मिरजगावातील ज्वेलर्स दुकान फोडण्याचा प्रयत्न; पाच अज्ञात चोरट्यांविरुद्ध गुन्हा कर्जत तालुक्यातील मिरजगाव शहरातील क्रांती चौक येथील स्नेहा ज्वेलर्स या सोने-चांदीच्या दुकानाचे शटर तोडून चोरी करण्याचा प्रयत्न केल्याप्रकरणी पाच अज्ञात चोरट्यांविरुद्ध गुन्हा दाखल करण्यात आला आहे. प्रसाद नंदकिशोर पंडित (वय २५) हे मूळचे वाडोणा, ता. घाटंजी, जि. यवतमाळ येथील असून सध्या ते मिरजगाव येथे राहतात. मिरजगाव शहरातील क्रांती चौकात स्नेहा ज्वेलर्स हे सोने-चांदीचे दुकान चालवितात. ९ सप्टेंबर रोजी रात्री साडेआठच्या सुमारास त्यांनी नेहमीप्रमाणे दुकानाचे शटर बंद करून ते घरी गेले होते. १० सप्टेंबर रोजी पहाटे अडीचच्या सुमारास फिर्यादींचे मित्र निलेश कटारे यांनी फोन करून दुकानासमोर काही लोक दिसत असल्याचे सांगितले. त्यानंतर फिर्यादींनी मोबाईलवरून दुकानातील सीसीटीव्ही पाहिले असता चार ते पाच व्यक्ती दुकानाचे शटर तोडण्याचा प्रयत्न करत असल्याचे दिसले. फिर्यादींनी तत्काळ त्यांचे मित्र विजयसिंह बावडकर तसेच पोलिसांना फोन करून घटनास्थळी धाव घेतली. फिर्यादी आणि विजयसिंह बावडकर घटनास्थळी पोहोचले असता पाच अज्ञात व्यक्ती शटर कटावणी, कटर आणि क्रू ड्रायव्हरच्या साहाय्याने तोडण्याचा प्रयत्न करत असल्याचे दिसले. त्यांना पाहताच संबंधित व्यक्तींनी कटर व क्रू ड्रायव्हर तेथेच टाकून दोन मोटारसायकलींवरून पळ काढला. त्याचवेळी पोलिसांचे नाईट राऊंड वाहन घटनास्थळी आले. पोलिसांच्या मदतीने चोरट्यांचा पाठलाग करण्यात आला. पाठलागादरम्यान एका मोटारसायकलवरील चोरटा हळगाव येथील पुलाखालून पुन्हा मिरजगावच्या दिशेने आला. त्यानंतर त्यांनी मोटारसायकल सोडून अंधाराचा फायदा घेत पळ काढला. या प्रकरणी प्रसाद नंदकिशोर पंडित यांच्या फिर्यादीवरून भारतीय न्याय संहितेच्या कलम ३(५), ६२, ३०३(२), ३०५(अ) आणि ३३१(४) अन्वये गुन्हा दाखल करण्यात आला आहे. पाचही आरोपी अज्ञात आहेत.

कर्जत लाईव्ह

Advertising agency कर्जत, अहमदनगर, महाराष्ट्र•

2 hrs ago

मिरजगावातील ज्वेलर्स दुकान फोडण्याचा प्रयत्न; पाच अज्ञात चोरट्यांविरुद्ध गुन्हा कर्जत तालुक्यातील मिरजगाव शहरातील क्रांती चौक येथील स्नेहा ज्वेलर्स या सोने-चांदीच्या दुकानाचे शटर तोडून चोरी करण्याचा प्रयत्न केल्याप्रकरणी पाच अज्ञात चोरट्यांविरुद्ध गुन्हा दाखल करण्यात आला आहे. प्रसाद नंदकिशोर पंडित (वय २५) हे मूळचे वाडोणा, ता. घाटंजी, जि. यवतमाळ येथील असून सध्या ते मिरजगाव येथे राहतात. मिरजगाव शहरातील क्रांती चौकात स्नेहा ज्वेलर्स हे सोने-चांदीचे दुकान चालवितात. ९ सप्टेंबर रोजी रात्री साडेआठच्या सुमारास त्यांनी नेहमीप्रमाणे दुकानाचे शटर बंद करून ते घरी गेले होते. १० सप्टेंबर रोजी पहाटे अडीचच्या सुमारास फिर्यादींचे मित्र निलेश कटारे यांनी फोन करून दुकानासमोर काही लोक दिसत असल्याचे सांगितले. त्यानंतर फिर्यादींनी मोबाईलवरून दुकानातील सीसीटीव्ही पाहिले असता चार ते पाच व्यक्ती दुकानाचे शटर तोडण्याचा प्रयत्न करत असल्याचे दिसले. फिर्यादींनी तत्काळ त्यांचे मित्र विजयसिंह बावडकर तसेच पोलिसांना फोन करून घटनास्थळी धाव घेतली. फिर्यादी आणि विजयसिंह बावडकर घटनास्थळी पोहोचले असता पाच अज्ञात व्यक्ती शटर कटावणी, कटर आणि क्रू ड्रायव्हरच्या साहाय्याने तोडण्याचा प्रयत्न करत असल्याचे दिसले. त्यांना पाहताच संबंधित व्यक्तींनी कटर व क्रू ड्रायव्हर तेथेच टाकून दोन मोटारसायकलींवरून पळ काढला. त्याचवेळी पोलिसांचे नाईट राऊंड वाहन घटनास्थळी आले. पोलिसांच्या मदतीने चोरट्यांचा पाठलाग करण्यात आला. पाठलागादरम्यान एका मोटारसायकलवरील चोरटा हळगाव येथील पुलाखालून पुन्हा मिरजगावच्या दिशेने आला. त्यानंतर त्यांनी मोटारसायकल सोडून अंधाराचा फायदा घेत पळ काढला. या प्रकरणी प्रसाद नंदकिशोर पंडित यांच्या फिर्यादीवरून भारतीय न्याय संहितेच्या कलम ३(५), ६२, ३०३(२), ३०५(अ) आणि ३३१(४) अन्वये गुन्हा दाखल करण्यात आला आहे. पाचही आरोपी अज्ञात आहेत.