Shuru
Apke Nagar Ki App…
మెదక్ జిల్లా మనోహరాబాద్ మండలం రంగాయపల్లి గ్రామ శివారులోని ఎర్రగొల్ల బిక్షపతి వ్యవసాయ పొలం వద్ద ఉన్న హైటెన్షన్ విద్యుత్ స్తంభాన్ని ధ్వంసం చేసేందుకు గుర్తుతెలియని వ్యక్తులు ప్రయత్నించిన ఘటన ఆలస్యంగా వెలుగులోకి వచ్చింది. ఈ విషయాన్ని గుర్తించిన గ్రామస్తులు వెంటనే అప్రమత్తమయ్యారు. గ్రామస్తుల కథనం ప్రకారం, ఇదే ప్రాంతంలో గతంలో ట్రాన్స్ఫార్మర్ను పలుమార్లు ధ్వంసం చేయడంతో పాటు, ఒకసారి దగ్ధం చేసిన ఘటనలు కూడా చోటుచేసుకున్నాయి. తాజాగా హైటెన్షన్ విద్యుత్ స్తంభాన్ని లక్ష్యంగా చేసుకోవడం వెనుక దుండగుల ఉద్దేశం ఏమిటనే దానిపై స్థానికంగా అనుమానాలు వ్యక్తమవుతున్నాయి. ఈ ఘటనపై సంబంధిత అధికారులు తక్షణమే దర్యాప్తు చేపట్టి, బాధ్యులపై కఠిన చర్యలు తీసుకోవాలని గ్రామస్తులు కోరుతున్నారు.
Priya
మెదక్ జిల్లా మనోహరాబాద్ మండలం రంగాయపల్లి గ్రామ శివారులోని ఎర్రగొల్ల బిక్షపతి వ్యవసాయ పొలం వద్ద ఉన్న హైటెన్షన్ విద్యుత్ స్తంభాన్ని ధ్వంసం చేసేందుకు గుర్తుతెలియని వ్యక్తులు ప్రయత్నించిన ఘటన ఆలస్యంగా వెలుగులోకి వచ్చింది. ఈ విషయాన్ని గుర్తించిన గ్రామస్తులు వెంటనే అప్రమత్తమయ్యారు. గ్రామస్తుల కథనం ప్రకారం, ఇదే ప్రాంతంలో గతంలో ట్రాన్స్ఫార్మర్ను పలుమార్లు ధ్వంసం చేయడంతో పాటు, ఒకసారి దగ్ధం చేసిన ఘటనలు కూడా చోటుచేసుకున్నాయి. తాజాగా హైటెన్షన్ విద్యుత్ స్తంభాన్ని లక్ష్యంగా చేసుకోవడం వెనుక దుండగుల ఉద్దేశం ఏమిటనే దానిపై స్థానికంగా అనుమానాలు వ్యక్తమవుతున్నాయి. ఈ ఘటనపై సంబంధిత అధికారులు తక్షణమే దర్యాప్తు చేపట్టి, బాధ్యులపై కఠిన చర్యలు తీసుకోవాలని గ్రామస్తులు కోరుతున్నారు.
More news from తెలంగాణ and nearby areas
- మెదక్ జిల్లా రామాయంపేట మున్సిపాలిటీ 8వ వార్డులో ప్రత్యేక సమగ్ర ఓటరు జాబితా సవరణ (ఎస్ఐఆర్) ప్రక్రియ వేగంగా సాగుతోంది. బూత్ నంబర్-78 పరిధిలో మొత్తం 688 మంది ఓటర్లు ఉండగా, వారిలో ఇప్పటికే 390 మంది వివరాల డిజిటలైజేషన్ పూర్తయిందని వార్డు కౌన్సిలర్ శంకర్ గౌడ్ వెల్లడించారు. మిగిలిన ఓటర్లు కూడా గడువు ముగిసేలోపు తమ వివరాలను నమోదు చేసుకునేలా బూత్ లెవల్ ఏజెంట్లు (బీఎల్ఏలు) ఇంటింటికీ వెళ్లి అవగాహన కల్పిస్తున్నారు. ప్రతి అర్హ ఓటరు ఈ అవకాశాన్ని సద్వినియోగం చేసుకుని, ఓటరు జాబితాలో తమ వివరాలు సక్రమంగా నమోదయ్యేలా సహకరించాలని ఆయన కోరారు.1Priya
- సంగారెడ్డి జిల్లా పటాన్చెరు పరిధిలోని బొల్లారం ప్రాంతంలో ప్రస్తుతం ఓటర్ల ప్రత్యేక పరిశీలన (SIR – Special Intensive Revision) ప్రక్రియ కొనసాగుతోంది. ఈ ప్రక్రియలో భాగంగా బీఎల్ఓలు (BLOs) ఇంటింటికీ వెళ్లి ఎస్ఐఆర్ ఫారాలను పంపిణీ చేస్తున్నారు. అయితే, చాలా మందికి ఈ ఫారం ఎలా నింపాలో తెలియక ఇబ్బందులు ఎదురవుతున్నాయి. ఈ ఫారాలను అందుకున్న ఓటర్లు కొన్ని ముఖ్యమైన విషయాలను గుర్తుంచుకోవాలి. బీఎల్ఓల నుంచి ఫారం అందుకున్న రెండు రోజుల్లోపు దానిని పూర్తిగా పూర్తి చేసి తిరిగి వారికే అందజేయాల్సి ఉంటుంది. ఒకవేళ ఫారం నింపడంలో ఏవైనా సందేహాలు ఉంటే సహాయం అందుబాటులో ఉంది. దీని కోసం బొల్లారంలోని బీజేపీ కార్యాలయంలో ఏర్పాటు చేసిన హెల్ప్ డెస్క్ లేదా ప్రభుత్వ అధికారులు ఏర్పాటు చేసిన కేంద్రాలను సంప్రదించి సహాయం పొందవచ్చు.1KUMAR
- తెలంగాణ మేధావులు, రిటైర్డ్ ఇంజనీర్లపై ముఖ్యమంత్రి రేవంత్ రెడ్డి తీవ్ర వ్యాఖ్యలు చేస్తూ బూతుల పర్వం లంకించుకున్నారు. కన్నెపల్లి మోటార్లను వెంటనే ఆన్ చేయాలని లేఖ రాసినందుకు రిటైర్డ్ ఇంజనీర్లపై ఆయన తీవ్ర ఆగ్రహం వ్యక్తంచేశారు. రిటైర్డ్ ఇంజనీర్లు వచ్చి తనకు బేవకూఫ్ సలహాలు ఇస్తున్నారని మండిపడ్డారు. వీళ్ళని బొక్కలో వేయకపోవడమే తాను చేసిన తప్పని, తెలంగాణ మేధావులను, రిటైర్డ్ ఇంజనీర్లను బొక్కలో వేయాలని సీఎం రేవంత్ రెడ్డి స్పష్టం చేశారు.1Hanumadri Srinivas Goud
- మేడ్చల్ మల్కాజిగిరి జిల్లా కూకట్పల్లిలో బయోటెక్ పరిశ్రమ కోసం టాప్సే (Topse) సంస్థ తన అధునాతన టర్న్కీ ప్రాసెస్ సొల్యూషన్స్ను ప్రదర్శించింది.1TGN BHARAT NEWS
- Post by Assalamualikumjj3Assalamualikumjj
- బాలికపై నిందితుడు అఘాయిత్యం చేసిన సమయంలో అతడిని పట్టుకోకుండా, అతనికి యాంటిసిపేటరీ బెయిల్ వచ్చేలా పోలీసులతో పాటు ప్రభుత్వమే సహకరించిందని హరీష్ రావు తీవ్ర ఆరోపణలు చేశారు. ఈ రోజు ఏకంగా ఆరుగురిని అతి దారుణంగా హత్య చేసినప్పటికీ, పోలీసులు ఇంకా ఆ నిందితుడిని పట్టుకోవడంలో విఫలమయ్యారని ఆయన మండిపడ్డారు. ఈ దారుణ ఉదంతం తర్వాత ఆ బాలిక కుటుంబంలో ఇప్పుడు ఒకే ఒక అమ్మాయి మిగిలిందని హరీష్ రావు ఆవేదన వ్యక్తం చేశారు. మూగ, చెవిటి, మరియు నడవలేని స్థితిలో ఉంటూ పూర్తిగా కుటుంబంపైనే ఆధారపడిన ఆ అమ్మాయి పరిస్థితిని తలుచుకుంటేనే తీవ్ర బాధగా ఉందంటూ ఆయన ఆందోళన వ్యక్తం చేశారు.1Sangareddy News
- మెదక్ జిల్లా తూప్రాన్ మున్సిపాలిటీకి చెందిన సుమారు రూ.20 కోట్ల విలువైన ఆస్తిని కబ్జా చేసేందుకు కాంగ్రెస్ ప్రయత్నిస్తోందని గజ్వేల్ నియోజకవర్గ బీఆర్ఎస్ ఇన్చార్జ్ వంటేరు ప్రతాపరెడ్డి ఆరోపించారు. తూప్రాన్లో మీడియాతో మాట్లాడిన ఆయన, ఈ భూమిని 1972లోనే అప్పటి గ్రామపంచాయతీ కొనుగోలు చేసిందని వివరించారు. ప్రస్తుతం ఈ మున్సిపల్ భూమిని ఆక్రమించేందుకు జరుగుతున్న ప్రయత్నాలను బీఆర్ఎస్ తీవ్రంగా వ్యతిరేకిస్తూ పోరాటం చేస్తుందని ఆయన స్పష్టం చేశారు. మున్సిపల్ ఆస్తులను వెంటనే పరిరక్షించాలని, ఈ వ్యవహారంపై ప్రభుత్వం తక్షణమే స్పందించాలని ఆయన డిమాండ్ చేశారు.1Priya
- మెదక్ జిల్లా చేగుంటలో ఒక హృదయ విదారక ఘటన చోటుచేసుకుంది. ప్రభుత్వ ఆసుపత్రిలో చికిత్స పొందుతున్న క్రమంలో ఒక తల్లి కన్నుమూయగా, ఆ విషయం తెలియని ఆమె ఇద్దరు చిన్న పిల్లలు (ఒక బాబు, ఒక పాప) రోజంతా ఆమె మృతదేహం పక్కనే కూర్చుండిపోయారు. ఎవరైనా వచ్చి తమకు సహాయం చేస్తారేమోనని ఆ చిన్నారులు ఆశగా ఎదురుచూశారు. ఈ కుటుంబ పరిస్థితి అత్యంత దయనీయంగా మారింది. వీరి తండ్రి ఇదివరకే మరణించడంతో, ఇప్పుడు తల్లి కూడా దూరమై ఆ చిన్నారులు పూర్తిగా అనాథలయ్యారు. ఆసుపత్రిలో తక్షణమే ఆదుకునేందుకు బంధువులు ఎవరూ లేకపోవడంతో, ఉదయం నుండి సాయంత్రం వరకు ఆ చిన్నారులు మృతదేహం వద్దే దిక్కుతోచని స్థితిలో నిరీక్షించాల్సి వచ్చింది.1ప్రేమ్ కుమార్
