इंडियन टॅलेंट ऑलिंपियाडतर्फे आयोजित देशपातळीवरील परीक्षेमध्ये कोपरगाव येथील आत्मा मालिक सेमी इंग्लिश मीडियम गुरुकुलने आपली चमक कायम राखली आहे. या विद्यालयातील तब्बल १३१ विद्यार्थ्यांनी गुणवत्ता यादीत स्थान पटकावून शाळेचा नावलौकिक वाढवला आहे. या घवघवीत यशाची दखल घेत शाळेला 'गोल्डन स्कूल ऑफ अवॉर्ड'ने सन्मानित करण्यात आले असल्याची माहिती प्राचार्य निरंजन डांगे यांनी दिली. गणित, विज्ञान, इंग्रजी, कला, संगणक आणि जनरल नॉलेज या विषयांच्या ऑलिंपियाड परीक्षेत गुरुकुलच्या विद्यार्थ्यांनी उत्कृष्ट कामगिरी केली. यामध्ये ६ विद्यार्थी राज्य गुणवत्ता यादीत, १४ विद्यार्थी एक्सलन्स अवॉर्ड, ३८ विद्यार्थी गोल्ड मेडल, ३७ विद्यार्थी सिल्वर मेडल आणि ३६ विद्यार्थी ब्राँझ मेडलचे मानकरी ठरले आहेत. या यशात श्लोक गंगापूरकर, चैतन्य घोडके, साई घोडके, आरव नानेकर, प्रणव बदाडे आणि यशवंत जाधव यांनी विशेष स्थान मिळवले. आत्मा मालिक पॅटर्न अंतर्गत करण्यात आलेले सूक्ष्म नियोजन, तंत्रज्ञानाचा प्रभावी वापर, विशेष शिबिरे, नैदानिक चाचण्या आणि तज्ज्ञांचे मार्गदर्शन हेच या यशाचे गमक असल्याचे सांगण्यात आले. या यशाबद्दल संस्थेचे अध्यक्ष नंदकुमार सूर्यवंशी, उपाध्यक्ष बाळासाहेब गोरडे, सरचिटणीस हनुमंतराव भोंगळे, कोषाध्यक्ष विठ्ठलराव होन, विश्वस्त प्रकाश गिरमे, प्रदीपकुमार भंडारी, शालेय व्यवस्थापक सुधाकर मलिक, वसतिगृह व्यवस्थापक साईनाथ वर्पे आणि मीरा पटेल यांनी विद्यार्थ्यांचे अभिनंदन केले. नंदकुमार सूर्यवंशी यांनी प्रतिक्रिया देताना सांगितले की, आत्मा मालिक गुरुकुलच्या विद्यार्थ्यांनी केवळ राज्यच नव्हे तर देश आणि आंतरराष्ट्रीय पातळीवरही आपल्या कामगिरीचा दबदबा निर्माण केला आहे. मराठी आणि सेमी इंग्रजी माध्यमाच्या शाळाही जागतिक स्तरावर दैदिप्यमान यश संपादन करू शकतात, हे या निकालातून पुन्हा एकदा सिद्ध झाले आहे.

Press Rajendra Taskar

कोपरगाव, अहमदनगर, महाराष्ट्र•

1 day ago

इंडियन टॅलेंट ऑलिंपियाडतर्फे आयोजित देशपातळीवरील परीक्षेमध्ये कोपरगाव येथील आत्मा मालिक सेमी इंग्लिश मीडियम गुरुकुलने आपली चमक कायम राखली आहे. या विद्यालयातील तब्बल १३१ विद्यार्थ्यांनी गुणवत्ता यादीत स्थान पटकावून शाळेचा नावलौकिक वाढवला आहे. या घवघवीत यशाची दखल घेत शाळेला 'गोल्डन स्कूल ऑफ अवॉर्ड'ने सन्मानित करण्यात आले असल्याची माहिती प्राचार्य निरंजन डांगे यांनी दिली. गणित, विज्ञान, इंग्रजी, कला, संगणक आणि जनरल नॉलेज या विषयांच्या ऑलिंपियाड परीक्षेत गुरुकुलच्या विद्यार्थ्यांनी उत्कृष्ट कामगिरी केली. यामध्ये ६ विद्यार्थी राज्य गुणवत्ता यादीत, १४ विद्यार्थी एक्सलन्स अवॉर्ड, ३८ विद्यार्थी गोल्ड मेडल, ३७ विद्यार्थी सिल्वर मेडल आणि ३६ विद्यार्थी ब्राँझ मेडलचे मानकरी ठरले आहेत. या यशात श्लोक गंगापूरकर, चैतन्य घोडके, साई घोडके, आरव नानेकर, प्रणव बदाडे आणि यशवंत जाधव

यांनी विशेष स्थान मिळवले. आत्मा मालिक पॅटर्न अंतर्गत करण्यात आलेले सूक्ष्म नियोजन, तंत्रज्ञानाचा प्रभावी वापर, विशेष शिबिरे, नैदानिक चाचण्या आणि तज्ज्ञांचे मार्गदर्शन हेच या यशाचे गमक असल्याचे सांगण्यात आले. या यशाबद्दल संस्थेचे अध्यक्ष नंदकुमार सूर्यवंशी, उपाध्यक्ष बाळासाहेब गोरडे, सरचिटणीस हनुमंतराव भोंगळे, कोषाध्यक्ष विठ्ठलराव होन, विश्वस्त प्रकाश गिरमे, प्रदीपकुमार भंडारी, शालेय व्यवस्थापक सुधाकर मलिक, वसतिगृह व्यवस्थापक साईनाथ वर्पे आणि मीरा पटेल यांनी विद्यार्थ्यांचे अभिनंदन केले. नंदकुमार सूर्यवंशी यांनी प्रतिक्रिया देताना सांगितले की, आत्मा मालिक गुरुकुलच्या विद्यार्थ्यांनी केवळ राज्यच नव्हे तर देश आणि आंतरराष्ट्रीय पातळीवरही आपल्या कामगिरीचा दबदबा निर्माण केला आहे. मराठी आणि सेमी इंग्रजी माध्यमाच्या शाळाही जागतिक स्तरावर दैदिप्यमान यश संपादन करू शकतात, हे या निकालातून पुन्हा एकदा सिद्ध झाले आहे.