অসমৰ চিত্ৰগৃহত বৰ্তমান সগৌৰৱে চলি থকা অসমীয়া ছবি ‘হোমৱৰ্ক’ চাবলৈ ওলাই আহিছে শিক্ষার্থীসকল। এখন সুন্দৰ বাৰ্তা থকা এই ছবিখনে দৰ্শকক যথেষ্ট আকৰ্ষিত কৰিছে।

বিধায়ক মেহেবুব মুক্তাৰে মুঠ ৬ খন পথ নিৰ্মাণৰ বাবে আধাৰশিলা স্থাপন কৰিছে।

লখিমপুৰ জিলাৰ প্ৰাক্তন সৈনিক ৮০ উদ্ধবৰ সত্যনাথ ফুকনক লৈ এটি সাক্ষাৎকাৰ গীত প্ৰস্তুত কৰা হৈছে।

লখিমপুৰৰ হাতীগড়ীয়া গাঁৱত ধৰ্মকান্ত নামৰ এগৰাকী মাতাল লোকে উৎপাত কৰাত ৰাইজ অতিষ্ঠ হৈ পৰে। পৰিস্থিতি চম্ভালিব নোৱাৰি ৰাইজে তেওঁক বান্ধি আৰক্ষীক চমজাই দিয়ে।

আজি অনুষ্ঠিত হ’বলগীয়া বিধানসভা অধিৱেশনৰ বাবে অখিল গগৈয়ে প্রস্তুতি চলাইছে। তেওঁ অধিৱেশনত অংশগ্ৰহণৰ বাবে নিজকে সাজু কৰি তুলিছে।

যোৰহাটৰ চিনামৰা স্থিত সন্মিলন কেন্দ্ৰত ২৪ মে' তাৰিখে সদৌ অসম জিলা প্ৰশাসন কৰ্মচাৰী সন্থাৰ কেন্দ্ৰীয় সমিতিৰ দ্বিতীয় কাৰ্যনিৰ্বাহক সভা অনুষ্ঠিত হয়। বন্তি প্ৰজ্বলনেৰে আৰম্ভ হোৱা এই সভাত ৰাজ্যৰ বিভিন্ন জিলাৰ প্ৰতিনিধিসকলে অংশগ্ৰহণ কৰে। সভাত কৰ্মচাৰীসকলৰ দীৰ্ঘদিনীয়া সমস্যা, প্ৰশাসনিক ক্ষেত্ৰত সন্মুখীন হোৱা বিভিন্ন অসুবিধা আৰু কৰ্মচাৰীৰ অধিকাৰ সুৰক্ষাৰ বিষয়কে ধৰি কেইবাটাও সাংগঠনিক তথা কৰ্মচাৰী সমস্যাৰ ওপৰত বিস্তৃত আলোচনা অনুষ্ঠিত হয়। সভাৰ অন্তত অনুষ্ঠিত এক সংবাদমেলৰ জৰিয়তে সন্থাই চৰকাৰৰ ওচৰত কেইবাটাও দাবী উত্থাপন কৰি কৰ্মচাৰীসকলৰ সমস্যাসমূহ অগ্ৰাধিকাৰ ভিত্তিত সমাধান কৰিবলৈ আহ্বান জনায়।

উজনি অসমৰ যোৰহাটত প্ৰথমবাৰৰ বাবে ৰাজ্যিক ভিত্তিত আন্তঃক্লাব ৱাটাৰ প'ল প্ৰতিযোগিতাৰ আয়োজন কৰা হৈছে। ৪০সংখ্যক প্ৰতিষ্ঠা দিৱসৰ লগত সংগতি ৰাখি অনুষ্ঠিত এই প্ৰতিযোগিতাত বিভিন্ন জিলাৰ ১০টা দলে অংশগ্ৰহণ কৰিছে, যাৰ ভিতৰত তিনিটা ছোৱালীৰ দল আৰু সাতটা ল'ৰাৰ দল আছিল। এই প্ৰতিযোগিতাৰ সময়ত ১৭গৰাকী প্ৰতিষ্ঠাপক সদস্যক সম্বৰ্ধনা জনোৱা হয়।

বৃহত্তৰ শিৱসাগৰ নাগৰিক মঞ্চৰ উদ্যোগত আৰু শিৱসাগৰবাসীৰ সহযোগত শিৱসাগৰৰ ৰংপুৰজ্যোতি ক্লাৱত এখনি ৰাজহুৱা সভা অনুষ্ঠিত হয়। এই সভাৰ মূল উদ্দেশ্য আছিল শিৱসাগৰ সমষ্টিৰ পৰা জিলা আয়ুক্তৰ কাৰ্যালয় স্থানান্তৰ কৰাৰ চিন্তাৰ প্ৰতিবাদ জনোৱা আৰু প্ৰস্তাৱিত বিজ্ঞান যাদুঘৰ শিৱসাগৰতে স্থাপনৰ দাবী উত্থাপন কৰা। সভাত শিৱসাগৰৰ বহু সমাজ সচেতন ব্যক্তিয়ে অংশগ্ৰহণ কৰি নিজ নিজ ভাষণত আয়ুক্ত কাৰ্যালয় আৰু প্ৰস্তাৱিত বিজ্ঞান যাদুঘৰ স্থানান্তৰিত কৰিবলৈ লোৱা চিন্তাৰ তীব্ৰ বিৰোধিতা কৰে। দুটা বিষয়ৰ ওপৰত বিস্তৃত আলোচনা অনুষ্ঠিত হোৱাৰ পাছত ৰাজহুৱা সভাই কেইবাটাও গুৰুত্বপূৰ্ণ প্ৰস্তাৱ গ্ৰহণ কৰে। সভাত সৰ্বসন্মত সিদ্ধান্ত লোৱা হয় যে, কোনো কাৰণতে শিৱসাগৰ সমষ্টিৰ পৰা আয়ুক্ত কাৰ্যালয় স্থানান্তৰ কৰিবলৈ দিয়া নহ'ব। ইয়াৰ উপৰিও, শিৱসাগৰত স্থাপন হ'বলগীয়া বিজ্ঞান যাদুঘৰ যাতে শিৱসাগৰ সমষ্টিৰ পৰা আন ঠাইলৈ স্থানান্তৰ নকৰে, তাৰ বাবে বিধায়ক মহোদয়ক বিহিত ব্যৱস্থা গ্ৰহণ কৰিবলৈ এখন পত্ৰ প্ৰেৰণ কৰাৰ সিদ্ধান্তও সভাত গ্ৰহণ কৰা হয়।

মুখ্যমন্ত্ৰী হিমন্ত বিশ্ব শৰ্মাই জনতাৰ সৈতে হোৱা প্ৰতিটো বাৰ্তালাপকে তেওঁৰ বাবে বিশেষ বুলি অভিহিত কৰিছে।