதுக்கடையை மூடக்கோரி அப்பகுதி பெண்கள் திரண்டு வந்து கடைக்கு பூட்டு போட்டு சுமார் 2 மணி நேரம் தொடர் போராட்டத்தில் ஈடுபட்டனர். இந்த போராட்டத்தின் போது வள்ளிக்கண்ணு என்ற மூதாட்டி திடீரென மயங்கி விழுந்ததால் அங்கு பெரும் பரபரப்பு ஏற்பட்டது. உடனடியாக அந்த மூதாட்டி ஆம்புலன்ஸ் மூலம் மணப்பாறை அரசு மருத்துவமனைக்கு சிகிச்சைக்காக அனுப்பி வைக்கப்பட்டார். மூதாட்டி மயங்கி விழுந்த சம்பவத்தால் ஆத்திரமடைந்த பொதுமக்கள் போராட்டத்தை மேலும் தீவிரப்படுத்தினர். இதையடுத்து சம்பவ இடத்திற்கு வந்த காவல்துறையினர் போராட்டத்தில் ஈடுபட்ட பெண்களிடம் பேச்சுவார்த்தை நடத்தினர். அப்போது, திங்கட்கிழமை அன்று இது தொடர்பாக ஆலோசனை கூட்டம் நடத்துவதாக போலீசார் உறுதியளித்ததை அடுத்து, பெண்கள் போராட்டத்தை கைவிட்டு அங்கிருந்து கலைந்து சென்றனர்.1Lakshmanan
- கரூர் தமிழ்நாடு அரசு ஊழியர் சங்க கட்டிடத்தில் தமிழ்நாடு நிலஅளவை அலுவலர்கள் ஒன்றிப்பின் மாவட்ட பொதுக்குழு கூட்டம் ஞாயிற்றுக்கிழமை காலை 10:00 மணிக்கு நடைபெற்றது. மாவட்டத் தலைவர் தோழர் மு. மகேந்திரன் தலைமையில் நடைபெற்ற இக்கூட்டத்தில், மாநில துணைத் தலைவர் தோழர் செ. முருகேசன் சிறப்புரையாற்றினார். இதனைத் தொடர்ந்து, மாநிலத் தலைவர் தோழர் ஜெ. ராஜா நிறைவுரையாற்றி, ஒன்றிப்பின் செயல்பாடுகள் மற்றும் எதிர்கால பணிகள் குறித்து விரிவாக எடுத்துரைத்தார். நிகழ்ச்சியின் நிறைவில் மாவட்ட இணைச் செயலாளர் தோழர் எ. குணசுந்தரி நன்றியுரை வழங்கிய இக்கூட்டத்தில், அரசு ஊழியர்கள் மற்றும் நிலஅளவை அலுவலர்கள் ஏராளமானோர் கலந்து கொண்டனர்.1Karur Wood's Tv
- தஞ்சாவூர் மாவட்டம் திருவையாறு பகுதியில் குளத்தை தூர்வார வேண்டும் என்ற கோரிக்கை எழுந்துள்ளது. அத்துடன், அங்கு வளர்ந்துள்ள வேலிக் கருவை மரங்களை வெட்ட வேண்டும் என்றும் வலியுறுத்தப்பட்டுள்ளது.1தமிழ் எடிசன்
- திருச்சி மாவட்டம் தொட்டியம் வட்டம் காட்டுப்பட்டியில் அமைந்துள்ள ஸ்ரீ மதுர காளியம்மன் கோவில் திருவிழா இன்றுடன் தொடங்குவதையொட்டி சிறப்பு பூஜைகள் நடத்தப்பட்டன. இவ்விழாவையொட்டி, மூலவர் மதுரகாளியம்மன், விநாயகர், முருகன் மற்றும் கருப்பண்ணசாமி உள்ளிட்ட பரிவார தெய்வங்களுக்குச் சிறப்பு அபிஷேகங்களும் ஆராதனைகளும் செய்யப்பட்டன. இந்தத் திருவிழா பூஜையில் காட்டுப்புத்தூர், காந்திநகர், கணபதிபாளையம், சீதப்பட்டி மற்றும் தவிட்டுப்பாளையம் உள்ளிட்ட சுற்றுவட்டாரப் பகுதிகளைச் சேர்ந்த ஏராளமான பொதுமக்களும் பக்தர்களும் திரளாகக் கலந்துகொண்டு சாமி தரிசனம் செய்தனர்.1Kumar kumar
- சேலம் மாவட்டம் கெங்கவல்லி அருகே உள்ள ஒதியத்தூர் ஊராட்சியில், இரண்டாவது நாளாக ஐந்து மாவட்டங்களைச் சேர்ந்த போலீசார் குவிக்கப்பட்டு தீவிர பாதுகாப்புப் பணியில் ஈடுபட்டு வருவதால் அப்பகுதியில் பரபரப்பு நிலவி வருகிறது. அசம்பாவிதங்கள் ஏதும் ஏற்படாமல் தடுப்பதற்காக, பகல் மற்றும் இரவு முழுவதும் பலத்த போலீஸ் பாதுகாப்புப் பணி தொடர்ந்து மேற்கொள்ளப்பட்டு வருகிறது. இதற்கிடையில், சிலைகள் மூடப்பட்டிருந்த இடத்தை ஆத்தூர் கோட்டாட்சியர் தமிழ்மணி தலைமையில் அதிகாரிகள் நேரில் பார்வையிட்டு ஆய்வு செய்தனர். சட்டம் ஒழுங்கு பிரச்சனை ஏதும் ஏற்படாமல் தடுக்கவே இந்த பலத்த போலீஸ் பாதுகாப்பு போடப்பட்டுள்ளது.1Selva
