പ്രവാസി യുവാവിനെ ആക്രമിച്ച് കവർച്ച: മൂന്ന് പേർ അറസ്റ്റിൽ ആലുവ: റെയിൽവേ സ്റ്റേഷന് സമീപം കോടനാട് സ്വദേശിയായ പ്രവാസി യുവാവിനെ ആക്രമിച്ച് പണവും ആഭരണങ്ങളും കവർന്ന കേസിൽ മൂന്ന് പേർ അറസ്റ്റിൽ. മഞ്ഞപ്പെട്ടി പ്ലാവിടപ്പറമ്പിൽ സനൽ ചന്ദ്രൻ (38), തിരുവനന്തപുരം പള്ളിക്കൽ ചെമ്പിളവിള സജാദ് ഷാജഹാൻ (25), നെടുമ്പാശേരി മേക്കാട് മാളിയേക്കൽ വീട്ടിൽ ജോബി (44) എന്നിവരെയാണ് പ്രത്യേക അന്വേഷണ സംഘം അറസ്റ്റ് ചെയ്തത്. സെപ്റ്റംബർ 13ന് പുലർച്ചെ 3.30ഓടെയായിരുന്നു സംഭവം. ജില്ലാ പോലീസ് മേധാവി കെ.എസ്. സുദർശന്റെ നിർദേശപ്രകാരം ആലുവ ഡിവൈ.എസ്.പി. ബൈജു പൗലോസിന്റെ നേതൃത്വത്തിൽ മൂന്ന് സംഘങ്ങളായി നടത്തിയ അന്വേഷണത്തിലാണ് പ്രതികൾ പിടിയിലായത്. പരിക്കേറ്റ യുവാവിൽ നിന്ന് ലഭിച്ച വിവരങ്ങളും സിസിടിവി ദൃശ്യങ്ങളും കേന്ദ്രീകരിച്ചായിരുന്നു അന്വേഷണം. ദൃക്‌സാക്ഷികളില്ലാതിരുന്ന കേസിൽ രാത്രികാല ഓട്ടോ തൊഴിലാളികൾ, വ്യാപാരികൾ എന്നിവരടക്കം നൂറോളം പേരെ ചോദ്യം ചെയ്യുകയും നിരവധി സിസിടിവി ക്യാമറകൾ പരിശോധിക്കുകയും ചെയ്തു. പ്രധാന പ്രതിയെന്ന് സംശയിക്കുന്ന സനൽ സംഭവശേഷം കൊല്ലൂരിലേക്ക് കടന്നതായി വിവരം ലഭിച്ചതിനെ തുടർന്ന് പോലീസ് സംഘം അവിടേക്ക് തിരിച്ചു. മൊബൈൽ ഫോൺ കാസർഗോഡ് ഉപേക്ഷിച്ച് പെരുമ്പാവൂർ ഭാഗത്തേക്ക് എത്തിയ പ്രതിയെ ഡിവൈ.എസ്.പി.യുടെ നേതൃത്വത്തിലുള്ള സംഘം കസ്റ്റഡിയിലെടുത്തു. ഇയാളുടെ കൈവശം രഹസ്യമായി സൂക്ഷിച്ചിരുന്ന സർജിക്കൽ ബ്ലേഡ് ഉൾപ്പെടെയുള്ള ആയുധങ്ങളും കണ്ടെത്തി. ചോദ്യം ചെയ്യലിൽ ലഭിച്ച വിവരത്തിന്റെ അടിസ്ഥാനത്തിൽ കവർന്ന മാല വിൽക്കാൻ ഏൽപ്പിച്ചിരുന്ന ജോബിയെ ആലുവ എസ്.എച്ച്.ഒ. രഞ്ജിത്ത് മാത്യുവിന്റെ നേതൃത്വത്തിലുള്ള സംഘം അങ്കമാലിയിൽ നിന്ന് പിടികൂടി. ഇയാളിൽ നിന്ന് സ്വർണനിറത്തിലുള്ള മാല കണ്ടെടുത്തു. സജാദ് ഷാജഹാനെ എറണാകുളം നോർത്ത് റെയിൽവേ സ്റ്റേഷന് സമീപത്തുനിന്നാണ് പിടികൂടിയത്. ഒന്നും രണ്ടും പ്രതികൾക്കെതിരെ സംസ്ഥാനത്തെ വിവിധ സ്റ്റേഷനുകളിലായി ആറോളം കേസുകളുണ്ടെന്ന് പോലീസ് പറഞ്ഞു. സംഭവത്തിൽ ഉൾപ്പെട്ട ട്രാൻസ്‌ജെൻഡർ സംഘത്തെക്കുറിച്ചും അന്വേഷണം തുടരുകയാണ്.

സന്തോഷ് ആലുവ

Local News Reporter ആലുവ, എറണാകുളം, കേരളം•

1 hr ago

പ്രവാസി യുവാവിനെ ആക്രമിച്ച് കവർച്ച: മൂന്ന് പേർ അറസ്റ്റിൽ ആലുവ: റെയിൽവേ സ്റ്റേഷന് സമീപം കോടനാട് സ്വദേശിയായ പ്രവാസി യുവാവിനെ ആക്രമിച്ച് പണവും ആഭരണങ്ങളും കവർന്ന കേസിൽ മൂന്ന് പേർ അറസ്റ്റിൽ. മഞ്ഞപ്പെട്ടി പ്ലാവിടപ്പറമ്പിൽ സനൽ ചന്ദ്രൻ (38), തിരുവനന്തപുരം പള്ളിക്കൽ ചെമ്പിളവിള സജാദ് ഷാജഹാൻ (25), നെടുമ്പാശേരി മേക്കാട് മാളിയേക്കൽ വീട്ടിൽ ജോബി (44) എന്നിവരെയാണ് പ്രത്യേക അന്വേഷണ സംഘം അറസ്റ്റ് ചെയ്തത്. സെപ്റ്റംബർ 13ന് പുലർച്ചെ 3.30ഓടെയായിരുന്നു സംഭവം. ജില്ലാ പോലീസ് മേധാവി കെ.എസ്. സുദർശന്റെ നിർദേശപ്രകാരം ആലുവ ഡിവൈ.എസ്.പി. ബൈജു പൗലോസിന്റെ നേതൃത്വത്തിൽ മൂന്ന് സംഘങ്ങളായി നടത്തിയ അന്വേഷണത്തിലാണ് പ്രതികൾ പിടിയിലായത്. പരിക്കേറ്റ യുവാവിൽ നിന്ന് ലഭിച്ച വിവരങ്ങളും സിസിടിവി ദൃശ്യങ്ങളും കേന്ദ്രീകരിച്ചായിരുന്നു അന്വേഷണം. ദൃക്‌സാക്ഷികളില്ലാതിരുന്ന കേസിൽ രാത്രികാല ഓട്ടോ തൊഴിലാളികൾ, വ്യാപാരികൾ എന്നിവരടക്കം നൂറോളം പേരെ ചോദ്യം ചെയ്യുകയും നിരവധി സിസിടിവി ക്യാമറകൾ പരിശോധിക്കുകയും ചെയ്തു. പ്രധാന പ്രതിയെന്ന് സംശയിക്കുന്ന സനൽ സംഭവശേഷം കൊല്ലൂരിലേക്ക് കടന്നതായി വിവരം ലഭിച്ചതിനെ തുടർന്ന് പോലീസ് സംഘം അവിടേക്ക് തിരിച്ചു. മൊബൈൽ ഫോൺ കാസർഗോഡ് ഉപേക്ഷിച്ച് പെരുമ്പാവൂർ ഭാഗത്തേക്ക് എത്തിയ പ്രതിയെ ഡിവൈ.എസ്.പി.യുടെ നേതൃത്വത്തിലുള്ള സംഘം കസ്റ്റഡിയിലെടുത്തു. ഇയാളുടെ കൈവശം രഹസ്യമായി സൂക്ഷിച്ചിരുന്ന സർജിക്കൽ ബ്ലേഡ് ഉൾപ്പെടെയുള്ള ആയുധങ്ങളും കണ്ടെത്തി. ചോദ്യം ചെയ്യലിൽ ലഭിച്ച വിവരത്തിന്റെ അടിസ്ഥാനത്തിൽ കവർന്ന മാല വിൽക്കാൻ ഏൽപ്പിച്ചിരുന്ന ജോബിയെ ആലുവ എസ്.എച്ച്.ഒ. രഞ്ജിത്ത് മാത്യുവിന്റെ നേതൃത്വത്തിലുള്ള സംഘം അങ്കമാലിയിൽ നിന്ന് പിടികൂടി. ഇയാളിൽ നിന്ന് സ്വർണനിറത്തിലുള്ള മാല കണ്ടെടുത്തു. സജാദ് ഷാജഹാനെ എറണാകുളം നോർത്ത് റെയിൽവേ സ്റ്റേഷന് സമീപത്തുനിന്നാണ് പിടികൂടിയത്. ഒന്നും രണ്ടും പ്രതികൾക്കെതിരെ സംസ്ഥാനത്തെ വിവിധ സ്റ്റേഷനുകളിലായി ആറോളം കേസുകളുണ്ടെന്ന് പോലീസ് പറഞ്ഞു. സംഭവത്തിൽ ഉൾപ്പെട്ട ട്രാൻസ്‌ജെൻഡർ സംഘത്തെക്കുറിച്ചും അന്വേഷണം തുടരുകയാണ്.