കേന്ദ്ര സർക്കാരിന്റെ അമൃത് ഭാരത് സ്റ്റേഷൻ പദ്ധതിയിലൂടെ അന്താരാഷ്ട്ര നിലവാരത്തിലേക്ക് ഉയർന്ന മലബാറിലെ പ്രധാന റെയിൽവേ സ്റ്റേഷനുകൾ ഉദ്ഘാടനത്തിന് ഒരുങ്ങി. പാലക്കാട് ഡിവിഷന് കീഴിൽ മലപ്പുറം ജില്ലയിലെ തിരൂർ, പരപ്പനങ്ങാടി, നിലമ്പൂർ, കോഴിക്കോട് ജില്ലയിലെ ഫറോക്ക്, കണ്ണൂർ ജില്ലയിലെ തലശ്ശേരി എന്നീ സ്റ്റേഷനുകളാണ് പുതുമോടിയിൽ ഒരുങ്ങിനിൽക്കുന്നത്. ഇതിൽ പാലക്കാട് ഡിവിഷൻതല പ്രധാന ഉദ്ഘാടനച്ചടങ്ങ് തിരൂർ റെയിൽവേ സ്റ്റേഷനിലാണ് നടക്കുക. തിരുവനന്തപുരം ഡിവിഷന് കീഴിലുള്ള ചാലക്കുടി, അങ്കമാലി സ്റ്റേഷനുകളും ഈ ഘട്ടത്തിൽ ഉദ്ഘാടനം ചെയ്യപ്പെടുന്നുണ്ട്. നവീകരണ പ്രവൃത്തികൾ പൂർത്തിയാക്കിയ സ്റ്റേഷനുകൾ അടുത്തയാഴ്ച (ജൂലൈ 12-നോ 17-നോ) പ്രധാനമന്ത്രി ഡൽഹിയിൽ നിന്ന് ഓൺലൈൻ വഴി രാജ്യത്തിന് സമർപ്പിക്കുമെന്നാണ് സൂചന. ഈ രണ്ടു ദിവസങ്ങളിലൊന്ന് ഉടൻ റെയിൽവേ ഔദ്യോഗികമായി പ്രഖ്യാപിക്കും. ഈ മാസം തന്നെ ഉദ്ഘാടനമുണ്ടാകുമെന്ന് ദക്ഷിണ റെയിൽവേ നേരത്തെ അറിയിച്ചിരുന്നെങ്കിലും സ്റ്റേഷനുകളിലേക്ക് അന്തിമ തീയതി സംബന്ധിച്ച ഔദ്യോഗിക സന്ദേശം ഇതുവരെ ലഭിച്ചിട്ടില്ല. നിലവിൽ സ്റ്റേഷനുകളിൽ അവസാന മിനുക്കുപണികൾ അതിവേഗം പുരോഗമിക്കുകയാണ്. ആദ്യഘട്ടത്തിൽ പ്രഖ്യാപിച്ച തുകയേക്കാൾ ഇരട്ടിയിലധികം തുക ചിലവഴിച്ചാണ് പല സ്റ്റേഷനുകളിലും വികസന പ്രവർത്തനങ്ങൾ പൂർത്തിയാക്കിയത്. ഇതോടെ മലപ്പുറം, കോഴിക്കോട് ജില്ലകളിലെ ട്രെയിൻ യാത്രക്കാർക്ക് വിമാനത്താവളങ്ങൾക്ക് സമാനമായ ലോകോത്തര യാത്രാനുഭവമാകും ഇനി മുതൽ ഈ അമൃത് ഭാരത് സ്റ്റേഷനുകൾ സമ്മാനിക്കുക.

Ardhra Krishnan

ഏറനാട്, മലപ്പുറം, കേരളം•

2 hrs ago

കേന്ദ്ര സർക്കാരിന്റെ അമൃത് ഭാരത് സ്റ്റേഷൻ പദ്ധതിയിലൂടെ അന്താരാഷ്ട്ര നിലവാരത്തിലേക്ക് ഉയർന്ന മലബാറിലെ പ്രധാന റെയിൽവേ സ്റ്റേഷനുകൾ ഉദ്ഘാടനത്തിന് ഒരുങ്ങി. പാലക്കാട് ഡിവിഷന് കീഴിൽ മലപ്പുറം ജില്ലയിലെ തിരൂർ, പരപ്പനങ്ങാടി, നിലമ്പൂർ, കോഴിക്കോട് ജില്ലയിലെ ഫറോക്ക്, കണ്ണൂർ ജില്ലയിലെ തലശ്ശേരി എന്നീ സ്റ്റേഷനുകളാണ് പുതുമോടിയിൽ ഒരുങ്ങിനിൽക്കുന്നത്. ഇതിൽ പാലക്കാട് ഡിവിഷൻതല പ്രധാന ഉദ്ഘാടനച്ചടങ്ങ് തിരൂർ റെയിൽവേ സ്റ്റേഷനിലാണ് നടക്കുക. തിരുവനന്തപുരം ഡിവിഷന് കീഴിലുള്ള ചാലക്കുടി, അങ്കമാലി സ്റ്റേഷനുകളും ഈ ഘട്ടത്തിൽ ഉദ്ഘാടനം ചെയ്യപ്പെടുന്നുണ്ട്. നവീകരണ പ്രവൃത്തികൾ പൂർത്തിയാക്കിയ സ്റ്റേഷനുകൾ അടുത്തയാഴ്ച (ജൂലൈ 12-നോ 17-നോ) പ്രധാനമന്ത്രി ഡൽഹിയിൽ നിന്ന് ഓൺലൈൻ വഴി രാജ്യത്തിന് സമർപ്പിക്കുമെന്നാണ് സൂചന. ഈ രണ്ടു ദിവസങ്ങളിലൊന്ന് ഉടൻ റെയിൽവേ ഔദ്യോഗികമായി പ്രഖ്യാപിക്കും. ഈ മാസം തന്നെ ഉദ്ഘാടനമുണ്ടാകുമെന്ന് ദക്ഷിണ റെയിൽവേ നേരത്തെ അറിയിച്ചിരുന്നെങ്കിലും സ്റ്റേഷനുകളിലേക്ക് അന്തിമ തീയതി സംബന്ധിച്ച ഔദ്യോഗിക സന്ദേശം ഇതുവരെ ലഭിച്ചിട്ടില്ല. നിലവിൽ സ്റ്റേഷനുകളിൽ അവസാന മിനുക്കുപണികൾ അതിവേഗം പുരോഗമിക്കുകയാണ്. ആദ്യഘട്ടത്തിൽ പ്രഖ്യാപിച്ച തുകയേക്കാൾ ഇരട്ടിയിലധികം തുക ചിലവഴിച്ചാണ് പല സ്റ്റേഷനുകളിലും വികസന പ്രവർത്തനങ്ങൾ പൂർത്തിയാക്കിയത്. ഇതോടെ മലപ്പുറം, കോഴിക്കോട് ജില്ലകളിലെ ട്രെയിൻ യാത്രക്കാർക്ക് വിമാനത്താവളങ്ങൾക്ക് സമാനമായ ലോകോത്തര യാത്രാനുഭവമാകും ഇനി മുതൽ ഈ അമൃത് ഭാരത് സ്റ്റേഷനുകൾ സമ്മാനിക്കുക.