नागपूर शहरातील लकडगंज पोलीस ठाण्याच्या हद्दीत २२ जून २०२६ रोजी सकाळी मालधक्का परिसरात, इतवारी रेल्वे स्टेशनजवळ एका निर्जन ठिकाणी अज्ञात पुरुषाचा मृतदेह आढळून आला. या मृतदेहाच्या डोक्यावर आणि मानेवर धारदार शस्त्राने गंभीर जखमा होत्या. ही माहिती मिळताच लकडगंज पोलिसांनी तात्काळ घटनास्थळी धाव घेऊन पंचनामा करत तपासाला सुरुवात केली. लकडगंज पोलिसांनी गुन्हे शाखा युनिट क्र. ३ च्या मदतीने अवघ्या काही तासांत या खुनाच्या गुन्ह्याचा छडा लावत तीन आरोपींना ताब्यात घेतले. मृत व्यक्तीची ओळख पटवण्यासाठी सुरुवातीला परिसरातील ५० ते ६० मजूर आणि स्थानिक नागरिकांची चौकशी करण्यात आली, मात्र ओळख पटू शकली नाही. त्यानंतर नागपूर शहर पोलीस आयुक्तालयामार्फत कार्यान्वित करण्यात आलेल्या 'सिम्बा' (SIMBA – Smart Investigation Management Based Application) ॲपचा वापर करण्यात आला. मृत व्यक्तीचा फोटो ॲपमध्ये अपलोड करून शोध घेतला असता, त्याची ओळख अब्दुल रहीम उर्फ रम्यु (वय अंदाजे ३८, रा. शांतीनगर, नागपूर) अशी पटली. नातेवाईकांना बोलावून ओळख निश्चित करण्यात आली. तपासादरम्यान नातेवाईकांनी परशेवर उर्फ इश्वर उर्फ पेलू उर्फ पप्पू, संतोष पटेल आणि त्यांच्या इतर सहकाऱ्यांवर संशय व्यक्त केला. या माहितीच्या आधारे लकडगंज पोलीस आणि गुन्हे शाखा युनिट क्र. ३ यांनी संयुक्त तपास करून अवघ्या एका तासाच्या आत संशयितांना ताब्यात घेतले. आरोपींची कसून चौकशी केली असता, त्यांनी गुन्ह्याची कबुली दिली. तपासात असे निष्पन्न झाले की, आरोपी आणि मृतक एकमेकांचे परिचित होते आणि चोरी व घरफोडीच्या गुन्ह्यांशी संबंधित होते. आरोपींना संशय होता की मृतक त्यांच्या बेकायदेशीर हालचालींची माहिती पोलिसांना देत आहे. याच संशयातून आरोपींनी कट रचून मालधक्का परिसरात नेऊन धारदार शस्त्राने वार करून अब्दुल रहीम उर्फ रम्युचा खून केला. सदर प्रकरणात तिन्ही आरोपींना अटक करण्यात आली असून, गुन्ह्यात वापरलेले शस्त्र आणि इतर पुरावे जप्त करण्याची कार्यवाही सुरू आहे. या प्रकरणाचा पुढील तपास लकडगंज पोलीस करत आहेत. माननीय पोलीस आयुक्त नागपूर शहर यांच्या मार्गदर्शनाखाली, सह. पोलीस आयुक्त, अप्पर पोलीस आयुक्त गुन्हे, अप्पर पोलीस आयुक्त, उत्तर विभाग, पोलीस उपायुक्त, परिमंडळ क्रमांक तीन, सहाय्यक पोलीस आयुक्त लकडगंज विभाग नागपूर शहर यांच्यासह पोलीस ठाणे लकडगंज वरिष्ठ पोलीस निरीक्षक, क्राईम पोलीस निरीक्षक, तपास पथक अधिकारी व अंमलदार आणि गुन्हे शाखा युनिट क्र. ३, नागपूर शहर यांनी तांत्रिक तपास, तत्परता आणि समन्वयामुळे अल्पावधीत या गंभीर खुनाचा उलगडा करून आरोपींना जेरबंद करण्याची उल्लेखनीय कामगिरी पार पाडली.

GS BHALERAO

News Anchor नागपूर (शहरी), नागपूर, महाराष्ट्र•

2 hrs ago

नागपूर शहरातील लकडगंज पोलीस ठाण्याच्या हद्दीत २२ जून २०२६ रोजी सकाळी मालधक्का परिसरात, इतवारी रेल्वे स्टेशनजवळ एका निर्जन ठिकाणी अज्ञात पुरुषाचा मृतदेह आढळून आला. या मृतदेहाच्या डोक्यावर आणि मानेवर धारदार शस्त्राने गंभीर जखमा होत्या. ही माहिती मिळताच लकडगंज पोलिसांनी तात्काळ घटनास्थळी धाव घेऊन पंचनामा करत तपासाला सुरुवात केली. लकडगंज पोलिसांनी गुन्हे शाखा युनिट क्र. ३ च्या मदतीने अवघ्या काही तासांत या खुनाच्या गुन्ह्याचा छडा लावत तीन आरोपींना ताब्यात घेतले. मृत व्यक्तीची ओळख पटवण्यासाठी सुरुवातीला परिसरातील ५० ते ६० मजूर आणि स्थानिक नागरिकांची चौकशी करण्यात आली, मात्र ओळख पटू शकली नाही. त्यानंतर नागपूर शहर पोलीस आयुक्तालयामार्फत कार्यान्वित करण्यात आलेल्या 'सिम्बा' (SIMBA – Smart Investigation Management Based Application) ॲपचा वापर करण्यात आला. मृत व्यक्तीचा फोटो ॲपमध्ये अपलोड करून शोध घेतला असता, त्याची ओळख अब्दुल रहीम उर्फ रम्यु (वय अंदाजे ३८, रा. शांतीनगर, नागपूर) अशी पटली. नातेवाईकांना बोलावून ओळख निश्चित करण्यात आली. तपासादरम्यान नातेवाईकांनी परशेवर उर्फ इश्वर उर्फ पेलू उर्फ पप्पू, संतोष पटेल आणि त्यांच्या इतर सहकाऱ्यांवर संशय व्यक्त केला. या माहितीच्या आधारे लकडगंज पोलीस आणि गुन्हे शाखा युनिट क्र. ३ यांनी संयुक्त तपास करून अवघ्या एका तासाच्या आत संशयितांना ताब्यात घेतले. आरोपींची कसून चौकशी केली असता, त्यांनी गुन्ह्याची कबुली दिली. तपासात असे निष्पन्न झाले की, आरोपी आणि मृतक एकमेकांचे परिचित होते आणि चोरी व घरफोडीच्या गुन्ह्यांशी संबंधित होते. आरोपींना संशय होता की मृतक त्यांच्या बेकायदेशीर हालचालींची माहिती पोलिसांना देत आहे. याच संशयातून आरोपींनी कट रचून मालधक्का परिसरात नेऊन धारदार शस्त्राने वार करून अब्दुल रहीम उर्फ रम्युचा खून केला. सदर प्रकरणात तिन्ही आरोपींना अटक करण्यात आली असून, गुन्ह्यात वापरलेले शस्त्र आणि इतर पुरावे जप्त करण्याची कार्यवाही सुरू आहे. या प्रकरणाचा पुढील तपास लकडगंज पोलीस करत आहेत. माननीय पोलीस आयुक्त नागपूर शहर यांच्या मार्गदर्शनाखाली, सह. पोलीस आयुक्त, अप्पर पोलीस आयुक्त गुन्हे, अप्पर पोलीस आयुक्त, उत्तर विभाग, पोलीस उपायुक्त, परिमंडळ क्रमांक तीन, सहाय्यक पोलीस आयुक्त लकडगंज विभाग नागपूर शहर यांच्यासह पोलीस ठाणे लकडगंज वरिष्ठ पोलीस निरीक्षक, क्राईम पोलीस निरीक्षक, तपास पथक अधिकारी व अंमलदार आणि गुन्हे शाखा युनिट क्र. ३, नागपूर शहर यांनी तांत्रिक तपास, तत्परता आणि समन्वयामुळे अल्पावधीत या गंभीर खुनाचा उलगडा करून आरोपींना जेरबंद करण्याची उल्लेखनीय कामगिरी पार पाडली.