मनसेचे माहूर तालुकाप्रमुख गजानन कुलकर्णी यांनी अखेर मनसेला 'जय महाराष्ट्र' करण्याचा निर्णय घेतला आहे. येत्या १ जुलै रोजी खासदार डॉ. श्रीकांत शिंदे यांच्या उपस्थितीत सारखणी येथे आयोजित भव्य महाआरोग्य शिबिर आणि कार्यकर्ता मेळाव्यात ते अधिकृतपणे शिवसेना (शिंदे गट) पक्षात जाहीर प्रवेश करणार आहेत. या राजकीय घडामोडीमुळे माहूर तालुक्यातील मनसेला मोठे खिंडार पडले असून, हा पक्षासाठी मोठा धक्का मानला जात आहे. गजानन कुलकर्णी हे महाराष्ट्र नवनिर्माण सेनेच्या स्थापनेपासूनच पक्षप्रमुख राज ठाकरे यांच्या विचारांनी प्रभावित होऊन पक्षात सक्रिय होते. अत्यंत प्रतिकूल परिस्थितीत त्यांनी माहूर तालुक्यात मनसेला बळकटी देण्यासाठी अतोनात प्रयत्न केले. त्यांच्या निष्ठा पाहून त्यांच्यावर माहूर शहरप्रमुख, तालुकाप्रमुख आणि त्यानंतर उपजिल्हाप्रमुख पदाची जबाबदारी सोपवण्यात आली होती. आपल्या आक्रमक नेतृत्वाने त्यांनी माहूरच्या राजकीय पटलावर प्रस्थापित पक्षांसमोर मनसेच्या माध्यमातून एक सक्षम पर्याय निर्माण केला होता. पक्ष स्थापनेपासून एकनिष्ठ राहिलेल्या कुलकर्णी यांना पक्षाला सोडचिठ्ठी का द्यावी लागली, याबाबत राजकीय वर्तुळात जोरदार चर्चा सुरू आहे. स्थानिक पातळीवरील संघटनात्मक संवाद आणि नियोजनाचा अभाव तसेच वरिष्ठ व स्थानिक पदाधिकाऱ्यांमधील समन्वयाची कमतरता ही त्यांची नाराजीची मुख्य कारणे असल्याचे बोलले जात आहे. या संदर्भात पत्रकारांशी बोलताना गजानन कुलकर्णी यांनी आपली भूमिका स्पष्ट केली. त्यांनी नमूद केले की, पक्षप्रमुख राज ठाकरे हे दूरदृष्टी लाभलेले आणि महाराष्ट्राचे सक्षम नेते आहेत, यात शंका नाही; परंतु पक्षांतर्गत संघटनात्मक नियोजन आणि योग्य समन्वयाच्या अभावामुळे ग्रामीण भागातील कार्यकर्त्यांमध्ये मोठी नाराजी पसरली आहे. पवित्र तीर्थक्षेत्र असलेल्या माहूर भागाचा सर्वांगीण विकास व्हावा आणि जनतेचे प्रलंबित प्रश्न तातडीने सुटावेत, या एकमेव शुद्ध हेतूनेच आपण शिवसेना शिंदे गटात जाण्याचा निर्णय घेतल्याचे त्यांनी सांगितले. कुलकर्णी यांच्या या पक्षप्रवेशामुळे माहूर आणि किनवट विधानसभा क्षेत्रातील राजकीय समीकरणे बदलण्याची शक्यता वर्तवली जात असून, शिवसेना शिंदे गटाची ताकद या भागात अधिक मजबूत होणार आहे.

सक्षम महाराष्ट्र न्युज

Newspaper advertising department माहूर, नांदेड, महाराष्ट्र•

1 hr ago

मनसेचे माहूर तालुकाप्रमुख गजानन कुलकर्णी यांनी अखेर मनसेला 'जय महाराष्ट्र' करण्याचा निर्णय घेतला आहे. येत्या १ जुलै रोजी खासदार डॉ. श्रीकांत शिंदे यांच्या उपस्थितीत सारखणी येथे आयोजित भव्य महाआरोग्य शिबिर आणि कार्यकर्ता मेळाव्यात ते अधिकृतपणे शिवसेना (शिंदे गट) पक्षात जाहीर प्रवेश करणार आहेत. या राजकीय घडामोडीमुळे माहूर तालुक्यातील मनसेला मोठे खिंडार पडले असून, हा पक्षासाठी मोठा धक्का मानला जात आहे. गजानन कुलकर्णी हे महाराष्ट्र नवनिर्माण सेनेच्या स्थापनेपासूनच पक्षप्रमुख राज ठाकरे यांच्या विचारांनी प्रभावित होऊन पक्षात सक्रिय होते. अत्यंत प्रतिकूल परिस्थितीत त्यांनी माहूर तालुक्यात मनसेला बळकटी देण्यासाठी अतोनात प्रयत्न केले. त्यांच्या निष्ठा पाहून त्यांच्यावर माहूर शहरप्रमुख, तालुकाप्रमुख आणि त्यानंतर उपजिल्हाप्रमुख पदाची जबाबदारी सोपवण्यात आली होती. आपल्या आक्रमक नेतृत्वाने त्यांनी माहूरच्या राजकीय पटलावर प्रस्थापित पक्षांसमोर मनसेच्या माध्यमातून एक सक्षम पर्याय निर्माण केला होता. पक्ष स्थापनेपासून एकनिष्ठ राहिलेल्या कुलकर्णी यांना पक्षाला सोडचिठ्ठी का द्यावी लागली, याबाबत राजकीय वर्तुळात जोरदार चर्चा सुरू आहे. स्थानिक पातळीवरील संघटनात्मक संवाद आणि नियोजनाचा अभाव तसेच वरिष्ठ व स्थानिक पदाधिकाऱ्यांमधील समन्वयाची कमतरता ही त्यांची नाराजीची मुख्य कारणे असल्याचे बोलले जात आहे. या संदर्भात पत्रकारांशी बोलताना गजानन कुलकर्णी यांनी आपली भूमिका स्पष्ट केली. त्यांनी नमूद केले की, पक्षप्रमुख राज ठाकरे हे दूरदृष्टी लाभलेले आणि महाराष्ट्राचे सक्षम नेते आहेत, यात शंका नाही; परंतु पक्षांतर्गत संघटनात्मक नियोजन आणि योग्य समन्वयाच्या अभावामुळे ग्रामीण भागातील कार्यकर्त्यांमध्ये मोठी नाराजी पसरली आहे. पवित्र तीर्थक्षेत्र असलेल्या माहूर भागाचा सर्वांगीण विकास व्हावा आणि जनतेचे प्रलंबित प्रश्न तातडीने सुटावेत, या एकमेव शुद्ध हेतूनेच आपण शिवसेना शिंदे गटात जाण्याचा निर्णय घेतल्याचे त्यांनी सांगितले. कुलकर्णी यांच्या या पक्षप्रवेशामुळे माहूर आणि किनवट विधानसभा क्षेत्रातील राजकीय समीकरणे बदलण्याची शक्यता वर्तवली जात असून, शिवसेना शिंदे गटाची ताकद या भागात अधिक मजबूत होणार आहे.