ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ ସୂଚନା ଦେଇଛନ୍ତି ଯେ ଆସନ୍ତାକାଲି ଟାଟା ପାୱର କାର୍ଯ୍ୟାଳୟ ଘେରାଓ କରାଯିବ।

ରାଜ୍ୟରେ ଅଘୋଷିତ ବିଦ୍ୟୁତ କାଟକୁ ନେଇ ରାଜନୀତି ସରଗରମ ହୋଇଛି। ଏହି ପ୍ରସଙ୍ଗରେ ଟାଟା ପାୱାର ଉପରେ କାର୍ଯ୍ୟକାରୀ ସଭାପତି ଦୁର୍ଗା ମିଶ୍ର ବର୍ଷିଛନ୍ତି। ଦୁର୍ଗା ମିଶ୍ର ଚେତାବନୀ ଦେଇଛନ୍ତି ଯେ ଅଘୋଷିତ ବିଦ୍ୟୁତ କାଟ ବନ୍ଦ ନହେଲେ ଟାଟା ପାୱାର କାର୍ଯ୍ୟାଳୟ ଘେରାଓ କରାଯିବ।

କୋଡ଼ିଙ୍ଗାମାଳି ଖଣିରେ ଉତ୍ତୋଳନ ବୃଦ୍ଧି ପ୍ରସ୍ତାବକୁ ତୀବ୍ର ବିରୋଧ କରାଯାଉଛି। ଏହି ପ୍ରସଙ୍ଗରେ ଆସନ୍ତା ଜୁନ ୨୫ ତାରିଖରେ ହେବାକୁ ଥିବା ଜନଶୁଣାଣୀକୁ ବନ୍ଦ କରିବା ପାଇଁ ଦାବି କରାଯାଇଛି।

ଦାମନଯୋଡି ଅଁଳାବାଡି କଲୋନୀର ୫୮ ବର୍ଷ ବୟସ୍କା ଲେଲା ବାଘ ଗତ ଜୁନ ୧୭ ତାରିଖ ବୁଧବାର ଭୋରରୁ ନିଖୋଜ ଅଛନ୍ତି। ଏନେଇ ତାଙ୍କ ପରିବାର ପକ୍ଷରୁ ଦାମନଯୋଡି ଥାନାରେ ଅଭିଯୋଗ କରାଯାଇଛି। ଯଦି କେହି ତାଙ୍କର ସନ୍ଧାନ ପାଆନ୍ତି ତେବେ 6370269897 ନମ୍ବରରେ ତୁରନ୍ତ ସୂଚନା ଦେବାକୁ ପରିବାର ଲୋକେ ଅନୁରୋଧ କରିଛନ୍ତି। ପରିବାର ପକ୍ଷରୁ ମିଳିଥିବା ସୂଚନା ଅନୁଯାୟୀ, ଲେଲା ଚଳିତ ମାସ ୧୫ ତାରିଖ ସୋମବାର ଅପରାହ୍ନ ୩ଟା ସମୟରେ ଅଁଳାବାଡି କଲୋନୀର ଝଡିଗୁଡା ସ୍ଥିତ ନିଜ ବାସଭବନରୁ ବାହାରି କଣ୍ଟାବାଉଁଶୁଣୀ ନିକଟ ଲାଡିରେ ରହୁଥିବା ତାଙ୍କ ବଡ଼ ଝିଅ ଘରକୁ ଯାଇଥିଲେ। ସେ ସୋମବାର ଓ ମଙ୍ଗଳବାର ଦୁଇ ଦିନ ଧରି ଝିଅ ଘରେ ରହି ମଙ୍ଗଳବାର ରାତିରେ ସେଠାରେ ଖାଇପିଇ ଶୋଇଥିଲେ। ତେବେ ଝିଅ ଘର ଲୋକେ ଉଠିବା ପୂର୍ବରୁ ଅର୍ଥାତ୍ ବୁଧବାର ଭୋରରୁ ଲେଲା ନିଖୋଜ ହୋଇଯାଇଥିବା ତାଙ୍କ ବଡ଼ ଝିଅ ସୁବର୍ଣ୍ଣ ଖୋରା କହିଛନ୍ତି। ନିଖୋଜ ହେବା ପରଠାରୁ ତାଙ୍କ ଝିଅ, ଜ୍ୱାଇଁ, ପୁଅ, ପୁତୁରା ଏବଂ ଅନ୍ୟ ପରିବାର ଲୋକେ ବନ୍ଧୁବାନ୍ଧବ ଓ ଆଖପାଖ ଅଞ୍ଚଳରେ ବହୁ ଖୋଜାଖୋଜି କରିଥିଲେ ମଧ୍ୟ ଏପର୍ଯ୍ୟନ୍ତ ଲେଲାଙ୍କର କୌଣସି ପତ୍ତା ମିଳିନାହିଁ ବୋଲି ସୁବର୍ଣ୍ଣ ପ୍ରକାଶ କରିଛନ୍ତି। ପରିବାର ଲୋକେ ଆହୁରି କହିଛନ୍ତି ଯେ ଲେଲା ଜଣେ ଅତି ନିରିହ ସ୍ୱଭାବର ବ୍ୟକ୍ତି ହୋଇଥିବାବେଳେ ତାଙ୍କର କାହାରି ସହିତ କୌଣସି ଶତ୍ରୁତା ନାହିଁ। ଗୁରୁବାର ଦିନ ଦାମନଯୋଡି ଥାନାରେ ଏନେଇ ଲିଖିତ ଏତଲା ଦିଆଯାଇଛି। ସୁବର୍ଣ୍ଣ ପୁଣିଥରେ ଅନୁରୋଧ କରିଛନ୍ତି ଯେ ଯଦି କେହି ଲେଲାଙ୍କ ସନ୍ଧାନ ପାଆନ୍ତି ତେବେ ଦିଆଯାଇଥିବା ନମ୍ବର 6370269897 ରେ ଜଣାଇବାକୁ।

ଜୟପୁରରେ ଦୁର୍ବୃତ୍ତମାନେ ସୁନା ଓ ରୁପା ଅଳଙ୍କାର ଲୁଟି ନେଇଥିବା ଘଟଣା ସାମ୍ନାକୁ ଆସିଛି।

ନବରଙ୍ଗପୁର ଜିଲ୍ଲାର କୋଷାଗୁମୁଡା ପଞ୍ଚାୟତ ସମିତି କାର୍ଯ୍ୟାଳୟଠାରେ ବ୍ଲକ ସ୍ତରୀୟ 'ବିକାଶର ଧାରା ଓଡିଶା ସାରା' କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ଏହି କାର୍ଯ୍ୟକ୍ରମକୁ ନବରଙ୍ଗପୁରର ମାନ୍ୟବର ବିଧାୟକ ତଥା ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ଶ୍ରୀ ଗୌରୀ ଶଙ୍କର ମାଝୀ ଆରମ୍ଭ କରିଛନ୍ତି।

ଓଡ଼ିଆ ସ୍କୁଲ ପାଠ୍ୟପୁସ୍ତକରେ ଦେଖାଦେଇଥିବା ଗୁରୁତର ତ୍ରୁଟି ଘଟଣାକୁ ନେଇ ଏବେ ଏକ ତିନି ଜଣିଆ କମିଟି ଗଠନ କରାଯାଇଛି। ଏହି ଘଟଣାର ତଦନ୍ତ କରି ସାତ ଦିନ ମଧ୍ୟରେ ରିପୋର୍ଟ ଦାଖଲ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା କଥା ଗଣଶିକ୍ଷା ମନ୍ତ୍ରୀ ସ୍ପଷ୍ଟ କରିଛନ୍ତି।

ନବରଙ୍ଗପୁର ଜିଲ୍ଲାର କୋଷାଗୁମୁଡ଼ା ବ୍ଲକରେ “ବିକାଶ ଧାରା ଓଡ଼ିଶା ସାରା” କାର୍ଯ୍ୟକ୍ରମ ଆୟୋଜିତ ହୋଇଛି। ଏହି କାର୍ଯ୍ୟକ୍ରମରେ ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ ଉପସ୍ଥିତ ରହି ଯୋଗଦାନ କରିଥିଲେ। ବିଧାୟକ ଗୌରୀ ଶଙ୍କର ମାଝୀ ଓଡ଼ିଶା ସରକାର ଏବଂ କେନ୍ଦ୍ର ସରକାରଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ। ସେ କହିଥିଲେ ଯେ ଏହି କାର୍ଯ୍ୟଗୁଡ଼ିକ ଲୋକଙ୍କ ହିତରେ ସମ୍ପାଦିତ ହୋଇଛି ଏବଂ ଆଗାମୀ ଦିନରେ ମଧ୍ୟ ଏହା ଜାରି ରହିବ।

ଜୟପୁର ସହରର ପ୍ରସିଦ୍ଧ ବାଙ୍କମଠ ମନ୍ଦିରରେ ଘଟିଥିବା ଚୋରୀ ଘଟଣାର ତଦନ୍ତ ଟାଉନ୍ ଥାନା ପୋଲିସ ଆରମ୍ଭ କରିଛି।