फादर्स डेच्या पार्श्वभूमीवर, फेस्कॉम उत्तर मराठवाडा प्रादेशिक विभागाचे संस्थापक अध्यक्ष डॉ. हंसराज वैद्य यांनी महाराष्ट्र शासनाकडे राज्यातील 60 वर्षांवरील सर्व ज्येष्ठ नागरिकांसाठी 'लाडके मायबाप योजना' जाहीर करून त्यांना दरमहा किमान 5000 रुपये मानधन देण्याची मागणी केली आहे. नांदेड येथे २० जून रोजी ही मागणी करण्यात आली. डॉ. वैद्य यांनी प्रसिद्धीस दिलेल्या निवेदनात म्हटले आहे की, आयुष्यभर कुटुंबासाठी कष्ट करणारे वडील आणि ज्येष्ठ नागरिक वृद्धापकाळात आर्थिक अडचणींचा सामना करत आहेत. सामाजिक न्याय विभागाकडून सध्या मिळणारी १५०० रुपयांची पेन्शन औषधोपचार, दैनंदिन खर्च आणि जीवनावश्यक गरजांसाठी अपुरी ठरत आहे. ज्येष्ठ नागरिक हे समाजाचे अनुभवसंपन्न भांडार असून, त्यांना सन्मानाने जगण्याचा हक्क राज्यघटनेने दिला आहे. आयुष्यभर कुटुंबासाठी झटणाऱ्या माता-पित्यांना वृद्धापकाळात आर्थिक असुरक्षिततेचा सामना करावा लागू नये यासाठी 'लाडके मायबाप योजना' ही काळाची गरज असल्याचे डॉ. वैद्य यांनी स्पष्ट केले. याच मागणीसाठी १० जून २०२६ रोजी नांदेड येथे दहा हजार ज्येष्ठ नागरिकांनी मूक फेरी काढून 'वृद्धत्व हा गुन्हा नाही' असा संदेश दिला होता. डॉ. वैद्य यांनी भारतीय संविधानातील कलम १४ (समानतेचा हक्क), कलम १५ (भेदभावास मनाई) आणि कलम २१ (सन्मानाने जगण्याचा हक्क) यांच्या आधारे ज्येष्ठ नागरिकांना न्याय मिळावा, अशी भूमिका मांडली. या आंदोलनाची १६ राष्ट्रीय व स्थानिक दैनिकांनी दखल घेतली असून, शासनाकडे २१ पुरावे सादर करण्यात आले आहेत. मुख्य सचिव कार्यालयाकडून १८ जून २०२६ रोजी संबंधित कार्यवाहीबाबत आदेश प्राप्त झाल्याचेही त्यांनी नमूद केले. 'लाडकी बहीण' आणि 'लाडका भाऊ' योजनेप्रमाणेच 'लाडके मायबाप योजना' तातडीने लागू करावी, अशी अपेक्षा त्यांनी व्यक्त केली. २२ जूनपासून सुरू होणाऱ्या पावसाळी अधिवेशनात शासनाने या संदर्भातील शासन निर्णय (जीआर) काढावा, अशी त्यांची मागणी आहे. डॉ. हंसराज वैद्य यांनी आवाहन केले की, "बाबांनी आम्हाला आयुष्य दिले, आता शासनाने त्यांना सन्मानाचे आयुष्य द्यावे. वृद्धत्व हा गुन्हा नाही आणि बाबांचा सन्मान म्हणजे महाराष्ट्राचा सन्मान आहे."

Mohammad Rafikh

Graphic designer माहूर, नांदेड, महाराष्ट्र•

16 hrs ago

फादर्स डेच्या पार्श्वभूमीवर, फेस्कॉम उत्तर मराठवाडा प्रादेशिक विभागाचे संस्थापक अध्यक्ष डॉ. हंसराज वैद्य यांनी महाराष्ट्र शासनाकडे राज्यातील 60 वर्षांवरील सर्व ज्येष्ठ नागरिकांसाठी 'लाडके मायबाप योजना' जाहीर करून त्यांना दरमहा किमान 5000 रुपये मानधन देण्याची मागणी केली आहे. नांदेड येथे २० जून रोजी ही मागणी करण्यात आली. डॉ. वैद्य यांनी प्रसिद्धीस दिलेल्या निवेदनात म्हटले आहे की, आयुष्यभर कुटुंबासाठी कष्ट करणारे वडील आणि ज्येष्ठ नागरिक वृद्धापकाळात आर्थिक अडचणींचा सामना करत आहेत. सामाजिक न्याय विभागाकडून सध्या मिळणारी १५०० रुपयांची पेन्शन औषधोपचार, दैनंदिन खर्च आणि जीवनावश्यक गरजांसाठी अपुरी ठरत आहे. ज्येष्ठ नागरिक हे समाजाचे अनुभवसंपन्न भांडार असून, त्यांना सन्मानाने जगण्याचा हक्क राज्यघटनेने दिला आहे. आयुष्यभर कुटुंबासाठी झटणाऱ्या माता-पित्यांना वृद्धापकाळात आर्थिक असुरक्षिततेचा सामना करावा लागू नये यासाठी 'लाडके मायबाप योजना' ही काळाची गरज असल्याचे डॉ. वैद्य यांनी स्पष्ट केले. याच मागणीसाठी १० जून २०२६ रोजी नांदेड येथे दहा हजार ज्येष्ठ नागरिकांनी मूक फेरी काढून 'वृद्धत्व हा गुन्हा नाही' असा संदेश दिला होता. डॉ. वैद्य यांनी भारतीय संविधानातील कलम १४ (समानतेचा हक्क), कलम १५ (भेदभावास मनाई) आणि कलम २१ (सन्मानाने जगण्याचा हक्क) यांच्या आधारे ज्येष्ठ नागरिकांना न्याय मिळावा, अशी भूमिका मांडली. या आंदोलनाची १६ राष्ट्रीय व स्थानिक दैनिकांनी दखल घेतली असून, शासनाकडे २१ पुरावे सादर करण्यात आले आहेत. मुख्य सचिव कार्यालयाकडून १८ जून २०२६ रोजी संबंधित कार्यवाहीबाबत आदेश प्राप्त झाल्याचेही त्यांनी नमूद केले. 'लाडकी बहीण' आणि 'लाडका भाऊ' योजनेप्रमाणेच 'लाडके मायबाप योजना' तातडीने लागू करावी, अशी अपेक्षा त्यांनी व्यक्त केली. २२ जूनपासून सुरू होणाऱ्या पावसाळी अधिवेशनात शासनाने या संदर्भातील शासन निर्णय (जीआर) काढावा, अशी त्यांची मागणी आहे. डॉ. हंसराज वैद्य यांनी आवाहन केले की, "बाबांनी आम्हाला आयुष्य दिले, आता शासनाने त्यांना सन्मानाचे आयुष्य द्यावे. वृद्धत्व हा गुन्हा नाही आणि बाबांचा सन्मान म्हणजे महाराष्ट्राचा सन्मान आहे."