नांदगाव येथील आम्रपाली बुद्ध विहारामध्ये भगवान गौतम बुद्ध आणि भारतरत्न डॉ. बाबासाहेब आंबेडकर यांच्या मूर्ती प्रतिष्ठापना सोहळा दि. २९ रोजी मोठ्या उत्साहपूर्ण वातावरणात संपन्न झाला. या कार्यक्रमात प्रमुख पाहुणे म्हणून उपस्थित असलेले युवकनेते डॉ. सिद्धार्थकुमार सूर्यवंशी यांनी बौद्ध विहारांनी केवळ धार्मिक उपासनेची केंद्रे न राहता सामाजिक आणि वैचारिक प्रबोधनाची केंद्रे बनावे असे प्रतिपादन केले. डॉ. सूर्यवंशी यांनी समाजाच्या प्रगतीसाठी सामाजिक चळवळीची नितांत आवश्यकता असल्याचे अधोरेखित केले. विशेषतः युवकांनी व्यसनमुक्त समाज निर्मितीसाठी पुढाकार घ्यावा असे आवाहन त्यांनी केले. शिक्षण, संघटन आणि सामाजिक बांधिलकी या त्रिसूत्रीच्या माध्यमातून समाजात सकारात्मक परिवर्तन घडवून आणता येऊ शकते असेही ते म्हणाले. प्रत्येक बुद्ध विहारामध्ये दर्जेदार साहित्य असलेले पुस्तक कपाट अथवा ग्रंथालय उभारण्याची गरज असून, पुस्तके ज्ञान, विचार आणि प्रगतीची साधने असल्याने त्यांच्यामुळेच माणसाच्या बुद्धीचा विकास होतो असे त्यांनी नमूद केले. त्यामुळे वाचन संस्कृती वाढवण्यासाठी समाजाने विशेष प्रयत्न करावेत असे आवाहन त्यांनी केले. डॉ. बाबासाहेब आंबेडकर यांनी दिलेल्या शिक्षणाच्या संदेशाचे आत्मसात करून युवकांनी समाज परिवर्तनाच्या कार्यात सक्रिय सहभाग घ्यावा असेही त्यांनी यावेळी सांगितले. या कार्यक्रमास काळेगाव येथील पूज्य भंते महाविरो थेरो यांची प्रमुख उपस्थिती होती. तसेच श्रामनेर सोनूत्तर, श्रामनेर राहूल, भारतीय बौद्ध महासभेचे प्रा. बापू वाघमारे, दिनेश कांबळे, गौतम बनसोडे, राज भालेराव, मारोती कांबळे आदी प्रमुख पाहुणे म्हणून उपस्थित होते. प्रा. बापू वाघमारे यांनीही यावेळी समायोचीत भाषण केले. पूज्य महाविरो थेरो यांच्या धम्मदेसनेने कार्यक्रमाची सांगता झाली. या सोहळ्यास परिसरातील उपासक-उपासिका, युवक, महिला तसेच समाजातील विविध क्षेत्रातील मान्यवर मोठ्या संख्येने उपस्थित होते.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

13 hrs ago

नांदगाव येथील आम्रपाली बुद्ध विहारामध्ये भगवान गौतम बुद्ध आणि भारतरत्न डॉ. बाबासाहेब आंबेडकर यांच्या मूर्ती प्रतिष्ठापना सोहळा दि. २९ रोजी मोठ्या उत्साहपूर्ण वातावरणात संपन्न झाला. या कार्यक्रमात प्रमुख पाहुणे म्हणून उपस्थित असलेले युवकनेते डॉ. सिद्धार्थकुमार सूर्यवंशी यांनी बौद्ध विहारांनी केवळ धार्मिक उपासनेची केंद्रे न राहता सामाजिक आणि वैचारिक प्रबोधनाची केंद्रे बनावे असे प्रतिपादन केले. डॉ. सूर्यवंशी यांनी समाजाच्या प्रगतीसाठी सामाजिक चळवळीची नितांत आवश्यकता असल्याचे अधोरेखित केले. विशेषतः युवकांनी व्यसनमुक्त समाज निर्मितीसाठी पुढाकार घ्यावा असे आवाहन त्यांनी केले. शिक्षण, संघटन आणि सामाजिक बांधिलकी या त्रिसूत्रीच्या माध्यमातून समाजात सकारात्मक परिवर्तन घडवून आणता येऊ शकते असेही ते म्हणाले. प्रत्येक बुद्ध विहारामध्ये दर्जेदार साहित्य असलेले पुस्तक कपाट अथवा ग्रंथालय उभारण्याची गरज असून, पुस्तके ज्ञान, विचार आणि प्रगतीची साधने असल्याने त्यांच्यामुळेच माणसाच्या बुद्धीचा विकास होतो असे त्यांनी नमूद केले. त्यामुळे वाचन संस्कृती वाढवण्यासाठी समाजाने विशेष प्रयत्न करावेत असे आवाहन त्यांनी केले. डॉ. बाबासाहेब आंबेडकर यांनी दिलेल्या शिक्षणाच्या संदेशाचे आत्मसात करून युवकांनी समाज परिवर्तनाच्या कार्यात सक्रिय सहभाग घ्यावा असेही त्यांनी यावेळी सांगितले. या कार्यक्रमास काळेगाव येथील पूज्य भंते महाविरो थेरो यांची प्रमुख उपस्थिती होती. तसेच श्रामनेर सोनूत्तर, श्रामनेर राहूल, भारतीय बौद्ध महासभेचे प्रा. बापू वाघमारे, दिनेश कांबळे, गौतम बनसोडे, राज भालेराव, मारोती कांबळे आदी प्रमुख पाहुणे म्हणून उपस्थित होते. प्रा. बापू वाघमारे यांनीही यावेळी समायोचीत भाषण केले. पूज्य महाविरो थेरो यांच्या धम्मदेसनेने कार्यक्रमाची सांगता झाली. या सोहळ्यास परिसरातील उपासक-उपासिका, युवक, महिला तसेच समाजातील विविध क्षेत्रातील मान्यवर मोठ्या संख्येने उपस्थित होते.