चंद्रपूर जिल्ह्यातील वेकोलीच्या धोपटाळा टाऊनशिपमधील वसाहतमध्ये शुक्रवारी (ता. २९) रात्री शीतल कुंभारे या महिलेची धारदार शस्त्राने गळा चिरून हत्या करण्यात आली होती. या प्रकरणी स्थानिक गुन्हे शाखेच्या चंद्रपूर पथकाने आरोपी राजेश व्यंकय्या अटेल्ला याला आज, ३० मे रोजी सायंकाळी तेलंगणा राज्यातील मंचेरियाल येथून अटक केली आहे. मृतक शीतल तिच्या मुलीच्या शाळेला उन्हाळ्याच्या सुट्ट्या लागल्यामुळे आपल्या आईकडे वेकोलीच्या क्वॉर्टरमध्ये राहण्यासाठी आली होती, अशी माहिती तिच्या पतीने दिलेल्या तक्रारीत नमूद आहे. घटनेच्या आदल्या दिवशी सायंकाळी पाच वाजता शीतल आणि तिच्या मुलीने फोनवर पतीसोबत बोलले होते. हत्येच्या वेळी मृतकाची आई व भाऊ त्यांच्या घरी आलेल्या पाहुण्यांना कालेश्वर येथे सोडायला गेले होते, त्यामुळे मुलगी आणि मृतक शीतल घरीच होत्या. मुलीच्या सांगण्यानुसार, मुलगी आणि तिची आई रात्री एकाच बेडवर झोपल्या होत्या. सकाळी उठल्यानंतर आई न दिसल्याने मुलीने मागच्या खोलीत जाऊन पाहिले असता, शीतल रक्ताच्या थारोळ्यात खाटेवर पालथी पडलेली आढळली. या घटनेची माहिती मुलीने शेजाऱ्यांना दिली, ज्यांनी नंतर मृतकाच्या पतीला व राजुरा पोलिसांना कळवले. पोलिसांनी घटनास्थळी केलेल्या पंचनाम्यात मृतदेहाजवळ रक्ताने हात पुसलेला रुमाल आढळून आला. महिलेच्या गळ्यावर धारदार शस्त्राने वार केल्याचे स्पष्ट झाले. घटनास्थळावरून मृतकाचा मोबाईल आरोपी घेऊन पळून गेल्याचे तपासात दिसून आले. आरोपी राजेश अटेल्ला घटनेनंतर राजुरा येथे गेला आणि तिथून तेलंगणा राज्यातील मंचेरियाल येथे पळून गेला होता. जिल्हा पोलीस अधीक्षक आयुष नोपाणी, अप्पर पोलीस अधीक्षक ईश्वर कातकडे आणि राजुराचे उपविभागीय पोलीस अधिकारी सुधीर नंदनवार यांच्या मार्गदर्शनाखाली राजुरा पोलीस निरीक्षक आसिफ रजा शेख, स्थानिक गुन्हे शाखेचे पोलीस निरीक्षक अमित कचोरे, पोलीस उपनिरीक्षक विनोद गुरले, सुनील गौरकार, सर्वेश बेलसरे, पोलीस शिपाई हिरालाल गुप्ता, गोपीनाथ नरोटे, शेखर माथनकर, किशोर वाकाटे, संतोष मेलपूलवार, गणेश मोहुर्ले यांनी ही कारवाई करत आरोपीला मंचेरियाल येथून पकडले.

Prakash deogade

Media house चंद्रपूर, चंद्रपूर, महाराष्ट्र•

2 hrs ago

चंद्रपूर जिल्ह्यातील वेकोलीच्या धोपटाळा टाऊनशिपमधील वसाहतमध्ये शुक्रवारी (ता. २९) रात्री शीतल कुंभारे या महिलेची धारदार शस्त्राने गळा चिरून हत्या करण्यात आली होती. या प्रकरणी स्थानिक गुन्हे शाखेच्या चंद्रपूर पथकाने आरोपी राजेश व्यंकय्या अटेल्ला याला आज, ३० मे रोजी सायंकाळी तेलंगणा राज्यातील मंचेरियाल येथून अटक केली आहे. मृतक शीतल तिच्या मुलीच्या शाळेला उन्हाळ्याच्या सुट्ट्या लागल्यामुळे आपल्या आईकडे वेकोलीच्या क्वॉर्टरमध्ये राहण्यासाठी आली होती, अशी माहिती तिच्या पतीने दिलेल्या तक्रारीत नमूद आहे. घटनेच्या आदल्या दिवशी सायंकाळी पाच वाजता शीतल आणि तिच्या मुलीने फोनवर पतीसोबत बोलले होते. हत्येच्या वेळी मृतकाची आई व भाऊ त्यांच्या घरी आलेल्या पाहुण्यांना कालेश्वर येथे सोडायला गेले होते, त्यामुळे मुलगी आणि मृतक शीतल घरीच होत्या. मुलीच्या सांगण्यानुसार, मुलगी आणि तिची आई रात्री एकाच बेडवर झोपल्या होत्या. सकाळी उठल्यानंतर आई न दिसल्याने मुलीने मागच्या खोलीत जाऊन पाहिले असता, शीतल रक्ताच्या थारोळ्यात खाटेवर पालथी पडलेली आढळली. या घटनेची माहिती मुलीने शेजाऱ्यांना दिली, ज्यांनी नंतर मृतकाच्या पतीला व राजुरा पोलिसांना कळवले. पोलिसांनी घटनास्थळी केलेल्या पंचनाम्यात मृतदेहाजवळ रक्ताने हात पुसलेला रुमाल आढळून आला. महिलेच्या गळ्यावर धारदार शस्त्राने वार केल्याचे स्पष्ट झाले. घटनास्थळावरून मृतकाचा मोबाईल आरोपी घेऊन पळून गेल्याचे तपासात दिसून आले. आरोपी राजेश अटेल्ला घटनेनंतर राजुरा येथे गेला आणि तिथून तेलंगणा राज्यातील मंचेरियाल येथे पळून गेला होता. जिल्हा पोलीस अधीक्षक आयुष नोपाणी, अप्पर पोलीस अधीक्षक ईश्वर कातकडे आणि राजुराचे उपविभागीय पोलीस अधिकारी सुधीर नंदनवार यांच्या मार्गदर्शनाखाली राजुरा पोलीस निरीक्षक आसिफ रजा शेख, स्थानिक गुन्हे शाखेचे पोलीस निरीक्षक अमित कचोरे, पोलीस उपनिरीक्षक विनोद गुरले, सुनील गौरकार, सर्वेश बेलसरे, पोलीस शिपाई हिरालाल गुप्ता, गोपीनाथ नरोटे, शेखर माथनकर, किशोर वाकाटे, संतोष मेलपूलवार, गणेश मोहुर्ले यांनी ही कारवाई करत आरोपीला मंचेरियाल येथून पकडले.