மதுரை பழங்காநத்தம் அருகேயுள்ள வெங்கடாசலபுரம் பகுதியில் உள்ள ஒரு மெக்கானிக் செட்டில் நிறுத்தப்பட்டிருந்த காரில் சுமார் 45 வயது மதிக்கத்தக்க பெண் ஒருவரின் அழுகிய நிலையில் உள்ள சடலம் மீட்கப்பட்டது. இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. ராமநாதபுரம் மாவட்டம் சாயல்குடியைச் சேர்ந்த பூவலிங்கம் என்பவருக்குச் சொந்தமான இந்தக் காரை, அவர் கடந்த வாரம் சர்வீஸுக்காக மெக்கானிக் செட்டில் நிறுத்திச் சென்றிருந்தார். உதிரி பாகங்கள் கிடைக்காததால், நான்கு நாட்களுக்குப் பிறகு பாகங்களை வாங்கி வந்து, நேற்று (மே 30) இரவு காரைச் சர்வீஸ் செய்வதற்காக அருகே சென்றபோது கடும் துர்நாற்றம் வீசியுள்ளது. அப்போது காரின் கதவைத் திறந்து பார்த்தபோது, உள்ளே அழுகிய நிலையில் பெண்ணின் சடலம் இருப்பதைக் கண்டு பூவலிங்கம் அதிர்ச்சியடைந்துள்ளார். இந்தத் தகவலறிந்து சம்பவ இடத்திற்கு வந்த சுப்பிரமணியபுரம் போலீசார், அந்தப் பெண்ணின் உடலை மீட்டு மதுரை அரசு ராஜாஜி மருத்துவமனைக்கு பிரேதப் பரிசோதனைக்காக அனுப்பி வைத்தனர். இறந்தவர் யார், எப்படி இறந்தார், கொலை செய்யப்பட்டாரா என்பது குறித்து போலீசார் தற்போது தீவிர விசாரணை நடத்தி வருகின்றனர்.

சு.இரத்தினவேல்

Madurai South, Tamil Nadu•

2 hrs ago

மதுரை பழங்காநத்தம் அருகேயுள்ள வெங்கடாசலபுரம் பகுதியில் உள்ள ஒரு மெக்கானிக் செட்டில் நிறுத்தப்பட்டிருந்த காரில் சுமார் 45 வயது மதிக்கத்தக்க பெண் ஒருவரின் அழுகிய நிலையில் உள்ள சடலம் மீட்கப்பட்டது. இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. ராமநாதபுரம் மாவட்டம் சாயல்குடியைச் சேர்ந்த பூவலிங்கம் என்பவருக்குச் சொந்தமான இந்தக் காரை, அவர் கடந்த வாரம் சர்வீஸுக்காக மெக்கானிக் செட்டில் நிறுத்திச் சென்றிருந்தார். உதிரி பாகங்கள் கிடைக்காததால், நான்கு நாட்களுக்குப் பிறகு பாகங்களை வாங்கி வந்து, நேற்று (மே 30)

இரவு காரைச் சர்வீஸ் செய்வதற்காக அருகே சென்றபோது கடும் துர்நாற்றம் வீசியுள்ளது. அப்போது காரின் கதவைத் திறந்து பார்த்தபோது, உள்ளே அழுகிய நிலையில் பெண்ணின் சடலம் இருப்பதைக் கண்டு பூவலிங்கம் அதிர்ச்சியடைந்துள்ளார். இந்தத் தகவலறிந்து சம்பவ இடத்திற்கு வந்த சுப்பிரமணியபுரம் போலீசார், அந்தப் பெண்ணின் உடலை மீட்டு மதுரை அரசு ராஜாஜி மருத்துவமனைக்கு பிரேதப் பரிசோதனைக்காக அனுப்பி வைத்தனர். இறந்தவர் யார், எப்படி இறந்தார், கொலை செய்யப்பட்டாரா என்பது குறித்து போலீசார் தற்போது தீவிர விசாரணை நடத்தி வருகின்றனர்.