बीड शहरात शिवसेनेचे नेते श्रीकांत शिंदे यांच्या दौऱ्याच्या निमित्ताने रस्त्याच्या दोन्ही बाजूला मोठ्या प्रमाणावर होर्डिंग्ज, कट-आउट्स आणि हुल लावण्यात आले होते. हे सर्व स्थानिक स्वराज्य संस्थेच्या आचारसंहितेची घोषणा झाल्यानंतर लावण्यात आले होते. या कृतीमुळे आदर्श आचारसंहितेचा भंग झाल्याचे स्पष्ट असून, निवडणूक आयोग यावर कारवाई करणार का, की हा नियम फक्त सर्वसामान्यांसाठीच आहे, अशी चर्चा शहरात सुरू आहे. नेत्याचे किती जवळचे आणि मोठे चाहते आहोत हे दाखवण्यासाठी बीड शहरात कट-आउट्स लावण्याची जणू स्पर्धाच लागली होती. परंतु, या प्रयत्नात नेते आणि कार्यकर्ते हे विसरले की स्थानिक स्वराज्य संस्थेची आचारसंहिता लागू झाली आहे आणि अशा काळात अशा जाहिराती लावता येत नाहीत. बीड नगरपालिकेकडून पोस्टर काढण्यासाठी ‘थातूरमातूर’ कारवाई करण्यात आली, तरीही सत्ताधाऱ्यांकडून हजारो बॅनर्स अनधिकृतपणे रस्त्याच्या दुतर्फा लावण्यात आले होते. या सर्व प्रकारामुळे निवडणूक आयोगाच्या भूमिकेवर प्रश्नचिन्ह उपस्थित केले जात आहे; नागरिक विचारत आहेत की निवडणूक आयोग ‘झोपेचं सोंग’ करत आहे का. सर्वसामान्यांसाठी एक न्याय आणि राजकीय सत्ताधाऱ्यांसाठी वेगळा न्याय आहे का, असा सवालही विचारला जात आहे. या संपूर्ण प्रकरणावर निवडणूक आयोग काय कारवाई करते, याकडे बीडमधील सर्वांचे लक्ष लागले आहे.

बालाजी जगतकर

Farmer बीड, बीड, महाराष्ट्र•

14 hrs ago

बीड शहरात शिवसेनेचे नेते श्रीकांत शिंदे यांच्या दौऱ्याच्या निमित्ताने रस्त्याच्या दोन्ही बाजूला मोठ्या प्रमाणावर होर्डिंग्ज, कट-आउट्स आणि हुल लावण्यात आले होते. हे सर्व स्थानिक स्वराज्य संस्थेच्या आचारसंहितेची घोषणा झाल्यानंतर लावण्यात आले होते. या कृतीमुळे आदर्श आचारसंहितेचा भंग झाल्याचे स्पष्ट असून, निवडणूक आयोग यावर कारवाई करणार का, की हा नियम फक्त सर्वसामान्यांसाठीच आहे, अशी चर्चा शहरात सुरू आहे. नेत्याचे किती जवळचे आणि मोठे चाहते आहोत हे दाखवण्यासाठी बीड शहरात कट-आउट्स लावण्याची जणू स्पर्धाच लागली होती. परंतु, या प्रयत्नात नेते आणि कार्यकर्ते हे विसरले की स्थानिक स्वराज्य संस्थेची आचारसंहिता लागू झाली आहे आणि अशा काळात अशा जाहिराती लावता येत नाहीत. बीड नगरपालिकेकडून पोस्टर काढण्यासाठी ‘थातूरमातूर’ कारवाई करण्यात आली, तरीही सत्ताधाऱ्यांकडून हजारो बॅनर्स अनधिकृतपणे रस्त्याच्या दुतर्फा लावण्यात आले होते. या सर्व प्रकारामुळे निवडणूक आयोगाच्या भूमिकेवर प्रश्नचिन्ह उपस्थित केले जात आहे; नागरिक विचारत आहेत की निवडणूक आयोग ‘झोपेचं सोंग’ करत आहे का. सर्वसामान्यांसाठी एक न्याय आणि राजकीय सत्ताधाऱ्यांसाठी वेगळा न्याय आहे का, असा सवालही विचारला जात आहे. या संपूर्ण प्रकरणावर निवडणूक आयोग काय कारवाई करते, याकडे बीडमधील सर्वांचे लक्ष लागले आहे.