उमेदवारांच्या सोशल मीडियावर पोलिसांची नजर जळगाव : महापालिका निवडणुकीचा प्रचार वेगात आला असून राजकीय वातावरणही तापू लागले आहे. प्रचाराचा जोर वाढत असताना निवडणूक आचारसंहितेचा भंग, आक्षेपार्ह मजकूर, भडकावणारी भाषणे किंवा अफवांचा प्रसार होऊ नये यासाठी पोलिस प्रशासनाकडून विशेष खबरदारी घेतली जात आहे. उमेदवारांच्या सोशल मीडियावरील हालचालींवर बारकाईने लक्ष ठेवले जात आहे. महानगरपालिका निवडणूक प्रक्रियेदरम्यान उमेदवारी अर्ज माघारीनंतर प्रचाराला सुरुवात झाली. यामध्ये प्रभागात घरोघर फिरण्यासह मतदारांपर्यंत थेट पोहोचण्यासाठी उमेदवार व कार्यकर्ते सोशल मीडियाचा मोठ्या प्रमाणावर वापर करतात. समाज माध्यमांवर प्रचार व्हिडीओ, पोस्ट, रील्स व संदेशांचा अनावश्यकं मारा सुरू आहे. आक्षेपार्ह मजकूर आढळल्यास कारवाई सोशल मीडिया अकाउंटसवरून प्रसारित होणाऱ्या मजकुरावर लक्ष ठेवले जात आहे. कोणताही आक्षेपार्ह, समाजात तेढ निर्माण करणारा किंवा चुकीची माहिती पसरवणारा मजकूर आढळल्यास तत्काळ कारवाईचा इशारा दिला आहे. नागरिकांनीही अफवांवर विश्वास न ठेवता संशयास्पद मजकुराबाबत पोलिसांना माहिती द्यावी, असे आवाहन केले आहे. सोशल मीडियाचा वाढता वापर महापालिका निवडणुकीत सर्वच राजकीय पक्षांनी प्रचारासाठी सोशल मीडियाचा प्रभावी वापर सुरू केला आहे. अनेक उमेदवारांनी स्वतंत्र पेज, ग्रुप व प्रचारात्मक व्हिडीओ तयार केले आहेत.

Murlidhar Bari

Jalgaon, Maharashtra•

1 day ago

उमेदवारांच्या सोशल मीडियावर पोलिसांची नजर जळगाव : महापालिका निवडणुकीचा प्रचार वेगात आला असून राजकीय वातावरणही तापू लागले आहे. प्रचाराचा जोर वाढत असताना निवडणूक आचारसंहितेचा भंग, आक्षेपार्ह मजकूर, भडकावणारी भाषणे किंवा अफवांचा प्रसार होऊ नये यासाठी पोलिस प्रशासनाकडून विशेष खबरदारी घेतली जात आहे. उमेदवारांच्या सोशल मीडियावरील हालचालींवर बारकाईने लक्ष ठेवले जात आहे. महानगरपालिका निवडणूक प्रक्रियेदरम्यान उमेदवारी अर्ज माघारीनंतर प्रचाराला सुरुवात झाली. यामध्ये प्रभागात घरोघर फिरण्यासह मतदारांपर्यंत थेट पोहोचण्यासाठी उमेदवार व कार्यकर्ते सोशल मीडियाचा मोठ्या प्रमाणावर वापर करतात. समाज माध्यमांवर प्रचार व्हिडीओ, पोस्ट, रील्स व संदेशांचा अनावश्यकं मारा सुरू आहे. आक्षेपार्ह मजकूर आढळल्यास कारवाई सोशल मीडिया अकाउंटसवरून प्रसारित होणाऱ्या मजकुरावर लक्ष ठेवले जात आहे. कोणताही आक्षेपार्ह, समाजात तेढ निर्माण करणारा किंवा चुकीची माहिती पसरवणारा मजकूर आढळल्यास तत्काळ कारवाईचा इशारा दिला आहे. नागरिकांनीही अफवांवर विश्वास न ठेवता संशयास्पद मजकुराबाबत पोलिसांना माहिती द्यावी, असे आवाहन केले आहे. सोशल मीडियाचा वाढता वापर महापालिका निवडणुकीत सर्वच राजकीय पक्षांनी प्रचारासाठी सोशल मीडियाचा प्रभावी वापर सुरू केला आहे. अनेक उमेदवारांनी स्वतंत्र पेज, ग्रुप व प्रचारात्मक व्हिडीओ तयार केले आहेत.