लातूर जिल्ह्यातील औसा तालुक्यामधील उटी (बु.) ग्रामपंचायतीने महाराष्ट्र शासनाच्या 'मुख्यमंत्री समृद्ध पंचायत अभियान' स्पर्धेत तालुक्यात प्रथम क्रमांक पटकावून पंचायतराज अभियानात मोठी गरुड झेप घेतली आहे. या कामगिरीबद्दल सर्वत्र अभिनंदन होत असून, हे केवळ एक पुरस्कार नसून गावाच्या सर्वांगीण विकासाचा आणि उत्कृष्ट ग्राम प्रशासनाचा गौरव आहे. उटी (बु.) गावाने एखाद्या शहराला लाजवेल असा विकास साधत अनेक लोकोपयोगी व लोकाभिमुख विकास कामे केली आहेत, ज्यामुळे त्यांना तालुक्यात अव्वल स्थान मिळाले आहे. या यशामागे गटविकास अधिकारी आनंदकुमार मिरगणे, सहाय्यक गटविकास अधिकारी शैलेश बिराजदार, विस्ताराधिकारी बालाजी तेलंग, तसेच ग्रामपंचायत सर्व सदस्य, ग्रामपंचायत अधिकारी, सर्व कर्मचारी आणि उत्साही ग्रामस्थ यांचे विशेष योगदान आहे. गावच्या नेतृत्वानेही यात मोलाची भूमिका बजावली, ज्यात सरपंच सौ. वैशालीताई कांबळे, उपसरपंच रफिक शेख आणि माजी सरपंच ॲड. भालचंद्र पाटील यांनी विशेष पाठपुरावा केला. प्रशासकीय पातळीवर ग्रामपंचायत अधिकारी महेश जगताप यांनी कामाचे चोख नियोजन केले. गावात वृक्ष लागवड, डिजिटल समशानभूमी, पथदिवे, सीसीटीव्ही कॅमेऱ्यांच्या निगराणीखालील गाव, तसेच प्रत्येक रस्त्याच्या कडेने वृक्ष लागवड करून 'ग्रीन गाव' करण्याचा संकल्प यासारख्या अनेक विकासकामांवर 'जे जे नवं तें तें उटी गावला हवा' या संकल्पनेतून भर देण्यात आला आहे. गावच्या विकासाची ही प्रेरणादायी वाटचाल संपूर्ण औसा तालुक्यासाठी एक आदर्श ठरली आहे, ज्यामुळे इतर ग्रामपंचायतींनीही आपल्या गावाचा विकास या धर्तीवर करावा असे आवाहन केले जात आहे. सरपंचांनी या वेळी सांगितले की, केवळ या पुरस्कारावर न थांबता, भविष्यात ग्रामपंचायतीला आणखी मोठमोठे पुरस्कार मिळावेत यासाठी विकासात्मक काम करण्याचा त्यांचा संकल्प आहे. उटी (बु.) गाव उत्तरोत्तर अशीच प्रगती करत राहो आणि महाराष्ट्रात एक 'स्मार्ट आणि समृद्ध गाव' म्हणून आपला लौकिक असाच वाढत राहो अशी सदिच्छा व्यक्त केली जात आहे.

Laxman Ugile

उदगीर, लातूर, महाराष्ट्र•

2 hrs ago

लातूर जिल्ह्यातील औसा तालुक्यामधील उटी (बु.) ग्रामपंचायतीने महाराष्ट्र शासनाच्या 'मुख्यमंत्री समृद्ध पंचायत अभियान' स्पर्धेत तालुक्यात प्रथम क्रमांक पटकावून पंचायतराज अभियानात मोठी गरुड झेप घेतली आहे. या कामगिरीबद्दल सर्वत्र अभिनंदन होत असून, हे केवळ एक पुरस्कार नसून गावाच्या सर्वांगीण विकासाचा आणि उत्कृष्ट ग्राम प्रशासनाचा गौरव आहे. उटी (बु.) गावाने एखाद्या शहराला लाजवेल असा विकास साधत अनेक लोकोपयोगी व लोकाभिमुख विकास कामे केली आहेत, ज्यामुळे त्यांना तालुक्यात अव्वल स्थान मिळाले आहे. या यशामागे गटविकास अधिकारी आनंदकुमार मिरगणे, सहाय्यक गटविकास अधिकारी शैलेश बिराजदार, विस्ताराधिकारी बालाजी तेलंग, तसेच ग्रामपंचायत सर्व सदस्य, ग्रामपंचायत अधिकारी, सर्व कर्मचारी आणि उत्साही ग्रामस्थ यांचे विशेष योगदान आहे. गावच्या नेतृत्वानेही यात मोलाची भूमिका बजावली, ज्यात सरपंच सौ. वैशालीताई कांबळे, उपसरपंच रफिक शेख आणि माजी सरपंच ॲड. भालचंद्र पाटील यांनी विशेष पाठपुरावा केला. प्रशासकीय पातळीवर ग्रामपंचायत अधिकारी महेश जगताप यांनी कामाचे चोख नियोजन केले. गावात वृक्ष लागवड, डिजिटल समशानभूमी, पथदिवे, सीसीटीव्ही कॅमेऱ्यांच्या निगराणीखालील गाव, तसेच प्रत्येक रस्त्याच्या कडेने वृक्ष लागवड करून 'ग्रीन गाव' करण्याचा संकल्प यासारख्या अनेक विकासकामांवर 'जे जे नवं तें तें उटी गावला हवा' या संकल्पनेतून भर देण्यात आला आहे. गावच्या विकासाची ही प्रेरणादायी वाटचाल संपूर्ण औसा तालुक्यासाठी एक आदर्श ठरली आहे, ज्यामुळे इतर ग्रामपंचायतींनीही आपल्या गावाचा विकास या धर्तीवर करावा असे आवाहन केले जात आहे. सरपंचांनी या वेळी सांगितले की, केवळ या पुरस्कारावर न थांबता, भविष्यात ग्रामपंचायतीला आणखी मोठमोठे पुरस्कार मिळावेत यासाठी विकासात्मक काम करण्याचा त्यांचा संकल्प आहे. उटी (बु.) गाव उत्तरोत्तर अशीच प्रगती करत राहो आणि महाराष्ट्रात एक 'स्मार्ट आणि समृद्ध गाव' म्हणून आपला लौकिक असाच वाढत राहो अशी सदिच्छा व्यक्त केली जात आहे.