लातूर जिल्ह्यात कायदा व सुव्यवस्था अबाधित राखण्यासाठी तसेच अवैध शस्त्र बाळगणाऱ्या व गुन्हेगारी प्रवृत्तीच्या व्यक्तींवर कठोर कारवाई करण्याच्या लातूर पोलीस दलाच्या विशेष मोहिमेंतर्गत स्थानिक गुन्हे शाखेने मोठी कारवाई केली आहे. १० जून २०२६ रोजी सायंकाळी पोलीस अधीक्षक अमोल तांबे यांच्या निर्देशान्वये आणि अप्पर पोलीस अधीक्षक मंगेश चव्हाण यांच्या मार्गदर्शनाखाली मिळालेल्या गुप्त माहितीच्या आधारे स्थानिक गुन्हे शाखेच्या पथकाने एलआयसी कॉलनी परिसरातील सुतमील झोपडपट्टी भागात छापा टाकला. या छाप्यात आकाश ऊर्फ मारी नवनाथ ऊफाडे (वय २६ वर्ष, रा. पळशी, ता. रेणापूर) याला एक गावठी पिस्टल आणि मॅगझीनसह ताब्यात घेण्यात आले. जप्त करण्यात आलेल्या या गावठी पिस्टलची किंमत ४५ हजार रुपये आहे. पुढील चौकशीदरम्यान, आरोपी आकाश ऊफाडे याने हे गावठी पिस्टल नानासाहेब अर्जुन ऊफाडे (रा. पळशी, ता. रेनापुर) याच्याकडून विकत घेतल्याची माहिती दिली. या माहितीच्या आधारावर, शस्त्र पुरवठादार नानासाहेब अर्जुन ऊफाडे याच्याविरोधातही कारवाई करण्यात आली आहे. या प्रकरणी आकाश ऊर्फ मारी नवनाथ ऊफाडे आणि नानासाहेब अर्जुन ऊफाडे या दोघांविरुद्ध विवेकानंद चौक पोलीस ठाणे, लातूर येथे शस्त्र अधिनियम कलम ३(१)/२५ अन्वये गुन्हा दाखल करण्यात आला असून, या प्रकरणाचा पुढील तपास सुरू आहे. लातूर पोलीस दलाने असेही स्पष्ट केले आहे की, अवैध शस्त्र बाळगणे, विक्री करणे किंवा त्यांचा वापर करणे ही गंभीर स्वरूपाची बाब असून, अशा गुन्हेगारी प्रवृत्तीच्या व्यक्तींविरुद्ध लातूर पोलिसांची कारवाई यापुढेही अधिक तीव्रतेने सुरू राहील.

Laxman Ugile

उदगीर, लातूर, महाराष्ट्र•

on 11 June

लातूर जिल्ह्यात कायदा व सुव्यवस्था अबाधित राखण्यासाठी तसेच अवैध शस्त्र बाळगणाऱ्या व गुन्हेगारी प्रवृत्तीच्या व्यक्तींवर कठोर कारवाई करण्याच्या लातूर पोलीस दलाच्या विशेष मोहिमेंतर्गत स्थानिक गुन्हे शाखेने मोठी कारवाई केली आहे. १० जून २०२६ रोजी सायंकाळी पोलीस अधीक्षक अमोल तांबे यांच्या निर्देशान्वये आणि अप्पर पोलीस अधीक्षक मंगेश चव्हाण यांच्या मार्गदर्शनाखाली मिळालेल्या गुप्त माहितीच्या आधारे स्थानिक गुन्हे शाखेच्या पथकाने एलआयसी कॉलनी परिसरातील सुतमील झोपडपट्टी भागात छापा टाकला. या छाप्यात आकाश ऊर्फ मारी नवनाथ ऊफाडे (वय २६ वर्ष, रा. पळशी, ता. रेणापूर) याला एक गावठी पिस्टल आणि मॅगझीनसह ताब्यात घेण्यात आले. जप्त करण्यात आलेल्या या गावठी पिस्टलची किंमत ४५ हजार रुपये आहे. पुढील चौकशीदरम्यान,

आरोपी आकाश ऊफाडे याने हे गावठी पिस्टल नानासाहेब अर्जुन ऊफाडे (रा. पळशी, ता. रेनापुर) याच्याकडून विकत घेतल्याची माहिती दिली. या माहितीच्या आधारावर, शस्त्र पुरवठादार नानासाहेब अर्जुन ऊफाडे याच्याविरोधातही कारवाई करण्यात आली आहे. या प्रकरणी आकाश ऊर्फ मारी नवनाथ ऊफाडे आणि नानासाहेब अर्जुन ऊफाडे या दोघांविरुद्ध विवेकानंद चौक पोलीस ठाणे, लातूर येथे शस्त्र अधिनियम कलम ३(१)/२५ अन्वये गुन्हा दाखल करण्यात आला असून, या प्रकरणाचा पुढील तपास सुरू आहे. लातूर पोलीस दलाने असेही स्पष्ट केले आहे की, अवैध शस्त्र बाळगणे, विक्री करणे किंवा त्यांचा वापर करणे ही गंभीर स्वरूपाची बाब असून, अशा गुन्हेगारी प्रवृत्तीच्या व्यक्तींविरुद्ध लातूर पोलिसांची कारवाई यापुढेही अधिक तीव्रतेने सुरू राहील.