સુરત શહેરના સંવેદનશીલ ગણાતા લિંબાયત પોલીસ સ્ટેશન ખાતે મોહરમ પર્વને ધ્યાનમાં રાખીને એક મહત્વપૂર્ણ શાંતિ સમિતિની બેઠકનું આયોજન કરવામાં આવ્યું હતું. આ બેઠકનો મુખ્ય ઉદ્દેશ્ય કાયદો અને વ્યવસ્થા જાળવી રાખવાનો હતો, જેને લઈ બેઠકમાં ઉપસ્થિતોને શાંતિ જાળવવા માટે અપીલ કરવામાં આવી હતી.

સુરત શહેરના સચિન પાલી ગામમાં આવેલી ધર્મ ભક્તિ સોસાયટીમાં અસામાજિક તત્વોનો આતંક યથાવત છે, અને તેમને પોલીસ પ્રશાસનનો બિલકુલ ડર નથી. આ તત્વોએ રાત્રે 10:45 વાગ્યે અનમોલ પાંડેના ઘરમાં ઘૂસીને જીવલેણ હુમલો કર્યો હતો. આ ઘટના દરમિયાન વાહનોમાં પણ તોડફોડ કરવામાં આવી હતી. હુમલામાં ઘાયલ થયેલા લોકોને રાત્રે જ સારવાર માટે સિવિલ હોસ્પિટલમાં દાખલ કરવામાં આવ્યા હતા.

સુરતના સચિન પાલીગામમાં બાળકો વચ્ચે થયેલી સામાન્ય બોલાચાલીએ એક મોટા વિવાદનું સ્વરૂપ લીધું છે. આ ઘટનાની શરૂઆત ગાડી જોવા ગયેલા સ્થાનિક કિશોરો અને ભરવાડ સમાજના છોકરાઓ વચ્ચે નજીવી બાબતે થયેલી મગજમારીથી થઈ હતી. આ સામાન્ય ઝઘડાની અદાવતમાં ભરવાડ સમાજના યુવકોએ સ્થાનિકોના ઘરે જઈને તોડફોડ અને મારામારી કરી હતી. ઘરે આવીને કરાયેલા આ હુમલાને કારણે વિસ્તારમાં ભયનો માહોલ છવાઈ ગયો છે. આ ઘટનામાં ભોગ બનેલા પરિવારે ન્યાય અને પોલીસ દ્વારા કડક કાર્યવાહી કરવાની માંગ કરી છે. ભોગ બનેલાની માતા સુમન પાંડે અને પિતા અનિલ પાંડેએ આ અંગે પોતાની વાત રજૂ કરી હતી.

સુરત શહેરની ક્રાઈમ બ્રાન્ચને હત્યાના પ્રયાસના એક કેસમાં મોટી સફળતા મળી છે. પોલીસે લાંબા સમયથી ફરાર આરોપી સુરેશ હરિરામ છાબાને ઓડિશાના ભુવનેશ્વરથી ઝડપી પાડ્યો છે. રાજસ્થાનનો રહેવાસી આ આરોપી 2024થી પોલીસને ચકમો આપીને ફરાર હતો. સુરત પોલીસ કમિશનરના નિર્દેશ પર, શરીર વિરુદ્ધના ગુનાઓ જેવા ગંભીર અપરાધોમાં સામેલ અને લાંબા સમયથી ફરાર આરોપીઓને પકડવા માટે એક વિશેષ અભિયાન ચલાવવામાં આવી રહ્યું છે, જેના ભાગરૂપે આ કાર્યવાહી કરવામાં આવી છે.

સુરતના ઉધના સાઉથ ઝોન-બી વિસ્તારમાં પાણીની સમસ્યાને લઈને એક નવો વિવાદ સામે આવ્યો છે. આક્ષેપ મુજબ, પાણી પુરવઠા વિભાગના કર્મચારી તોસીફભાઈએ કોંગ્રેસના કાર્યકર્તા સુરૈયાબેન અને મીડિયાકર્મીઓ સાથે અયોગ્ય વર્તન કર્યું હતું અને અપશબ્દો બોલ્યા હતા. આ ઘટનાને પગલે સ્થાનિકોમાં ભારે રોષ જોવા મળી રહ્યો છે. જાહેર સમસ્યાના મુદ્દે રજૂઆત કરવા પહોંચેલા કાર્યકર્તા અને મીડિયા સાથે આ પ્રકારના વર્તન સામે અનેક સવાલો ઊભા થઈ રહ્યા છે.

વડોદરાના સાવલીમાં નવી તાલુકા પંચાયત કચેરી નજીક આવેલા જર્જરિત ક્વાર્ટર્સમાં સરકારી સામગ્રીનો સંગ્રહ કરવામાં આવ્યો છે, જેની જાળવણી અને સુરક્ષા સામે ગંભીર સવાલો ઊભા થયા છે. ખાસ કરીને વરસાદી મોસમમાં આ સામગ્રીને નુકસાન થવાનો ભય વ્યક્ત કરવામાં આવી રહ્યો છે. આ ક્વાર્ટર્સમાં જૂના રેકોર્ડના પોટલાં સહિત વિવિધ સામગ્રી રાખવામાં આવી છે, જેમાં લાઈફ જૅકેટ અને લાઈફ સેફ્ટી રિંગ્સ હજુ પણ પેટીપેક હાલતમાં જોવા મળ્યા છે. જર્જરિત ક્વાર્ટર્સના કેટલાક ભાગોમાં છતના પતરા ન હોવાથી વરસાદી પાણી અંદર ઘૂસી શકે છે, જેના કારણે સરકારી ખર્ચે ખરીદાયેલી સામગ્રીને નુકસાન થવાનો ભય સેવાઈ રહ્યો છે. ચર્ચા મુજબ, આ જર્જરિત કર્મચારી ક્વાર્ટર્સનો ઉપયોગ સ્ટોરરૂમ તરીકે થઈ રહ્યો છે. આ સમગ્ર મામલે સુરક્ષિત સંગ્રહ અને યોગ્ય જાળવણી માટે સ્થાનિકોમાં માંગ ઉઠી છે. જોકે, તાલુકા પંચાયત તરફથી આ અંગે કોઈ સત્તાવાર સ્પષ્ટતા કરવામાં આવી નથી.

પલસાણા તાલુકાના જોલવા વિસ્તારમાં પોલીસે વાહનોનું સઘન ચેકિંગ હાથ ધર્યું હતું.

સુરતમાં સચિન GIDC પોલીસે એક પ્રશંસનીય પહેલ કરતા 'તેરા તુજકો અર્પણ' કાર્યક્રમનું આયોજન કર્યું હતું. આ કાર્યક્રમ અંતર્ગત પોલીસે ₹15.12 લાખનો મુદ્દામાલ તેના સાચા માલિકોને સફળતાપૂર્વક પરત કર્યો છે. સચિન GIDC પોલીસનો આ પ્રયાસ જનસેવા અને ગુમ થયેલી ચીજવસ્તુઓ શોધી કાઢવાની તેમની પ્રતિબદ્ધતાને દર્શાવે છે.

સુરત ગ્રામ્ય પોલીસે "તેરા તુજકો અર્પણ" કાર્યક્રમ હેઠળ કાર્યવાહી કરીને ખોવાયેલા અને ચોરાયેલા કુલ ૨૨૨ મોબાઈલ ફોન તેમના મૂળ માલિકોને પરત કર્યા છે. શોધી કાઢવામાં આવેલા આ મોબાઈલ ફોનની અંદાજિત કિંમત ૪૨ લાખ રૂપિયાથી વધુ આંકવામાં આવી છે. આ મોબાઈલ ફોન ગુજરાતની અંદરથી તેમજ ગુજરાત બહારના અન્ય રાજ્યો અને જિલ્લાઓમાંથી ટ્રેસ કરીને સફળતાપૂર્વક રિકવર કરવામાં આવ્યા હતા. આ સમગ્ર સફળ કામગીરી સુરત ગ્રામ્ય જિલ્લા પોલીસ અધિક્ષક (SP) રાજેશ ગઢિયાની સૂચના અને દેખરેખ હેઠળ LCB (લોકલ ક્રાઈમ બ્રાન્ચ) અને વિવિધ પોલીસ સ્ટેશનોની ટીમો દ્વારા પાર પાડવામાં આવી હતી. આ પ્રસંગે રેન્જ આઈ.જી. પ્રેમવીર સિંઘ દ્વારા તમામ પોલીસ કર્મચારીઓને તેમની કામગીરી બદલ અભિનંદન પાઠવવામાં આવ્યા હતા અને મોબાઈલ પરત મેળવનાર નાગરિકોને શુભેચ્છાઓ પણ આપવામાં આવી હતી.

સુરત જિલ્લા પોલીસ દ્વારા "તેરા તુજકો અર્પણ કાર્યક્રમ"નું આયોજન કરવામાં આવ્યું હતું. આ કાર્યક્રમ અંતર્ગત, ચોરી થયેલા તેમજ ગુમ થયેલા કુલ 222 મોબાઈલ ફોન તેમના મૂળ માલિકોને પરત કરવામાં આવ્યા હતા, જેમની કુલ કિંમત 42 લાખ રૂપિયા આંકવામાં આવી છે.