വിതുര ആത്മ കിരണം ചാരിറ്റബിൾ ട്രസ്റ്റിൻ്റെ വാർഷികാഘോഷമായ 'സ്മൃതി 2026' മേയ് 27ന് വിതുര ഗ്രാമ പഞ്ചായത്ത് കമ്യൂണിറ്റി ഹാളിൽ നടക്കും. സഹജീവി സ്നേഹത്തിലും ജീവകാരുണ്യ പ്രവർത്തനത്തിലും വ്യക്തിമുദ്ര പതിപ്പിച്ച ട്രസ്റ്റിൻ്റെ പരിപാടി സ്വാമി ഗുരുരത്നം ജ്ഞാനതപസ്വി ഉദ്ഘാടനം ചെയ്യും. വിവിധ സാമൂഹിക-സാംസ്കാരിക രംഗങ്ങളിലെ പ്രമുഖ വ്യക്തിത്വങ്ങൾ ചടങ്ങിൽ പങ്കെടുക്കും.

തിരുവനന്തപുരത്തു നിന്നുള്ള പുതിയ കവിത 'ഭാദവ റാണി' ഇപ്പോൾ വായിക്കാം. മനോഹരമായ ഈ വരികൾ വായനക്കാർക്ക് വേറിട്ട അനുഭവം നൽകും.

ഒറ്റപ്പാലത്ത് യുവതിയെ വാടക വീട്ടിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി ഒറ്റപ്പാലം അശ്വിനി ആശുപത്രിക്ക് സമീപത്ത് ആണ് യുവതിയെ വാടക വീട്ടിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. തമിഴ്‌നാട് സേലം സ്വദേശി 23 കാരി കൃഷ്ണവേണി ആണ് മരിച്ചത്. ശനിയാഴ്ച അർധരാത്രി 12.15ഓടെയാണ് കൃഷ്ണവേണിയെ മരിച്ച നിലയിൽ കണ്ടെത്തിയത്. വാടക വീട്ടിൽ അടുത്ത മുറിയിൽ ഉളളവർ നോക്കുമ്പോഴാണ് കിടക്കയിൽ യുവതി മരിച്ചു കിടക്കുന്നത് കാണുന്നത്. പോസ്റ്റ് മോർട്ടത്തിന് ശേഷം മാത്രമേ മരണകാരണം വ്യക്തമാക്കുകയുള്ളൂ. കൃഷ്ണവേണിയുടെ ഭർത്താവ് ആത്തൂർ സ്വദേശി മണികണ്ഠനെ ഒറ്റപ്പാലം പോലീസ് കസ്റ്റഡിയിൽ എടുത്തു. ഭർത്താവ് മണികണ്ഠൻ സ്ഥിരം മദ്യപിച്ച് എത്തി വീട്ടിൽ വഴക്ക് ഉണ്ടാകാറുണ്ടെന്ന് അയൽവാസികൾ പറഞ്ഞു. കൃഷ്ണവേണിയും മദ്യപിക്കാറുണ്ട് എന്നാണ് പറയപ്പെടുന്നത്. കൃഷ്ണവേണി മരിച്ചു കിടക്കുന്ന കണ്ടെത്തിയപ്പോൾ ഭർത്താവ് മണികണ്ഠൻ വീടിന് ചുറ്റുവട്ടത്ത് ഉണ്ടായിരുന്നു എന്നാണ് ലഭിക്കുന്ന വിവരം. ഫോറൻസിക്കിന്റെ പരിശോധനയിൽ യുവതിയുടെ കഴുത്തിൽ പാടുകൾ കണ്ടെത്തി. യുവതി  ദിവസങ്ങൾക്ക് മുൻപ് കഴുത്തിൽ കയർ മുറുക്കി ആത്മഹത്യക്ക് ശ്രമിച്ചതായി ഭർത്താവ്  മൊഴി നൽകിയിട്ടുണ്ട്. ഷൊർണൂർ ഡിവൈഎസ്പി സജു കെ എബ്രഹാമിൻ്റെയും ഒറ്റപ്പാലം SHO യുടെയും നേതൃത്വത്തിൽ അന്വേഷണം ആരംഭിച്ചു.